ట్రెండింగ్
పార్వతీపురం జిల్లాలో ప్రవేశించిన జీబీఎస్
Andhra Pradesh Telugu | Suryaa Desk | Published : Wed, Feb 19, 2025, 11:39 AM
పార్వతీపురం జిల్లా వాసులను కొత్త వైరస్ వణికిస్తోంది. వివిధ రాష్ర్టాల్లో గులియన్ బారే సిండ్రోమ్ (జీబీఎస్) కేసులు నమోదవుతున్నాయి. రాష్ట్రంలో కూడా అది చాపకింద నీరులా వ్యాపిస్తోంది. పొరుగు జిల్లా విజయనగరంలో ఒక అనుమానిత కేసు నమోదైంది. దీంతో ప్రజలు ఆందోళన చెందుతున్నారు. అయితే ఇది అంటువ్యాధి కాదని.. ఎవరూ భయపడాల్సిన అవసరం లేదని వైద్యులు చెబుతున్నారు. అయితే వ్యాధి లక్షణాలు ఉన్నవారు నిర్లక్ష్యంగా ఉండరాదని, వెంటనే ఆసుపత్రులకు వెళ్లాలని సూచిస్తున్నారు. ఇదిలా ఉండగా జీబీఎస్పై ప్రభుత్వం అప్రమత్తమైంది. అన్ని జిల్లాల యంత్రాంగాలను అలెర్ట్ చేసింది. వైద్యారోగ్యశాఖ ద్వారా ప్రజలకు అవగాహన కల్పించి, వ్యాధి నివారణ చర్యలు తీసుకోవాలని సూచించింది. కాగా జిల్లాలో ఇప్పటివరకు ఒక్క కేసు కూడా నమోదు కాలేదు.
|
|