స్టేషన్ బాత్రూంలో మహిళతో పాడుపని.. డీఎస్పీ రాసలీలల వీడియో వైరల్

ఆయన ఒక బాధ్యత కలిగిన పోలీస్ ఉన్నతాధికారి. అన్యాయం గురించి చెప్పుకునేందుకు వచ్చిన బాధితులకు అండగా ఉండి వారికి న్యాయం చేయాల్సిన ప్రభుత్వ అధికారి. కానీ కామంతో కళ్లు మూసుకుపోయిన ఆ డీఎస్పీ.. తన బాధను చెప్పుకునేందుకు వచ్చిన ఓ బాధితురాలి పట్ల హీనంగా ప్రవర్తించాడు. పోలీస్ స్టేషన్‌కు వచ్చిన ఆ మహిళను బాత్రూంలోకి తీసుకెళ్లి.. రాసలీలలు కానిచ్చేశాడు. అయితే బాధితురాలితో పాటు వచ్చిన మరో మహిళ.. బాత్రూంలో డీఎస్పీ రాసలీలల ఘట్టాన్ని మొత్తం కిటికీలో నుంచి వీడియో తీసి సోషల్ మీడియాలో పోస్ట్ చేసింది. దీంతో ఈ వ్యవహారం వెలుగులోకి వచ్చింది. ఈ ఘటనను తీవ్రంగా పరిగణించిన ఉన్నతాధికారులు చర్యలు చేపట్టారు. కర్ణాటకలో జరిగిన ఈ సంఘటన ఇప్పుడు సంచలనంగా మారింది.

తుమకూరు జిల్లా మధుగిరి పట్టణం పావగడకు చెందిన ఓ యువతి.. భూ వివాదంపై ఫిర్యాదు చేసేందుకు మధుగిరి డీఎస్పీ ఆఫీస్‌కు వెళ్లింది. అయితే ఆ యువతిని స్టేషన్‌లోని బాత్రూంలోకి తీసుకెళ్లిన డీఎస్పీ రామచంద్రప్ప.. ఆ మహిళతో రొమాన్స్ చేశాడు. యూనిఫాంలో ఉన్న డీఎస్పీ రామచంద్రప్ప, ఆ మహిళకు సంబంధించిన వీడియోను ఆ మహిళతోపాటు వచ్చిన మరో మహిళ.. ఎవరికీ తెలియకుండా కిటికీలో నుంచి వీడియోను రికార్డ్ చేసింది. ఆ మహిళతో బాత్రూంలో డీఎస్పీ జరిపిన రాసలీలలకు సంబంధించిన దృశ్యాలు మొత్తం 35 సెకన్ల పాటు ఆ సెల్‌ఫోన్‌లో రికార్డ్ అయ్యాయి. ఇక ఆ వీడియోను సోషల్ మీడియాలో పోస్ట్ చేయడంతో ఇప్పుడు అది వైరల్ అవుతోంది. అయితే వారిద్దరి రాసలీలలను వీడియో తీస్తుండటాన్ని ఆ మహిళ చూసి డీఎస్పీకి చెప్పడంతో వారిద్దరూ సర్దుకుని బాత్రూం నుంచి బయటికి వచ్చారు.

ఇక ఈ వీడియో వైరల్ కావడంతో నెటిజన్లు తీవ్రంగా మండిపడుతున్నారు. కర్ణాటక రాష్ట్ర హోంశాఖ మంత్రి జి. పరమేశ్వర స్వస్థలం అయిన తుమకూరు జిల్లా పరిధిలోని మధుగిరి పట్టణంలో ఈ ఘటన జరగడం తీవ్ర ఆందోళనకు దారితీసింది. అయితే ఆ వీడియో వైరల్ అయిన తర్వాత నుంచి ఆ డీఎస్పీ రామచంద్రప్ప కనిపించకుండా పోయినట్లు సమాచారం. అయితే ఈ పరిణామంపై పోలీసు శాఖ ఇంకా అధికారికంగా ప్రకటన విడుదల చేయలేదు. ఇక ఆ డీఎస్పీపై సదరు మహిళ ఫిర్యాదు చేసిందో లేదో ఇంకా తెలియరాలేదు. ఈ కేసులో ఉన్నతాధికారులు ఇచ్చే ఆదేశాల కోసం పోలీసులు ఎదురుచూస్తున్నారు.

అయితే భూ వివాదానికి సంబంధించిన కేసు కోసం ఆ మహిళ తరచూ డీఎస్పీ ఆఫీస్‌కు వచ్చేదని.. ఇలా వచ్చినప్పుడు ఆ డీఎస్పీ రామచంద్రప్ప ఆ మహిళతో అసభ్యకరంగా ప్రవర్తించేవాడని తెలుస్తోంది. ఇక ఈ అసభ్యకరమైన పనులు భరించలేక.. ఆ మహిళతో వచ్చిన బంధువు ఈసారి వీడియో చిత్రీకరించినట్లు సమాచారం.