వీధి బాలలను గుర్తించి సంరక్షించండి
Andhra Pradesh Telugu | Suryaa Desk | Published : Thu, Sep 26, 2024, 07:37 PM
వీధి బాలలను గుర్తించి వారిని సంరక్షించాల్సిన బాధ్యత ప్రతి ఒక్కరిపై ఉందని కర్నూలు జిల్లా న్యాయ సేవాధికార సంస్థ కార్యదర్శి బి.లీలా వెంకట శేషాద్రి అన్నారు. స్థానిక న్యాయ సేవా సదన భవనలో బుధవారం జరిగిన ఓ కార్యక్రమంలో ఆయన మాట్లాడారు. బాలల హక్కులను సంరక్షించాలని, తెలిసీ తెలియని వయస్సులో ఇళ్ల నుంచి వెళ్లిపోయి వీధి బాలలుగా మారి బంగారు భవిష్యత్తును కోల్పోతున్నారని ఆయన తెలిపారు. ఈ సందర్భంగా కార్మిక శాఖ, పోలీసులు చైల్డ్ వెల్ఫేర్ సంస్థ అధికారులతో కూడిన మూడు బృందాలు వేర్వేరుగా నగరంలోని పలు ప్రాంతాల్లో వీధి బాలలను గుర్తించడానికి వెళ్లాయని తెలిపారు. పోలీసులు, కార్మిక శాఖ, చైల్డ్ వెల్ఫేర్ శాఖలు వీధి బాలలను గుర్తించాలని అన్నారు. కార్యక్రమంలో శాశ్వత లోక్ అదాలత అధ్యక్షుడు వెంకట హరినాథ్, దిశ డీఎస్పీ కే.శ్రీనివాసాచారి, అసిస్టెంట్ కమిషనర్ ఆఫ్ లేబర్ సాంబ శివ, చైల్డ్ వెల్ఫేర్ కమిటీ చైర్ పర్సన జుబేదా బేగం పాల్గొన్నారు.
|
|