4 వేల 300 మంది యాచకులపై పాకిస్థాన్ నో ఫ్లై లిస్ట్.. ఎందుకు పెట్టిందో తెలుసా

యాచకులు అనగానే మన మనసులో మెదిలేది.. చినిగిపోయిన బట్టలు వేసుకుని.. చింపిరి జుట్టుతో ఓ గిన్నె పట్టుకుని కూర్చోవడం గుర్తుకు వస్తుంది. అలాంటి వాళ్లు బస్సులు, రైళ్లలో మనకు ఎక్కువగా కనిపిస్తుంటారు. టిక్కెట్టు తీసుకోకుండానే ప్రయాణాలు చేస్తూ మరీ అందరి వద్ద భిక్షమెత్తుకుంటారు. ఇదంతా మనకు తెలిసిందే. కానీ పాకిస్థాన్ యాచకుల గురించి మనం ప్రత్యేకంగా తెలుసుకోవాలి. ఎందుకంటే అక్కడి ప్రభుత్వం.. 4 వేల 300 మంది యాచకులై వారిపై నో ఫ్లై లిస్ట్ పెట్టింది. అంటే వాళ్లు విమానాలు ఎక్కి ఏ దేశానికి వెళ్లకుండా చేసింది. ఈ పూర్తి విశేషాలు ఏంటో మనం ఇప్పుడు తెలుసుకుందాం.

ఆ ఎగుమతుల్లో పాకిిస్థాన్ ఎప్పుడూ ముందే..!

ఉగ్రవాదం, గాడిదలు, యాచకులను ఎగుమతి చేయడంలో పాకిస్థాన్ ఎప్పుడూ ముందే ఉంటుంది. ఇది జగమెరిగిన సత్యం. అయితే ఈమధ్య మధ్యప్రాచ్య దేశాల్లో పాకిస్థానీ యాచకులు ఎక్కువ అవడంతో.. ఆ దేశాలన్నీ పాకిస్థాన్‌పై విరుచుకుపడ్డాయి. యాచకుల ఎగుమతిని ఆపకపోతే కఠిన చర్యలు తీసుకుంటామని చెప్పాయి. దీంతో పాకిస్థాన్ వెంటనే 4, 300 మంది యాచకులను ఎగ్జిట్ కంట్రోల్ లిస్టులో చేర్చింది. అంటే వారిపై నో ఫ్లై లిస్ట్ పెట్టింది. అంటే వీరంతా విమానాలు ఎక్కి దేశాన్ని దాటి ఎక్కడికీ వెళ్లలేరు.

ముఖ్యంగా సౌదీ అరేబియా వీధుల్లో, మక్కా, మదీనా, జెద్దా నగరాల్లో పాకిస్థాన్ యాచకులు ఎక్కువగా కనిపిస్తుంటారు. తీవ్ర ద్రవ్యోల్బణం, క్షీణిస్తున్న ఆర్థిక పరిస్థితులతో పాకిస్థానీలు భిక్షాటన కోసం.. తీర్థయాత్రల పేరుతో సౌదీతో పాటు పశ్చిమాసియా దేశాలకు వెళ్తున్నారు. అక్కడే అడుక్కుంటూ జీవనం సాగిస్తున్నారు. అలాగే పిక్ పాకెటింగ్‌లు చేస్తూ జైలుకు వెళ్తున్నారు. ఇలా సౌదీ జైల్లల్లో అనేక మంది పాకిస్థాన్ యాచకులు ఉండడంతో సౌదీ సతమతమవుతోంది.

పాకిస్థాన్ యాచకులతో సమస్యలు ఎదుర్కుంటుంది ఒక్క సౌదీ అరేబియా మాత్రమే కాదు.. యూఏఈ, ఇరాక్ మరిన్ని పశ్చిమాసియా దేశాలు కూడా పాకిస్థాన్ బిచ్చగాళ్ల వల్ల అనేక ఇబ్బందులు ఎదుర్కుంటున్నారు. ఈక్రమంలోనే పాకిస్థాన్ ప్రభుత్వానికి.. వారి దేశం నుంచి ఏ ఒక్క యాచకుడు తమ దేశంలోకి వచ్చినా ఊరుకోమని పశ్చిమాసియా దేశాలన్నీ హెచ్చరికలు జారీ చేశాయి. దీంతో పాకిస్థాన్.. యాచకులపై ప్రత్యేక దృష్టి సారించి వారిని దేశం నుంచి వెళ్లనీయకుండా చర్యలు చేపట్టింది. నో ఫ్లై లిస్టులో యాచకుల పేర్లను చేరుస్తూ.. వారిని ఎక్కడికీ వెళ్లనీయకుండా కసరత్తులు చేస్తోంది.