కొరియన్స్‌లా మెరిసిపోవాలనుకుంటున్నారా, ఇంట్లోనే ఓ ప్యాక్ తయారుచేసి వాడితే మచ్చలేని గ్లాసీ లుక్ మీ సొంతం

చూడగానే మెరుస్తూ అందంగా కనిపించే స్కిన్ అంటే అందరికీ ఇష్టమే. దీనికోసం చాలా ప్రయత్నాలు చేసి విసిగిపోతారు. కానీ, బ్యూటీ రొటీన్‌లో రోజుకో సరికొత్త కేర్ వైరల్ అవుతుంటుంది. వాటి వల్ల మెరిసే చర్మం మన సొంతమవుతుంది. అలాంటి వాటిలో కొరియన్ స్కిన్ కేర్ కూడా ఒకటి. ​కొరియన్స్ చూడ్డానికి మంచి స్కిన్ టెక్చర్, సాఫ్ట్ స్కిన్‌తో మెరిసిపోతారు. దీంతో వారిలాంటి చర్మాన్ని పొందేందుకు రకరకాల ప్రయత్నాలు చేస్తుంటారు. ఈ నేపథ్యంలోనే మార్కెట్‌లో కొరియన్ క్రీమ్స్, ఫేషియల్స్ అంటూ ఎన్నో ప్రోడక్ట్స్ అందుబాటులోకి వచ్చాయి. ఆ నేపథ్యంలోనే కొన్ని ఇంట్లో తయారు చేసుకునే మాస్క్‌లు కూడా ఉన్నాయి. వీటిని హ్యాపీగా ఇంట్లోనే తయారుచేసుకుని వాడి అందంగా మారొచ్చు. అలాంటి ఓ కొరియన్ మాస్క్ గురించి తెలుసుకోండి.

కావాల్సిన పదార్థాలు

పావు కప్పు బియ్యం

కప్పు మిల్క్

ముప్పావు కప్పు నీరు

1 టేబుల్ స్పూన్ తేనె

1 రైస్ పేపర్(ఇది మార్కెట్లో, ఆన్‌లైన్‌లో ఈజీగా దొరుకుతుంది. దీనిని తినొచ్చు కూడా)

ఈ స్క్రబ్‌తో.. మెరిసే అందం మీ సొంతం

ఏం చేయాలంటే

ముందుగా బియ్యాన్ని చక్కగా క్లీన్ చేయాలి. తర్వాత శుభ్రంగా కడుక్కోవాలి.

ఇప్పుడు ఓ నాన్‌స్టిక్ గిన్నె తీసుకుని అందులో బియ్యం, నీరు, పాలు వేసి ఉడికించాలి.

ఉడికి దగ్గర పడ్డాక మంటని తగ్గించాలి.

అన్నం మెత్తగా ఉడికేలా చూడండి.

ఇదంతా సిమ్‌లోనే పెట్టి ఉడికించాలి. అప్పుడే అన్నం మెత్తగా ఉడుకుతుంది.

అన్నం మెత్తగా ఉడికాక బ్లెండర్‌ తీసుకుని అందులో పదార్థాలన్నీ వేయాలి. దీనిని మెత్తగా పేస్టులా బ్లెండ్ చేయండి.

ఈ పేస్ట్ మొత్తం మరీ పల్చగా కాకుండా, మరీ గట్టిగా కాకుండా క్రీమీ టెక్చర్‌ వరకూ అవసరమనుకుంటే పాలు, నీరు వేసి బ్లెండ్ చేయండి.

తర్వాత ఇందులోనే కొద్దిగా తేనె వేయండి.

తేనె వేయడం వల్ల మీ స్కిన్ సాఫ్ట్‌గా మారుతుంది.

మొత్తం మిక్చర్‌ని క్రీమ్‌లా చేయండి.

అప్లై చేయడం

తయారైన ప్యాక్‌లో కొద్దిగా తేనె వేయండి.

తర్వాత దీనిని ఓ కంటెయినర్‌లో వేసి మూత గట్టిగా ఉంచి ఫ్రిజ్‌లో ఉంచండి.

ఇలా తయారైన క్రీమ్‌ని రోజూ రాత్రి పడుకునే ముందు ముఖానికి అప్లై చేసి రైస్‌పేపర్ పెట్టి తర్వాత రైస్‌పేపర్‌పై మళ్లీ ప్యాక్‌లా వేయండి.

అరగంట తర్వాత తీసేసి నార్మల్‌వాటర్‌తో క్లీన్ చేయండి.

రెగ్యులర్‌గా చేస్తే తేడా మీకే కనిపిస్తుంది. ​

దీంతో పాటు

ఇప్పడు చెప్పిన మాస్క్‌లో వాడిన పదార్థాలన్నీ కూడా ఆర్గానిక్‌వై ఉండాలి. అయితే, వాడే ముందు ఓ సారి ప్యాచ్ టెస్ట్ చేసి వాడండి. దీంతో పాటు తయారైన ప్యాక్‌లో మిగిలినదాన్ని ఫ్రిజ్‌లో ఉంచి వారం రోజులకి మించి వాడొద్దు. అదే విధంగా, ఎక్కువగా నీరు తాగడం, సన్‌స్క్రీన్ లోషన్ వాడడం, ఒత్తిడి తగ్గించుకోవడం, హాయిగా నిద్రపోవడం వంటివి ఫాలో అవ్వడం వల్ల స్కిన్ ఎప్పటికీ హైడ్రేట్‌గా, అందంగా ఉంటుంది.