ఏపీలో వారందరికి తీపికబురు.. ఉచితంగానే, ఒక్కొక్కరికి రూ.9వేలు ఇస్తారు

ఆంధ్రప్రదేశ్ ప్రభుత్వం కీలక నిర్ణయం తీసుకుంది. జాతీయ గ్రామీణ ఉపాధి హామీ పథకంలో భాగంగా.. ఏడాదిలో వంద రోజుల పనిదినాలు పూర్తి చేసిన కుటుంబాలకు తీపికబురు చెప్పింది. ఈ మేరకు స్వయం ఉపాధి పొందేందుకు అవసరమైన శిక్షణ అందించాలని ప్రభుత్వం నిర్ణయించింది. దీనికి సంబంధించి ఉన్నతి కార్యక్రమంలో భాగంగా.. రాష్ట్ర ఉపాధి కల్పన వ్యవస్థాపక అభివృద్ధి సంస్థ ద్వారా ఈ ఏడాది 12 వేల మందికి శిక్షణ అందించనుంది. ఉన్నతి కార్యక్రమంలో భాగంగా.. మూడు నెలల శిక్షణ కాలంలో నెలకు రూ.9 వేల చొప్పున స్టైపెండ్‌ అందిస్తారు.

కేంద్ర ప్రభుత్వం ఉన్నతి కార్యక్రమాన్ని చేపట్టింది.. ఉపాధి హామీ పథకంలో పనులకు హాజరయ్యే కూలీలు క్రమంగా వివిధ రంగాల్లో స్వయం ఉపాధి పొందేలా శిక్షణ అందించే ఉద్దేశంతో దీనిని తీసుకొచ్చింద. గత ప్రభుత్వం ఈ ఉన్నతిని పట్టించుకోకుండా నిర్లక్ష్యంగా వ్యవహరించిందనే విమర్శలు ఉన్నాయి. కొన్ని జిల్లాల్లో శిక్షణ కార్యక్రమాలు అరకొరగా నిర్వహించారు.. అలాగే కాగితాలకే పరిమితమయ్యాయి. కేంద్ర గ్రామీణాభివృద్ధి మంత్రిత్వశాఖ ఇటీవల ఢిల్లీలో నిర్వహించిన సమీక్షలో.. రాష్ట్రంలో ఉపాధి హామీ పథకానికి సంబంధించి ఉన్నతి కార్యక్రమం అమలులో వెనుకబడిందని తెలిసింది.

కేంద్రం అలర్ట్ చేయడంతో రాష్ట్ర పంచాయతీరాజ్, గ్రామీణాభివృద్ధిశాఖ అప్రమత్తం అయ్యింది. 2024-25 ఆర్థిక సంవత్సరంలో 1.30 లక్షల కుటుంబాలు వంద రోజుల పనిదినాలు పూర్తి చేసుకున్నట్లుగా గుర్తించింది ప్రభుత్వం. వీరిలో విద్యార్హతలు, ఆసక్తిని దృష్టిలో పెట్టుకుని తొలి దశలో 12 వేల మందికి శిక్షణ ఇవ్వడానికి రాష్ట్ర ఉపాధి కల్పన వ్యవస్థాపక అభివృద్ధి సంస్థతో సంప్రదింపులు జరిపింది. వచ్చే మూడు నెలల్లో ఏడు వేల మందికి, రెండో దశలో ఐదు వేల మందికి శిక్షణ అందించనుంది. మొత్తానికి ప్రభుత్వం ఉన్నతి కార్యక్రమాన్ని నిర్వహించాలని నిర్ణయించింది.

మరోవైపు జీఎస్‌టీ వసూళ్లలో అక్టోబరు నెలలో ఆంధ్రప్రదేశ్‌ 12 శాతం వృద్ధిని, తెలంగాణ రాష్ట్రం 7 శాతం నమోదు చేశాయి. అక్టోబరులో ఆంధ్రప్రదేశ్‌లో రూ.3,815 కోట్లు, తెలంగాణలో రూ.5,211 కోట్లు జీఎస్‌టీ వసూలైనట్లు కేంద్ర ఆర్థికశాఖ విడుదల చేసిన నివేదికలో వెల్లడించింది. గతేడాది ఇదే నెలలో ఏపీ వసూళ్లు రూ.3,403 కోట్లు, తెలంగాణ వసూళ్లు రూ.4,868 కోట్లుకు పరిమితమైనట్లు వివరించింది. జాతీయస్థాయిలో అన్ని రాష్ట్రాలూ కలిపి సగటున 10.63% వృద్ధిరేటును నమోదు చేశాయి.

కేంద్ర ప్రభుత్వం జాతీయ ఉపకార వేతనాలకు దరఖాస్తుల గడువును ఈ నెల 15 వరకు పొడిగించింది. మొదట ప్రకటించిన షెడ్యూల్‌ ప్రకారం అక్టోబరు 30తో గడువు ముగియగా.. మరో 15 రోజులు పొడిగిస్తూ ఉత్తర్వులు ఇచ్చారు. ఏఐసీటీఈ (అఖిల భారత సాంకేతిక విద్యామండలి), యూజీసీ ద్వారా ఈ పథకాలను అమలు చేస్తోంది. ఏఐసీటీఈ ప్రగతి స్కాలర్‌షిప్‌నకు టెక్నికల్‌ డిగ్రీ, డిప్లొమా ఫిస్టియర్ విద్యార్థినిలు అర్హులు. వీరికి ఏడాదికి రూ.50 వేల చొప్పున ఉపకార వేతనం అందిస్తోంది. అంతేకాదు ఏఐసీటీఈ సాక్షమ్‌ టెక్నికల్‌ డిగ్రీ, డిప్లొమాలో ఏ సంవత్సరంలోనైనా దివ్యాంగులకు ఏడాదికి రూ.50 వేలు అందుతుంది. ఏఐసీటీఈ స్వాంతన్‌ కింద తల్లిదండ్రులు చనిపోయిన అనాథలకు ఏ సంవత్సరంలోనైనా రూ.50 వేలు ఇస్తారు. యూజీసీ పోస్టుగ్రాడ్యుయేట్స్‌కు మొదటి ఏడాది చదువుతున్నవారు అర్హులు.. వీరు ఉపకార వేతనానికి ఎంపికైతే నెలకు రూ.10 వేల చొప్పున 15 నెలలు చెల్లిస్తుంది.