భర్త ఫోన్ చూసి పోలీసుల షాక్..విశాఖ వివాహిత కేసులో సంచలన విషయాలు

విశాఖపట్నం నవవధువు మృతి కేసులో సంచలన విషయాలు వెలుగులోకి వస్తున్నాయి. ఈ కేసులో భర్త నాగేంద్రబాబు అఘాయిత్యాలు ఒక్కొక్కటిగా వెలుగులోకి వస్తున్నాయి. ఈ కేసులో భర్త నాగేంద్రబాబును అరెస్ట్ చేసిన గోపాలపట్నం పోలీసులు.. అతణ్ని రిమాండ్‌కు తరలించారు. ఇక నాగేంద్రబాబు సెల్ ఫోన్ స్వాధీనం చేసుకున్న పోలీసులు అందులో ఉన్నది చూసి షాక్ తిన్నారు. ఘటనకు సంబంధించి పోలీసులు చెప్తున్న వివరాల ప్రకారం.. విశాఖపట్నం జిల్లా గోపాలపట్నం పోలీస్ స్టేషన్ పరిధిలో ఈ ఘటన జరిగింది. స్థానికంగా ఉంటే నాగేంద్రబాబు అనే వ్యక్తి ఎలక్ట్రీషియన్‌గా పనిచేస్తున్నాడు. అతనికి గాజువాకకు చెందిన యువతితో 2024 మార్చిలో పెళ్లైంది.

పెళ్లైన నెలరోజులపాటు వీరి సంసారం సాఫీగానే సాగింది. అయితే ఆ తర్వాత నాగేంద్రబాబులోని రాక్షసత్వం బయటకు వచ్చింది. నాగేంద్రబాబు ఆన్ లైన్‌లో పోర్న్ వీడియోలు చూసేవాడు. ఆ అలవాటుకు బానిసగా మారిపోయాడు. దీనికి తోడు నరాల బలహీనతతో బాధపడుతున్న నాగేంద్రబాబు.. శృంగార సామర్థ్యం పెంచుకునేందుకు మాత్రలు కూడా వాడుతూ వచ్చాడు. పోర్న్ వీడియోలు చూస్తూ వాటికి బానిసైన నాగేంద్రబాబు.. ఆ తరహాలోనే తనతో ఉండాలంటూ భార్యపై ఒత్తిడి తెచ్చేవాడు. భర్త బలవంతం, ఒత్తిడిని ఆ భార్య భరించలేకపోయింది. గురువారం రాత్రి మానసిక వేదనతో బలవన్మరణానికి పాల్పడినట్లు పోలీసులు తెలిపారు.

ఈ ఘటనలో బాధితురాలి తల్లిదండ్రుల ఫిర్యాదు మేరకు గోపాలపట్నం పోలీసులు కేసు నమోదు చేశారు. భర్త నాగేంద్రబాబును అరెస్ట్ చేసి.. అతని నుంచి మొబైల్ ఫోన్ స్వాధీనం చేసుకున్నారు. ఈ క్రమంలో నాగేంద్రబాబు మొబైల్‌ ఫోన్ ఓపెన్ చేసి చూసిన పోలీసులు షాక్ తిన్నట్లు తెలిసింది. నాగేంద్రబాబు మొబైల్ ఫోన్‌లో వందల సంఖ్యలో పోర్న్ వీడియోలు ఉన్నట్లు పోలీసులు గుర్తించారు. నాగేంద్రబాబు మొబైల్ ఫోన్‌లో గూగుల్ హిస్టరీ చూసి పోలీసులు కంగుతిన్నారు. శృంగార సామర్థ్యం పెంచుకునేందుకు నాగేంద్రబాబు అనేక మందుల కోసం వెతికినట్లు గూగుల్ హిస్టరీని చూసి తెలుసుకున్నారు. మరోవైపు భార్యను పెళ్లయిన నెల నుంచి వేధించేవాడని.. పోర్న్ వీడియోలు చూపిస్తూ అలానే చేయాలని ఒత్తిడి తెచ్చేవాడని మృతురాలి బంధువులు ఆరోపిస్తున్నారు.