రష్యా న్యూక్లియర్ సెక్యూరిటీ చీఫ్ హతం.. ఉక్రెయిన్ పనేనా

రష్యా రాజధాని మాస్కోలో మంగళవారం (డిసెంబర్ 17) భారీ పేలుడు సంభవించింది. ఈ ఘటనలో రష్యా న్యూక్లియర్, బయోలాజికల్, కెమికల్ ప్రొటెక్షన్ ట్రూప్స్ అధినేత లెఫ్టినెంట్ జనరల్ ఇగోర్ కిరిల్లోవ్ దారుణ హత్యకు గురయ్యాడు. ఆయన ఎలక్ట్రిక్ స్కూటర్‌లో బాంబును అమర్చి ఎవరో ఆ హత్యకు పాల్పడ్డారు. అయితే ఈ బాంబు పేలుడు వెనుక ఉక్రెయిన్ హస్తం ఉందని రష్యా భావిస్తోంది. క్రెమ్లిన్‌కు ఆగ్నేయంగా 7 కిలోమీటర్ల దూరంలో ఉన్న రియాజాన్స్కీ ప్రాస్పెక్ట్‌లోని అపార్ట్‌మెంట్ భవనం సమీపంలో.. ఈ బాంబు పేలుడు జరిగింది.

మొత్తం 300 గ్రాముల పేలుడు పదార్థాలను ఎలక్ట్రిక్ స్కూటర్‌లో అమర్చారని.. దాన్ని రిమోట్‌తో ఆపరేట్ చేశారని రష్యా పోలీసు అధికారులు చెబుతున్నారు. ఈ దాడిలో జరనల్ ఇగివో కిరిల్లోవ్‌తో పాటు అతని సహాయకుడు కూడా మరణించాడు. అయితే వీరిద్దరి మరణాలపై రష్యా ఇన్వెస్టిగేటివ్ కమిటి దర్యాప్తు చేస్తోంది. ఘటన వద్ద ఏమైనా ఆధారాలు దొరుకుతాయేమోనని వెతుకుతోంది.

కిరిల్లోవ్ హత్యకు ఒక్కరోజు ముందే ఉక్రెయిన్‌పై ఆయన రసాయన ఆయుధాలను ఉపయోగించారని కివ్ ఇండిపెండెంట్ నివేదించింది. 2022వ సంవత్సరం ఫిబ్రవరిలో రష్యా.. ఉక్రెయిన్‌పై చేసిన సైనిక ఆపరేషన్‌లో ఆయన నిషేధిత రసాయనాలను ఉపయోగించినట్లు ఉక్రెయిన్ సెక్యూరిటీ సర్వీసెస్ డిసెంబర్ 16న ఆరోపణలు చేసింది. 4,800 కంటే ఎక్కువ రసాయన ఆయుధాలను ఉపయోగించినట్లు పేర్కొంది. ముఖ్యంగా కే-1 పోరాట గ్రెనేడ్‌లను వాడినట్లు స్పష్టం చేసింది. అయితే తమ దేశంలో ఆ ఆయుధాలను నిషేధించినట్లు కూడా వివరించింది.

కిరిల్లోవ్‌పై ఆరోపణలు చేసిన మరుసటి రోజే ఆయన హత్య జరగడంతో అందరూ ఈ హత్య వెనుక ఉక్రెయిన్ హస్తం ఉందని భావిస్తున్నారు. ముఖ్యంకా ఉక్రెయిన్‌లోని సెక్యూరిటీ సర్వీస్ .. మాస్కోలో జరిగిన ప్రత్యేక ఆపరేషన్‌లో కిరిల్లోవ్‌ను చంపడానికి బాధ్యత వహించదని ఏఎఫ్పీ మూలాధారాలను ఉటంకిస్తూ నివేదించింది. ఏది ఏమైనా ఉక్రెయిన్‌తో యుద్ధం సమయంలో.. ఇగోర్ కిరిల్లోవ్ మృతి చెందడం రష్యాకు తీరని లోటు. చూడాలి మరి ముందు ముందు ఏం జరగనుంది అనేది.