జోయాలుక్కాస్, మలబార్, తనిష్క్.. ఎక్కడెక్కడ గ్రాము బంగారం ధర ఎంతుందంటే

బంగారం అంటే భారతీయులకు ఎంతో ఇష్టం ఉంటుంది. దీని గురించి ప్రత్యేకంగా చెప్పాల్సిన పని లేదు. బంగారంతో పాటే వెండికి కూడా మంచి డిమాండే ఉంటుంది. బంగారం కొనుగోలు చేసేవారితో పాటుగా.. పెట్టుబడి పెట్టేందుకు కూడా మంచి సాధనం. అందుకే.. ఈ ధరల గురించి ఎప్పటికప్పుడు తెలుసుకుంటూ ఉండాలి. బంగారం ధరలు అన్ని చోట్లా ఒకేలా ఉండవని చెప్పొచ్చు. స్థానిక పన్ను రేట్లు సహా ఇతర ఎన్నో కారణాలు బంగారం ధరల్ని ప్రభావితం చేస్తుంటాయి. ఎక్కువగా అంతర్జాతీయ విపణికి అనుగుణంగా ఇక్కడ గోల్డ్ రేట్లు ట్రేడవుతుంటాయి. అంటే అక్కడ పెరిగితే ఇక్కడా పెరుగుతాయి. అక్కడ తగ్గితే ఇక్కడా తగ్గుతాయని చెప్పొచ్చు. అక్కడ స్థిరంగా ఉంటే ఇక్కడా అదే తీరు ఉంటుందన్నమాట.

గోల్డ్ స్వచ్ఛతను క్యారెట్లలో కొలుస్తారని చెప్పొచ్చు. అంటే క్యారెట్ వాల్యూ పెరిగేకొద్దీ బంగారం ధర, స్వచ్ఛత పెరుగుతుంది. స్వచ్ఛమైన బంగారం అంటే 24 క్యారెట్లని చెబుతారు. ఇది 99.9 శాతం ప్యూర్ గోల్డ్ అన్నమాట. ఇది బంగారు ఆభరణాలకు పనికిరాదు. అందుకే.. గోల్డ్ బిస్కెట్లు, బార్స్, కాయిన్స్ రూపంలో అందుబాటులో ఉంటుంది.

ఇక 22 క్యారెట్ల బంగారంతో నగలు తయారు చేస్తారు. ఇందులో 9.16 శాతం బంగారం ఉంటుంది. ఇతర లోహాల్ని కలిపి ఈ బంగారంతో నగల్ని రూపొందిస్తారు. అయితే.. బయట దుకాణాల్లో (జువెల్లరీలు), ప్రాంతాల్లో పన్నులు, ఇతర తయారీ ఛార్జీలు, తరుగు, జీఎస్టీ వంటివి కలపకుండా గోల్డ్ రేట్లను ప్రకటిస్తుంటాయి. దీనితో ధర తక్కువగా కనిపిస్తుంది. అయితే.. మనం ఆభరణం కొనుగోలు చేసినతర్వాత చూస్తే.. అప్పుడు అసలు ధరకు.. ఫైనల్ బిల్లుకు చాలా తేడా ఉంటుంది. ఇందులో తరుగు, తయారీ ఛార్జీలు, జీఎస్టీ వంటివి యాడ్ అవుతాయి.

ఇప్పుడు మనం దేశంలోని ప్రముఖ జువెల్లరీలో బంగారం రేట్లు ఎలా ఉన్నాయనేది చూద్దాం. ఇక్కడ కూడా జీఎస్టీ, మేకింగ్ ఛార్జీలు వంటివి కలపక ముందు అని గుర్తుంచుకోవాలి. ఇవి 2024, డిసెంబర్ 14 మధ్యాహ్నం 12.40 గంటల సమయంలోవి అని తెలుసుకోవాలి. కల్యా్ణ్ జువెల్లర్స్‌లో గ్రాము గోల్డ్ రేటు 22 క్యారెట్లపై రూ. 7140 గా ఉంది. తనిష్క్ జువెల్లర్స్‌లో ఇది రూ. 7310 గా ఉంది. మలబార్ గోల్డ్ జువెల్లరీలో పసిడి ధర గ్రాముకు రూ. 7,140 పలుకుతోంది. జోయాలుక్కాస్‌లో చూస్తే ఇక్కడ కూడా బంగారం రేటు గ్రాముకు రూ. 7,140 వద్ద ఉంది. కచ్చితంగా హాల్ మార్క్ ఉన్న బంగారు ఆభరణాల్నే కొనుగోలు చేయాలి.