ట్రెండింగ్
సనాతన ధర్మం పరిరక్షణకు ప్రత్యేక విభాగం.. పవన్ కళ్యాణ్ కీలక నిర్ణయం
Andhra Pradesh Telugu | Suryaa Desk | Published : Fri, Nov 01, 2024, 10:33 PM
సనాతన ధర్మం పరిరక్షణ కోసం జనసేన అధినేత, డిప్యూటీ సీఎం పవన్ కళ్యాణ్ కీలక నిర్ణయం తీసుకున్నారు. జనసేన పార్టీ ఆధ్వర్వంలో నరసింహ వారాహి గణం పేరుతో ప్రత్యేక విభాగాన్ని ప్రకటించారు. సనాతన ధర్మం పరిరక్షణే ఈ నరసింహ వారాహి గణం లక్ష్యమని తెలిపారు. ఏలూరు జిల్లా ఐఎస్ జగన్నాధపురం లక్ష్మీనరసింహ స్వామిని దర్శించుకున్న పవన్ కళ్యాణ్.. సనాతన ధర్మం పరిరక్షణపై మాట్లాడారు. అన్ని మతాలకు గౌరవం ఇవ్వాలని సూచించిన పవన్.. ఏ మతంపైన అయినా సోషల్ మీడియాలో కించపరిచే పోస్టులు పెడితే కఠిన చర్యలు తప్పవని హెచ్చరించారు. సనాతన ధర్మాన్ని కాపాడాలని.. ఎవరైనా సనాతన ధర్మాన్ని విమర్శిస్తే ఊరుకునేది లేదని ఇప్పటికే పలుమార్లు పవన్ కళ్యాణ్ తెలిపారు. తిరుమల శ్రీవారి లడ్డూ కల్తీ వ్యవహారంలో పవన్ కళ్యాణ్ తీవ్ర ఆగ్రహం వ్యక్తం చేశారు. సనాతన ధర్మాన్ని పరిరక్షించాల్సిన అవసరం ఉందని పేర్కొన్నారు.
|
|