బాలీవుడ్ సినిమా ఆఫర్ ఓ ట్రాప్.. మోనాలిసాకు బిగ్ షాక్

ఉత్తర ప్రదేశ్‌లోని ప్రయాగ్‌రాజ్‌లో కుంభమేళాలో కనిపించి.. తన అందం, ముఖ్యంగా తేనె కళ్లతో అందరినీ మంత్రముగ్ధులను చేసింది మోనాలిసా. అమాయకత్వం, అంతకుమించిన నవ్వుతోనే.. సోషల్ మీడియా క్వీన్‌గా మారిపోయింది. దీంతో ఆమె అందాన్ని చూసిన బాలీవుడ్ డైరెక్టర్ సనోజ్ మిశ్రా ఈమెకు తన సినిమాలో ఆఫర్ ఇచ్చాడు. ముఖ్యంగా "డైరీ ఆఫ్ మణిపూర్" చిత్రంలో మోనాలిసాను తీసుకోబోతున్నట్లు ప్రకటించారు. ఈక్రమంలోనే ఆమె ఇంటికి వెళ్లి మరీ.. సినిమాపై అధికారికంగా సంతకం కూడా తీసుకున్నారు. ఈ సినిమా కోసం ఆమెకు రెమ్యునరేష,గా 21 లక్షల రూపాయలు కూడా ఇస్తానన్నారు.

 ఒక్క వీడియోతోనే బాలీవుడ్ సినిమాలో నటించే స్థాయికి వెళ్లిన ఆమెకు.. అదృష్టం పట్టిందని అంతా అనుకున్నారు. కానీ ఇదంతా ఓ ట్రాప్ అంటూ తాజాగా బాలీవుడ్ ప్రొడ్యూసర్ జితేంద్ర నారాయణ్ సింగ్ త్యాగి కామెంట్లు చేశారు. డైరెక్టర్ సనోజ్ మిశ్రా ఓ తాగుబోతు అని చెబుతూనే.. అమ్మాయిలకు సినిమా అవకాశాలు ఇస్తానంటూ వారిని శారీరకంగా వాడుకుంటాడని చెప్పారు. 21 లక్షల రెమ్యునరేషన్, మోనాలిసాకి సినిమా ఆఫర్ అంతా ఉత్తదేనని.. ఆమె కూడా మోసపోబోతుందంటూ బిగ్ బాంబ్ పేల్చారు. అంతటితో ఆగకుండా మిశ్రా తీసిన ఒక్క సినిమా కూడా ఇప్పటి వరకు విడుదల కాలేదన్నారు.

ప్రస్తుతం ఇందుకు సంబంధించిన వీడియోలు నెట్టింట తెగ వైరల్ అవుతుండగా అంతా షాక్ అవుతున్నారు. నిజంగానే ఇదంతా ఉత్తదేనా అంటూ అనుమానాలు వ్యక్తం చేస్తున్నారు. అయితే దీనిపై స్పందించిన కుంభమేళా వైరల్ గర్ల్ మోనాలిసా మాత్రం.. జితేంద్ర చేసినవన్నీ తప్పుడు వ్యాఖ్యలేనని వివరించారు.

తనకు యాక్టింగ్ రాకపోయినా డైరెక్టర్ సనోజ్ మిశ్రా తనకు ఛాన్స్ ఇచ్చారని.. ప్రస్తుతం నటన కూడా నేర్పిస్తున్నారని చెప్పుకొచ్చింది. తనతో ఆయన ఏమాత్రం తప్పుగా వ్యవహరించలేదని.. కన్నబిడ్డలా చూసుకుంటున్నారని పేర్కొంది. ప్రస్తుతం ఇందుకు సంబంధించిన వీడియో కూడా నెట్టింట వైరల్ అవుతోంది. మరి ఈ విషయంపై మీకేమనిపిస్తోంది కామెంట్ చేసేయండి.