ఎక్స్ అధినేతే నా బిడ్డకు తండ్రంటున్న రచయిత్రి

ఎక్స్ అధినేత, ప్రపంచ కుబేరుడు ఎలాన్ మస్క్‌పై ఓ రచయిత షాకింగ్ కామెంట్లు చేశారు. తనకు ఐదు నెలల క్రితం పుట్టిన బిడ్డకు మస్కే తండ్రి అని సోషల్ మీడియా వేదికగా పోస్ట్ పెట్టారు. ప్రస్తుతం ఈ పోస్ట్ నెట్టింట వైరల్ అవుతుండగా.. అంతా షాక్ అవుతున్నారు. నిజంగానే ఆ చిన్నారి మస్క్ బిడ్డేనా అంటూ ప్రశ్నిస్తున్నారు. ఇదే నిజం అయితే ఈ బిడ్డతో కలిపి మస్క్‌కు మొత్తం 13 మంది పిల్లలు అవుతారు. అయితే ఈ వివాదాస్పద కామెంట్లు చేసింది ఎవరు, ఆ కథేంటో మనం ఇప్పుడు తెలుసుకుందాం.

రచయిత్రీ ఆష్లీ సెయింట్ క్లెయిర్ సోషల్ మీడియా వేదికగా ఓ షాకింగ్ పోస్ట్ పెట్టారు. ముఖ్యంగా ఎక్స్ అధినేత ఎలాన్ మస్క్‌యే తన బిడ్డకు తండ్రి అంటూ చెప్పుకొచ్చారు. ఐదు నెలల క్రితమే తనకు బిడ్డ పుట్టిందని.. ఆ చిన్నారికి తండ్రి ఎలాన్ మస్క్ అని ఎక్స్ వేదికగా వెల్లడించారు. తాను ఈ విషయాన్ని బహిర్గతం చేయలేదని.. కానీ కొన్ని మీడియా సంస్థ మాత్రం ఆ విషయాన్ని బయట పెట్టాలని ప్రయత్నించాయన్నారు. అందుకే తానే ఈ విషయాన్ని వెల్లడించాలని నిర్ణయించుకున్నట్లు తెలిపారు.

అయితే తమ సంతానం సురక్షిత వాతావరణంలో జీవించాలని తాను కోరుకుంటున్నట్లు.. తమ గోప్యతకు ఎవరూ భంగం కల్గించొద్దని విజ్ఞప్తి చేస్తున్నట్లు ఆష్లీ సెయింట్ క్లెయిర్ పోస్టులో రాసుకొచ్చారు. ప్రస్తుతం ఈ పోస్ట్ నెట్టింట వైరల్ అవుతుండగా.. అంతా షాక్ అవుతున్నారు. నిజంగానే ఈ చిన్నారి మస్క్ బిడ్డేనా అంటూ కామెంట్లు చేస్తున్నారు. ఇదే నిజం అయితే మస్క్‌కు మొత్తం 13 మంది పిల్లలు అవుతారని చెప్పుకొస్తున్నారు.

ఎలాన్ మస్క్‌కు ఇప్పటికే 12 మంది పిల్లలు ఉన్నారు. తన మాజీ భార్య జస్టిన్ వల్ల మస్క్‌కు తొలిసారి బిడ్డ పుట్టింది. కానీ ఆ చిన్నారి 10 వారాల వయసులోనే ప్రాణాలు కోల్పోయింది. ఆకస్మిక శిశు మరణ సిండ్రోమ్ వల్లే ఆ బిడ్డ చనిపోగా.. ఈ జంట ఆ తర్వాత ఐదుగురు బిడ్డలకు జన్మనిచ్చింది. విడాకులకు ముందు ఐవీఎఫ్ ద్వారా వీరు పిల్లల్ని కన్నారు. అందులో ముందు పుట్టిన వారు కవలలు. వారే గ్రిఫిన్, వివియన్. ఆ తర్వాత సాక్సన్, డామియన్, కైలు పుట్టారు.

  ఇక మరోపెళ్లి చేసుకున్న మస్క్ రెండో భార్య ద్వారా ముగ్గురు పిల్లలకు జన్మనిచ్చాడు. వారిలో సంగీతకారుడు గ్రిమ్స్ ఒకరు. ఇతడి అసలు పేరు క్లైర్ బౌచర్. మరో ఇద్దరు "ఎక్స్" ఎక్స్ ట్రా డార్క్ సైడ్‌రేల్, "టౌ" టెక్నో మెకానికస్. వీరితో పాటే ప్రస్తుతం మోదీ వద్ద బహుమతులు తీసుకున్న ముగ్గురు పిల్లలు. ఇలా మొత్తంగా 12 మందికి జన్మనివ్వగా.. ఒకరు చనిపోవడంతో ప్రస్తుతం 11 మంది తన వద్ద ఉంటున్నారు. అయితే ఆష్లీ సెయింట్ క్లెయిర్ చేస్తున్న వ్యాఖ్యలు నిజం అయితే మస్క్ కు మొత్తం 13 మంది సంతానం అవుతారు.