మ్యాజిక్ చేసిన టాటా స్కీమ్.. 10 వేల పొదుపుతో రూ.38 లక్షలొచ్చాయ్.. ఎన్నేళ్లలోనంటే

స్టాక్ మార్కెట్లలో నేరుగా పెట్టుబడి పెట్టలేని వారికి మ్యూచువల్ ఫండ్స్ సరైన మార్గంగా ఆర్థిక నిపుణులు చెబుతుంటారు. మ్యూచువల్ ఫండ్స్‌ ద్వారా ఈక్విటీల్లో ఈజీగా పెట్టుబడులు పెట్టి హైరిటర్న్స్ పొందవచ్చు. వీటి నిర్వహణ సైతం సులభంగా ఉంటుంది. కావాల్సినప్పుడు పెట్టుబడి వెనక్కి తీసుకోవచ్చు. గత కొన్నేళ్లుగా చాలా ఫండ్స్ హైరిటర్న్స్ ఇస్తున్నాయి. దీంతో ఎక్కువ మంది ముఖ్యంగా యువత మ్యూచువల్ ఫండ్స్‌లో పెట్టుబడులు పెట్టేందుకు మొగ్గు చూపుతున్నాయి. అందులోనూ సిస్టమాటిక్ ఇన్వెస్ట్‌మెంట్ ప్లాన్ ద్వారా తక్కువ మొత్తంలో పెడుతూ హైరిటర్న్స్ అందుకుంటున్నారు.

మ్యూచువల్ ఫండ్స్‌లో పెట్టుబడులు పెట్టే వారు తాము ఎంచుకునే ఫండ్స్ గత చరిత్రను కచ్చితంగా పరిశీలించాలని మార్కెట్ నిపుణులు చెబుతుంటారు. గతంలో మంచి రిటర్న్స్ ఇచ్చిన స్కీమ్స్ ముందు ముందు కూడా మంచి లాభాలు ఇచ్చేందుకు ఎక్కువ అవకాశాలు ఉంటాయంటారు. అయితే, అది ఫండ్ పనితీరుపై ఆధారపడి ఉంటుంది. గడిచిన 10 సంవత్సరాల కాలంలో తమ ఇన్వెస్టర్లకు హైరిటర్న్స్ అందించింది టాటా మ్యూచువల్ ఫండ్స్‌కి చెందిన టాటా మిడ్ క్యాప్ గ్రోత్ ఫండ్ డైరెక్ట్ ప్లాన్. స్కీమ్ పని తీరును గమనిస్తే గత ఏడాది కాలంలో సిప్ పెట్టుబడులపై 19.37 శాతం రిటర్న్స్ ఇచ్చింది. ఇక గత 2 ఏళ్లలో చూస్తే 32.67 శాతం రిటర్న్స్ అందించింది. గత మూడేళ్లలో సగటున వార్షిక రాబడి 29.22 శాతంగా ఉంది. గత 5 సంవత్సరాల్లో వార్షిక రాబడి 27.65 శాతంగా ఉంది.

 రూ. 10 వేల పొదుపుతో రూ.38 లక్షలు ఎలా?

టాటా మిడ్ క్యాప్ గ్రోత్ ఫండ్ గత 10 సంవత్సరాల్లో సగటున వార్షిక రాబడి 20.01 శాతంగా ఉంది. ఇందులో డిసెంబర్, 2014 నుంచి గనక నెలకు రూ.10 వేల చొప్పున క్రమానుగత పెట్టుబడిని కొనసాగిస్తూ వస్తే హైరిటర్న్స్ అందుతాయి. మొత్తం పెట్టుబడి రూ. 12 లక్షలు అవుతుంది. దానిపైన కాంపౌండింగ్ ఇంట్రెస్ట్‌తో మొత్తం వడ్డీ రూ. 26.48 లక్షలు వస్తుంది. మొత్తంగా చేతికి రూ. 38.48 లక్షలు అందుతాయి.

ఈ కథనం కేవలం సమాచారం కోసం మాత్రమే. ఎలాంటి పెట్టుబడిని ప్రోత్సహించడం లేదు. మ్యూచువల్ ఫండ్స్‌లోనూ హైరిస్క్ ఉంటుంది. తాము ఎంచుకునే ఫండ్స్ గురించి పూర్తి వివరాలు తెలుసుకుని, మార్కెట్ నిపుణుల సలహాలతో పెట్టుబడులు పెట్టడం ద్వారా నష్టాలు రాకుండా చూసుకోవచ్చు.