ఇంట్లో కచ్చితంగా పెంచాల్సిన చెట్లు, ఒంట్లోని చాలా సమస్యలు దూరం, మీ ఇంట్లో ఉన్నాయా మరి

కొంతమందికి గార్డెనింగ్ అంటే చాలా ఇష్టం. అందుకే రకరకాల మొక్కల్ని తీసుకొచ్చి పెడుతుంటారు. అయితే, ఆ మొక్కలు ఔషధ మొక్కలైతే ఆ హాబీ కాస్తా హెల్దీ హ్యాబీగా మారుతుంది. కొన్ని చెట్లని పెంచడం వల్ల అవి ఆరోగ్యానికి ఎంతో మేలు చేస్తాయి. వాటిలోని గుణాల కారణంగా మనకి వచ్చే చాలా సమస్యలు దూరమవుతాయి. వీటిని తీసుకోవడం వల్ల ఇన్‌ఫ్లమేషన్ తగ్గుతుంది. ఇమ్యూనిటీ పెరుగుతుంది. కొలెస్ట్రాల్ తగ్గుతుంది. అలాంటి మూలికలు పెంచి మనమే వాడడం వల్ల ఎలాంటి రసాయనాలు లేని మూలికల్ని తీసుకున్నవారవుతాం. మరి అలాంటి అద్భతమూన మూలికల్లాంటి చెట్లు ఏంటి. వీటిని పెంచి వాడడం వల్ల కలిగే లాభాలేంటో తెలుసుకోండి.

రోజ్మేరీ

రోజ్మేరీ అనేది చాలా మంచి మూలిక. దీనిని మనం మాంసం వండుకునేప్పుడు అందులో కొద్దిగా వేసి వండుకోవచ్చు. దీనిని మనం ఇంట్లోనే పెంచుకోవచ్చు. పెంచుకోవడం వల్ల వంట్లో వేసి వాడొచ్చు. దీనిని తీసుకోవడం వల్ల క్యాన్సర్ నిరోధకంగా పనిచేస్తుంది. అంతేకాదు, ఇమ్యూనిటీ పెరుగుతుంది. దీంతో సీజనల్ ప్రాబ్లమ్స్ దూరమవుతాయి. రోజ్మేరీ అందాన్ని పెంచడంలో కూడా చాలా బాగా హెల్ప్ చేస్తుంది. దీనిని రోజ్‌మెరీ వాటర్, రోజ్ మెరీ సీరమ్ ఇలా రకరకాలుగా వాడొచ్చు.

జీవితాన్ని మార్చే 5 రకాల ఔషధ మొక్కలు

మెంతులు

మెంతుల్లో ఫ్లేవనాయిడ్స్ ఎక్కువగా ఉంటాయి. వీటిని తీసుకోవడం వల్ల చెడు కొలెస్ట్రాల్ తగ్గుతుంది. దీంతో గుండె సమస్యలు దూరమవుతాయి. రక్తపోటు, షుగర్ ఉన్నవారికి మెంతులు చాలా మంచివి. మెంతుల్ని వేసి మెంతి ఆకుల్ని పెంచి వాటిని కూరలు, సూప్స్, పప్పు, సలాడ్స్‌లో వేసి తింటే పైన చెప్పిన లాభాలన్నీ ఉంటాయి.

కొత్తిమీర

కొత్తిమీర కూడా మంచి హెర్బ్ అని చెప్పొచ్చు. దీనిని తీసుకోవడం వల్ల డయాబెటిస్ ఉన్నవారికి రక్తంలో చక్కెర స్థాయిలు తగ్గుతాయి. ఇది శరీరం నుండి టాక్సిన్స్‌ని బయటికి పంపుతుంది. దీనిని మనం ఇంట్లో హ్యాపీగా పెంచుకోవచ్చు. దీనిని మనం కొత్తిమీర జ్యూస్‌లో వేసుకోవచ్చు. ప్రతి కూరలు, వంటల్లోనూ వాడొచ్చు. దీంతో వంటలకి రుచి, మనకి ఆరోగ్యం సొంతమవుతుంది. కొత్తిమీరలో ఎక్కువగా విటమిన్ ఎ, బి1, బి2, సిలు ఉంటాయి. దీనిని తీసుకోవడం వల్ల కొలెస్ట్రాల్ తగ్గుుతంది. దీనిని తీసుకుంటే కడుపులో గ్యాస్‌ తగ్గుతుంది. కొత్తిమీర రసంలో అల్లం రసం, మజ్జిగ కలిపి తీసుకుంటే పైత్యం తగ్గుతుంది. ఆకలి తగ్గినప్పుడు కొత్తిమీర రసం, శొంఠి, నిమ్మరసం , కొద్దిగా కలిపి తీసుకుంటే ఆకలి వేస్తుంది. కొత్తిమీర రసాన్ని తీసుకుంటే మూత్ర విసర్జన సాఫిగా జరుగుతుంది. శరీర వాపులు తగగుతాయి. రక్తహీనత దూరమవుతుంది. అధిక రుతుస్రావం తగ్గుతుంది.

తులసి

తులసి చెట్టు లేని తెలుగింటిని ఊహించుకోవడమే కష్టం. మన సాంప్రదాయంలో తులసికి ఎంతో ప్రత్యేకత ఉంది. సాంప్రదాయమే కాదు.. దీనిని వాడడం వల్ల ఎన్నో ఆరోగ్య ప్రయోజనాలు ఉన్నాయి. అందుకే, ఇటాలియన్స్ వారి వంటకాల్లో తులసిని తప్పకుండా వాడతారు. దీనిని తీసుకోవడం వల్ల ఇమ్యూనిటీ పెరుగుతుంది. దీనిని వంటల్లో వేసుకుంటే రుచితో పాటు మంచి అరోమా వస్తుంది. దీని వల్ల హెల్త్‌కి చాలా మంచిది. తులసిని తీసుకుంటే రక్తపోటు కూడా కంట్రోల్ అవుతుంది. దీనిని మనం టీలా చేసుకుని తాగితే మనకి చాలా లాభాలు అందుతాయి.

పుదీనా

పుదీనాని చాలా మంది ఇళ్లల్లో పెంచుతుంటారు. దీనిని వంటల్లో వాడొచ్చు. దీనిని వాడడం వల్ల వంటకి రుచి రావడమే కాదు. ఆరోగ్యానికి కూడా మంచిది. దీనిని మనం కూరల్లో వేయొచ్చు. సూప్స్, సలాడ్స్‌లో వేయొచ్చు. పచ్చడి చేసి తినొచ్చు. దీంతో పాటు టీలా చేసి తాగొచ్చు. దీనిని తీసుకోవడం వల్ల గట్ హెల్త్ బాగుంటుంది. జీర్ణ సమస్యలు దూరమవుతాయి. ఇందులోని అద్భుత గుణాలు ఆరోగ్యానికి చాలా మేలు చేస్తాయి. అదే విధంగా, ఇది ఇంటి పెరటులో ఈజీగా పెరుగుతుంది. దీనిని తీసుకోవడంలో ఒంట్లో వేడి తగ్గుతుంది. పుదీనా రసంలో కొద్దిగా శొంఠి, జీలకర్ర పొడి వేసి భోజనానికి ముందు తీసుకుంటే ఆకలి పెరుగుతుంది.

పుదీనా రసంలో తేనె, నిమ్మరసం కలిపి తాగితే వాంతులు కూడా తగ్గుతాయి. కడుపులో నులిపురుగులు పోవడానికి పుదీనా రసంలో కొద్దిగా వాము పొడి కలిపి తాగొచ్చు. పుదీనా రసం తాగితే హిమోగ్లోబిన్ స్థాయిలు పెరుగుతాయి. పుదీనాలోని సల్ఫర్ చర్మ వ్యాధుల్ని దూరం చేసి ఊపిరితిత్తులని కాపాడుతుంది.

కరివేపాకు

కరివేపాకు కూడా ప్రతి ఇంట్లోనూ ఉండాల్సిన మొక్క. తాలింపులో కచ్చితంగా కరివేపాకు వేస్తాం. దీంతో కూరలకి అదనపు టేస్ట్ వస్తుంది. వీటి సువాసన కూడా చాలా మంది ఇష్టపడతారు. దీనిని తసీుకోవడం వల్ల చాలా సమస్యలు దూరమవుతాయి. అందులో ముఖ్యంగా, షుగర్ సమస్య తగ్గుతుంది. షుగర్ ఉన్నవారు చెంచా కరివేపాకు పొడిని ఆహారంలో భాగం చేసుకుంటే రక్తంలో చక్కెర శాతం తగ్గుతుంది. దీని వల్ల తలనొప్పి, ఒత్తిడి తగ్గడమే కాకుండా ఎముకలు దృఢంగా మారతాయి. పాదాలు, కాళ్లు వాచినప్పుడు కరివేపాకు కషాయం తాగితే వాపులు త్వరగా తగ్గుతాయి. దీనిని తీసుకుంటే పొత్తికడుపు నొప్పి కూడా తగ్గుతుంది. దీనిని మనం చారు, కషాయం, టీ, చట్నీ, పొడిలా చేసి తసీుకోవచ్చు. నేరుగా ఆకుల్ని తిన్నా కూడా చిగుళ్ల వాపు తగ్గడంతో పాటు నోటిపూత తగ్గుతుంది. దీనికి కారణం కరివేపాకులో ఉండే విటమిన్ ఎ, బి, సిలే. ఈ చెట్టుని కూడా ఇంటి పెరట్లోనే పెంచుకోవచ్చు. ఇప్పుడు చెప్పిన మొక్కలన్నీ ఇంటి స్థలంలో పెంచొచ్చు. స్థలం లేని వారు కుండీల్లోనూ పెంచుకోవచ్చు. బయట దొరికే మూలికల కంటే ఇంట్లోనే పెంచుకునే ఈ మొక్కలతో చాలా సమస్యలు దూరమవుతాయి.