ట్రెండింగ్
బియ్యం అక్రమ రవాణాపై డిప్యూటీ సీఎం పవన్‌కు ద్వారంపూడి రిక్వెస్ట్
Andhra Pradesh Telugu | Suryaa Desk | Published : Sun, Dec 08, 2024, 06:35 PM
రేషన్ బియ్యం అక్రమ రవాణాలో తనకు, తన కుటుంబానికి ఎలాంటి సంబంధం లేదని వైసీపీ నేత, కాకినాడ మాజీ ఎమ్మెల్యే ద్వారంపూడి చంద్రశేఖర్ రెడ్డి స్పష్టం చేశారు. తన కుటుంబానికి సంబంధం ఉందంటూ లేనిపోని ప్రచారాలు చేస్తున్నారని ద్వారంపూడి ఆరోపించారు. తాను 2019లో ఎమ్మెల్యేగా అయ్యే సమయానికి బియ్యాన్ని గోపాలపురం, పారదీప్, వైజాగ్, కాకినాడ, కృష్ణపట్నం, చెన్నై, కాండ్లా పోర్టుల నుంచి ఇతర దేశాలకు ఎగుమతి చేసేవారని ఆయన చెప్పారు. తాను ఎమ్మెల్యేగా అయిన.. తర్వాత దేశంలోని బియ్యం ఎగుమతుల్లో 98 శాతం కాకినాడ పోర్టు నుంచి జరిగేలా చర్యలు తీసుకున్నట్లు చెప్పారు. దీనివలన లారీ యజమానులు, బోట్ల యజమానులు, కార్మికులు బాగుపడ్డారని ద్వారంపూడి చంద్రశేఖర్ రెడ్డి తెలిపారు. మరోవైపు తన తమ్ముడు బియ్యాన్ని ఎగుమతి చేస్తారే కానీ రాజకీయాలతో అతనికి సంబంధం లేదని ద్వారంపూడి స్పష్టం చేశారు.
|
|