హెయిర్ స్టైల్ మార్చేసిన ట్రంప్.. హీరోలా ఉన్నారంటున్న నెటిజన్లు

ఇటీవలే జరిగిన ఎన్నికల్లో విజయం సాధించి రెండోసారి అగ్రరాజ్యం అమెరికా అధ్యక్ష పదవీ బాధ్యతలు స్వీకరించబోతున్నాడు డొనాల్డ్ ట్రంప్. 2025 జనవరి నెలలో అమెరికా అధ్యక్ష పదవిలోకి వచ్చి దేశాన్ని ఏలబోతున్న ఈయన తాజాగా సరికొత్త హెయిర్ స్టైల్‌తో దర్శనం ఇచ్చారు. వైట్ టీ షర్టు, బ్లాక్ ప్యాంటులో కనిపించడంతో పాటు న్యూ హెయిర్ స్టైల్‌లో.. మరింత అందంగా కనిపించారు. ప్రస్తుతం ఇందుకు సంబంధించిన వీడియో నెట్టింట తెగ వైరల్ అవుతోంది. ఆ విశేషాలు ఏంటో మనం ఇప్పుడు తెలుసుకుందాం.

ట్రంప్ హెయిర్ స్టైల్ మార్చారంటూ చెబుతున్న వైరల్ వీడియోలో.. ఆయన చాలా అందంగా కనిపిస్తున్నారు. తెలుపు రంగు టీషర్టుతో పాటు నల్లని ప్యాంటు వేసుకున్న ఆయన వైట్ కలర్ షూస్ ధరించారు. అయితే ఆయన ఫ్లోరిడాలోని వెస్ట్ పామ్ బీచ్‌లోని ట్రంప్ ఇంటర్నేషనల్ గోల్డ్ క్లబ్‌లో తన ప్రైవేటు ప్రాపర్టీ వద్దకు వచ్చారు. ఈక్రమంలోనే ఆయనను చూసిన అమెరికన్లు గట్టిగా కేకలు వేశారు. ట్రంప్‌తో మాట్లాడేందుకు ప్రయత్నించారు. ఇదంతా ఇలా ఉండగా.. ఈ వీడియోలో ఆయన హెయిర్ స్టైల్ మారిపోయినట్లు తెలుస్తుంది.

అయితే అది ఆయన కావాలని చేయించుకున్న హెయిర్ స్టైల్ కాదు. ఆయన టోపీ ధరించడం వల్ల వచ్చిన కొత్త హెయిర్ స్టైల్. అప్పటి వరకు ఆయన టోపీ పెట్టుకుని ఒక్కసారిగా తీయడంతో హెయిర్ అంతా వెనక్కి వెళ్లిపోవడంతో.. ట్రంప్ కొత్తగా కనిపించారు. ఈ వీడియో చూసిన ప్రతీ ఒక్కరికి టోపీ వల్లే ఆయన హెయిర్ స్టైల్ మారిందనే విషయం అర్థం అవుతుంది. ఇదంతా తెల్సినా.. ఆయన కొత్త లుక్‌లో బాగున్నారంటూ నెటిజెన్లు కామెంట్లు చేస్తున్నారు. హీరోలా కనిపిస్తున్నారని కొందరు.. ట్రంప్ కొత్త హెయిర్ స్టైల్ అదుర్స్ అని మరికొందరు సోషల్ మీడియా వేధికగా తమ మనసులోని భావాలను కామెంట్ల రూపంలో వెల్లడిస్తున్నారు.

ట్రంప్ ప్రమాణ స్వీకారం ఆరోజే..!

2025 జనవరి 20వ తేదీన డొనాల్డ్ ట్రంప్.. అమెరికా అధ్యక్షుడిగా ప్రమాణ స్వీకారం చేయబోతున్నారు. అదే రోజున పదవీ బాధ్యతలు చేపట్టబోతున్నారు. 2024లో జరిగిన అమెరికా ఎన్నికల్లో ఆయన 295 ఎలక్టోరల్ ఓట్లు సాధించి... 226 ఎలక్టోరల్ ఓట్లు సాధించిన కమలా హారిస్‌పై విజయం సాధించారు. 78 ఏళ్ల వయసులో దేశాధ్యక్ష పదివికి ఎన్నికై రికార్డు సృష్టించాడు. ఇప్పటి వరకు ఈ వయసు వారెవరూ అమెరికా అధ్యక్ష పీఠాన్ని అధిరోహించలేరు.