నో క్యాజువల్ సెక్స్.. హస్త ప్రయోగమూ నిషేధమే

పురుషులు హస్త ప్రయోగం చేసుకోవడంతో పాటు, పిండాన్ని ఫలదీకరించే ఉద్దేశం లేకుండా శృంగారంలో పాల్గొన్నా.. వాటిని చట్టపరంగా నేరాలుగా పరిగణించాలని కోరుతూ అమెరికా సెనేట్ ముందుకు ఓ బిల్లును తీసుకు వచ్చారు. డెమోక్రటిక్ పార్టీకి చెందిన మిసిసిప్పి సెనేటర్ బ్రాడ్‌ఫర్డ్ బ్లాక్‌మన్ ఈ బిల్లను ప్రతిపాదించగా.. నిబంధనలు ఉల్లఘించిన వారికి పెద్ద మొత్తంలో జరిమానాలతో పాటు శిక్షలు కూడా విధంచాలని ఈ బిల్లులో వివరించారు. అందుకు సంబంధించిన పూర్తి వివరాలు మీకోసం.

"గర్భ నిరోధకం అంగస్తంభన వద్ద ప్రారంభం" అనే పేరుతో గతవారం ఈ బిల్లను తీసుకు వచ్చారు డెమోక్రటిక్ పార్టీకి చెందిన మిసిసిప్పి సెనేటర్ బ్రాడ్‌ఫర్డ్ బ్లాక్‌మన్. ఈ బిల్లు ప్రకారం పురుషులు హస్త ప్రయోగం చేసుకోవడాన్ని నిషేధించాలి. అలాగే పిల్లల్ని కనాలనే ఉద్దేశం లేకుండా శృంగారంలో పాల్గొనడాన్ని కూడా నేరంగా పరిగణించాల్సి ఉంటుంది. అయితే ఈ నిబంధనలు ఉల్లంఘించిన వారికి శిక్షలతో పాటు జరిమానాలు కూడా విధంచాలని ఈ బిల్లులో తెలిపారు బ్రాడ్‌ఫర్డ్ బ్లాక్‌మన్.

ఒకవేళ ఈ చట్టం చట్టరూపం దాల్చి అమల్లోకి వస్తే మిసిసిప్పి రాష్ట్రంలోని పురుషులు హస్త ప్రయోగం చేసుకోవడంతో పాటు పిండాన్ని ఫలదీకరించే ఉద్దేశం లేకుండా శృంగారంలో పాల్గొనడం నేరం అవుతుంది. అయితే తొలిసారి ఈ నిబంధనలు ఉల్లఘించిన వారికి 1000 డాలర్లు (86.700 రూపాయలు), రెండోసారి ఉల్లంఘించిన వారికి 5,000 డాలర్లు (4.33 లక్షల రూపాయలు), మూడోసారి ఉల్లంఘించిన వారికి 10,000 డాలర్లు (8.65 లక్షల రూపాయలు) జరిమానా విధఇంచాలని బిల్లులో ప్రతిపాదించారు.

అయితే ఈ బిల్లులో పురుషులకు కొన్ని మినహాయింపులను కూడా ఇచ్చారు. అందులో వీర్యదానం కోసం హస్త ప్రయోగం చేసుకోవడం, కండోమ్ వాడి శృంగారంలో పాల్లగొనడం మాత్రం బిల్లు ప్రకారం నేరపూరితం కాదు. ఇదంతా ఇలా ఉండగా.. ఈ బిల్లు ప్రవేశ పెట్టిన బ్రాడ్‌ఫర్డ్ బ్లాక్‌మన్‌పై పెద్ద ఎత్తున విమర్శలు వస్తున్నాయి. అనేక మంది పరుషులు ఇది సరైన బిల్లు కాదని చెబుతుండగా.. 80 శాతం మంది స్త్రీలు ఈ బిల్లు పట్ల హర్షం వ్యక్తం చేస్తున్నారని నేరుగా బ్రాడ్‌ఫర్డ్ బ్లాక్‌మన్‌యే పలు ఇంటర్వ్యూల్లో తెలిపారు.

అలాగే తాను ప్రవేశ పెట్టిన ఈ బిల్లు వ్యంగ్యపూరితమైనదని.. మహిళల పునరుత్పత్తి హక్కులపై ఆంక్షలకు ఇది ప్రతిస్పందన మాత్రమేనని వివరించారు. గర్భనిరోధకం, అబార్షన్‌కు సంబంధించి ప్రవేశ పెడుతున్న మెజార్టీ బిల్లుల్లో మహిళల పాత్రలపైనే ప్రధానంగా దృష్టి సారించారని.. పురుషుల పాత్రను ఏమాత్రం పట్టించుకోవడం లేదని తెలిపారు. అందుకే తాను గర్భనిరోధకంలో పురుషుల పాత్ర కూడా ఉంటుందని చెప్పడానికే ఈ బిల్లును తీసుకు వచ్చినట్లు బ్రాడ్‌ఫర్డ్ బ్లాక్‌మన్‌ వెల్లడించారు. ఈ బిల్లు ఆమోదించబడే అవకాశాలు ఏమాత్రం లేవని కూడా తెలుస్తోంది.