దువ్వాడ శ్రీనివాస్ పుట్టినరోజుకు మాధురి సర్‌ప్రైజ్.. ఏంటా గిఫ్ట్, ఎంత ఖరీదంటే?

ఎమ్మెల్సీ దువ్వాడ శ్రీనివాస్, దివ్వెల మాధురి గురించి తెలుగు రాష్ట్రాల్లో పరిచయం అక్కర్లేదు. గత కొన్ని నెలలుగా జరుగుతున్న పరిణామాల నేపథ్యంలో వీరిద్దరూ తెలుగు రాష్ట్రాల్లో హాట్ టాపిక్ అయ్యారు. ముఖ్యంగా దువ్వాడ శ్రీనివాస్ కుటుంబ వివాదం నేపథ్యంలో దివ్వెల మాధురి పేరు తెరపైకి వచ్చింది. ఆ తర్వాత జరిగిన వరుస ఘటనలు.. ఇప్పుడు పరిచయం అక్కర్లేకుండా చేశాయి. ఇక అసలు విషయానికి వస్తే దువ్వాడ శ్రీనివాస్ పుట్టినరోజు సందర్భంగా బర్త్‌డే వేడుకలు ఆయన అనుచరులు, సన్నిహితులు ఘనంగా సెలబ్రేట్ చేసుకున్నారు. దివ్వెల మాధురితో కలిసి దువ్వాడ శ్రీనివాస్ పుట్టినరోజు వేడుకలు జరుపుకున్నారు. ఇక దువ్వాడ శ్రీనివాస్ పుట్టినరోజు సందర్భంగా దివ్వెల మాధురి ఖరీదైన గిఫ్ట్ ఇచ్చారు. దువ్వాడ శ్రీనివాస్‌కు బర్త్‌డే గిఫ్ట్‌గా ఖరీదైన వాచీ అందించారు. ఈ వాచ్ ఖరీదు సుమారుగా రూ.2 లక్షలు వరకూ ఉండొచ్చని తెలిసింది.

మరోవైపు ఇటీవలే వీరిద్దరూ తిరుమల శ్రీవారి దర్శనానికి వెళ్లిన సంగతి తెలిసిందే. తిరుమల బ్రహ్మోత్సవాల సమయంలో శ్రీవారి దర్శనానికి వెళ్లారు. ఈ సందర్భంగా వీరి పెళ్లిపై ఊహాగానాలు ప్రచారం కాగా.. దానిపై దివ్వెల మాధురి క్లారిటీ ఇచ్చారు. ప్రస్తుతం విడాకుల అంశం కోర్టు పరిధిలో ఉందని.. అది తేలిన తర్వాత పెళ్లి చేసుకుంటామంటూ క్లారిటీ ఇచ్చారు. అప్పటిదాకా సహజీవనంలో ఉంటామని చెప్పారు. అయితే దివ్వెల మాధురి తిరుమలలో ఫోటోలు దిగడం వివాదాస్పదమైంది. తిరుమలలో రీల్స్ చేయటం, సహజీవనం గురించి మాట్లాడి హిందువుల మనోభావాలు దెబ్బతీశారంటూ... టీటీడీ ఏవీఎస్‌వో తిరుమల వన్‌టౌన్ పోలీస్ స్టేషన్‌లో ఫిర్యాదు చేశారు. ఈ ఫిర్యాదు ఆధారంగా పోలీసులు కేసు కూడా నమోదు చేశారు.

అయితే రాజకీయ కక్ష సాధింపులో భాగంగానే తమపై కేసులు పెట్టారని దివ్వెల మాధురి అప్పట్లో ఆరోపించారు. తనపై పెట్టిన కేసులపై న్యాయపోరాటం చేస్తామని స్పష్టం చేశారు. ప్రస్తుతం ఈ కేసు అలాగే కొనసాగుతోంది. మరోవైపు వివాదం నేపథ్యంలో.. ప్రస్తుతం దువ్వాడ శ్రీనివాస్ భార్య, కుమార్తెలు ఆయనకు దూరంగా ఉన్నారు. దీంతో దివ్వెల మాధురితో కలిసి దువ్వాడ శ్రీనివాస్ పుట్టినరోజు జరుపుకున్నారు. ఈ సందర్బంగా ఖరీదైన గిఫ్ట్ ఇచ్చి ఆయనను సర్‌ప్రైజ్ చేశారు దివ్వెల మాధురి.