హార్డ్‌డిస్క్‌లో 499 అశ్లీల వీడియోలు.. వేలకొద్దీ అమ్మాయిల ఫొటోలు, ఆడియోలు

విజయవాడకు చెందిన యువతి ఇచ్చిన ఫిర్యాదు మేరకు వేధింపుల కేసులో అరెస్ట్ అయిన మస్తాన్ సాయి లీలలు ఒక్కొక్కటిగా వెలుగులోకి వస్తున్నాయి. పోలీసుల విచారణలో విస్తుపోయే నిజాలు బయటపడుతున్నాయి. అతడి హార్డ్ డిస్క్, డ్రగ్స్, పార్టీస్, సాఫ్ట్‌వేర్ ఇలా అన్నింటి గురించి హైదరాబాద్ నార్సింగి పోలీసులు ప్రశ్నించగా కీలక విషయాలు వెలుగుచూశాయి. విచారణలో భాగంగా పోలీసులు మస్తాన్ సాయి ముందే హార్డ్ డిస్క్‌ను ఓపెన్ చేశారు. అందులో మొత్తం 17 ఫోల్డర్లు ఉన్నట్లు గుర్తించారు. 499 అశ్లీల వీడియోలు, 2500కు పైగా అమ్మాయిల ఫోటోలు, 734 ఆడియో రికార్డింగ్స్‌ను హార్డ్ డిస్కులో పోలీసులు గుర్తించారు.

హార్డ్ డిస్క్‌లో మొత్తం ఆరుగురు అమ్మాయిలకు సంబంధించిన ప్రైవేటు వీడియోలు, ఫోటోలు ఉన్నట్లు పోలీసులు గుర్తించారు. అయితే ఎక్కువగా కంఫ్లైంట్ చేసిన అమ్మాయితో పాటుగా.. మస్తాన్ సాయి గర్ల్ ఫ్రెండ్స్, అతడి భార్యకు సంబంధించిన వీడియోలు ఉన్నట్లు పోలీసుల విచారణలో తేలింది. బాధిత యువతి ఫోన్ నుంచి 734 ఆడియో కాల్ రికార్డింగ్స్‌ను క్విక్ షేర్ ద్వారా పంపించుకున్నట్లు తెలిసింది. హార్డ్‌డిస్కులో ఇతరుల ఫోన్లను హ్యాక్‌ చేసేందుకు వీలుగా సాఫ్ట్‌వేర్‌ ఉన్నట్లు పోలీసులు గుర్తించారు. హార్ట్ డిస్క్‌లోని ఫోల్డర్లలో ఎక్కువగా వాట్సాప్ వీడియో కాల్ స్క్రీన్ రికార్డింగ్స్, అమ్మాయిలతో గదిలో ప్రైవేట్‌గా ఉన్న వీడియోలు ఉన్నాయి. ఆ వీడియోలు వాళ్ళకు తెలియకుండా సీక్రెట్‌గా రికార్డు చేసినట్లు విచారణలో మస్తాన్ సాయి ఒప్పుకున్నాడు.

గత మూడేళ్ల నుంచి ఇలా రహస్యంగా బాధిత అమ్మాయిలకు తెలియకుండా ప్రైవేటు వీడియోలు, ఫొటోలను సేకరించినట్లు విచారణలో అంగీకరించాడు. డ్రగ్స్‌ కొనుగోళ్లు, సప్లయర్ గురించి ప్రశ్నించగా మస్తాన్‌ సాయి నోరు విప్పలేదని తెలిసింది. మస్తాన్‌ సాయిపై గతంలో రెండు డ్రగ్స్‌ కేసులున్నట్లు పోలీసులు తెలిపారు. డ్రగ్స్ ఎక్కడి నుంచి తీసుకొచ్చారు..? అవి ఎవరెవరికి ఇచ్చారనే ప్రశ్నలకు మస్తాన్ సాయి ఎటువంటి సమాధానం ఇవ్వలేదని తెలిసింది. హార్డ్‌డిస్కులో ఉన్న వీడియోల్లో డ్రగ్స్‌ పార్టీల్లో పాల్గొన్న వ్యక్తులెవరో గుర్తించి చెబుతానని అతడు పోలీసులకు చెప్పినట్లు సమాచారం.