ట్రెండింగ్
మిర్చికి మద్ధతు ధర ప్రకటించాలి
Andhra Pradesh Telugu | Suryaa Desk | Published : Mon, Feb 24, 2025, 01:11 PM
రాష్ట్రంలో ప్రజలు చాలా ఇబ్బందుల్లో ఉన్నార‌ని ఎమ్మెల్సీ బొత్స స‌త్య‌నారాయ‌ణ తెలిపారు. రైతుల బాధలపై ప్రభుత్వం నుంచి ఎలాంటి చర్యలు లేవ‌ని మండిప‌డ్డారు. కేంద్రంతో మాట్లాడుతున్నాం.. ప్రయత్నిస్తున్నాం అని మాత్రమే చంద్రబాబు చెబుతున్నార‌ని, ఎలాంటి చర్యలు తీసుకోవ‌డం లేద‌ని ధ్వ‌జ‌మెత్తారు. మిర్చికి వెంటనే మద్ధతు ధర ప్రకటించాల‌ని మేం రైతుల తరఫున పోరాడితే కేసులు పెడుతున్నార‌ని ఆక్షేపించారు. రైతుల సమస్యలకు ఎన్నికల కోడ్ అడ్డొస్తుంద‌ని, మ్యూజికల్ నైట్ లకు ఎన్నికల కోడ్ వర్తించదా అని ప్ర‌శ్నించారు. కూటమి గ్యారెంటీ అంటేనే మోసం అని అర్థం అవుతుంద‌న్నారు. తొమ్మది నెలలు గడుస్తున్నా సూపర్‌ సిక్స్‌ హామీల అమలు నోచుకోలేద‌న్నారు. అందుకే ప్రజా సమస్యలపై క్షేత్ర స్థాయిలో పోరాటం చేస్తామ‌ని, ప్రభుత్వ చొక్కా పట్టుకుంటామ‌ని బొత్స స‌త్య‌నారాయ‌ణ హెచ్చ‌రించారు.
|
|