పార్లర్ వెళ్లకుండానే ఇంట్లోని,,,,ఇన్‌స్టంట్‌గా ముఖాన్ని మెరిపించే ఫేస్‌ప్యాక్స్

ప్రజెంట్ చాలా మంది బ్యూటీకి ప్రిఫరెన్స్ ఇస్తున్నారు. దీనికోసం ఎంతైనా ఖర్చుపెడుతున్నారు. గంటలకొద్దీ సెలూన్స్, పార్లర్స్‌లో గడుపుతున్నారు. ఇలాంటివి ఏ మాత్రం వీలు లేని వారు ఇంట్లోనే కొన్ని ఫేస్‌ప్యాక్స్‌ని ట్రై చేయొచ్చు. వీటి కారణంగా స్కిన్ చక్కగా అందంగా ఇన్‌స్టంట్‌గానే మెరుస్తుంది. పైగా ఇంట్లోని పదార్థాలతోనే ఎక్కువగా ఫేస్‌ప్యాక్స్ వేస్తాం. కాబట్టి, ఎక్కువ ఖర్చు ఉండదు. బయటికి వెళ్లాల్సిన పని ఉండదు. అన్నింటికంటే ముఖ్యం సైడ్ ఎఫెక్ట్స్ అసలే ఉండవు. ఇది ఏ టైమ్‌లో అయినా వేసుకోవచ్చు. అయితే, ముఖ్యంగా రాత్రి టైమ్‌లో వేసుకుంటే మాత్రం రిజల్ట్ ఎక్కువగా ఉంటుంది. మరింకెందుకు ఆలస్యం ఆ ఫేస్‌ప్యాక్స్ ఏంటో తెలుసుకోండి.

రోజ్‌వాటర్

​రోజ్‌వాటర్‌తో ముందుగా ఫేస్‌ని క్లీన్ చేసుకోండి. దీనికోసం రోజ్‌‌వాటర్‌లో కాటన్ ప్యాడ్‌ని ముంచి ఫ్రిజ్‌లో ఉంచి 10 నిమిషాల తర్వాత వాటితో ఫేస్‌ని క్లీన్ చేయాలి. దీనికోసం నుదుటిపై బొట్టపెట్టుకునే దగ్గర నుంచి స్టార్ట్ చేసి రెండు కనుబొమ్మలవైపు రబ్ చేస్తూ కింద ఫేస్‌ వరకూ వచ్చి క్లీన్ చేయాలి. రోజ్‌వాటర్‌లో ముంచిన దూది ప్యాడ్‌తో ముఖాన్ని క్లీన్ చేస్తే దుమ్ము, ధూళి మొత్తం క్లీన్ అవుతుంది. ఆ తర్వాత మనం ఏదైనా ఫేస్‌ప్యాక్ పెట్టుకున్నా మంచి రిజల్ట్ ఉంటుంది.

స్క్రబ్

ముఖంపై మృతకణాలను రిమూవ్ చేయడానికి ఫేషియల్ స్క్రబ్ కూడా చాలా బాగా హెల్ప్ చేస్తుంది. దీని వల్ల స్కిన్ మెరుస్తుంది. స్క్రబ్ చేయడానికి వాల్‌నట్ పౌడర్, ఓ చెంచా తేనె, ఓ చెంచా పెరుగు కలపాలి. ఇక్కడ వాల్‌నట్ పౌడర్ బదులు కొద్దిగా పంచదార లేదా కాఫీ పొడి కూడా కలపొచ్చు. వీటిని స్క్రబ్‌లా కలిపి క్లీన్ చేసుకున్న ఫేస్‌పై అప్లై చేయాలి. తర్వాత సర్క్యులేషన్ మోషన్‌లో ముఖాన్ని మసాజ్ చేయాలి. ఆ తర్వాత ఫేస్‌ని క్లీన్ చేసుకోవాలి.

పాలమీగడ, పసుపుతో

పాలమీగడలో పసుపుని చక్కగా కలపండి. రెండింటిని కూడా చక్కగా ఫేస్‌ప్యాక్‌లా మిక్స్ చేయండి. దీనిని ముఖానికి అప్లై చేయండి. కావాలనుకుంటే ఇందులోనే కొద్దిగా శనగపిండి, గంధం కూడా కలపొచ్చు. ఆరిన తర్వాత ఈ ఫేస్‌ప్యాక్‌ని చక్కగా క్లీన్ చేయండి. ఫేస్ క్లీన్ చేసిన తర్వాత వచ్చే రిజల్ట్ చూస్తే మీరే ఆశ్చర్యపోతారు.

ఫ్రూట్స్‌తో

ఫ్రూట్ ప్యాక్ కూడా ముఖాన్ని మెరిసేలా చేయడానికి చాలా బాగా పనిచేస్తుంది. దీనికోసం మీకు నచ్చిన ఫ్రూట్‌ని తీసుకోండి. అంటే బనానా, ఆరెంజ్, ఆపిల్, బొప్పాయి ఇలాంటివన్ని మాట. వీటిని మెత్తని పేస్టులా చేయాలి. తర్వాత అందులో కొద్దిగా పెరుగు, నిమ్మరసం కూడా వేసి బాగా కలపాలి. ముఖానికి వీటిని అప్లై చేసి ఆరిన తర్వాత క్లీన్ చేసుకోవాలి. దీని వల్ల ముఖంపై మచ్చలు, నలుపుదనం తగ్గుతుంది.

తేనె

తేనెలో మాయిశ్చరైజింగ్ గుణాలు ఎన్నో ఉంటాయి. అంతేకాకుండా స్కిన్‌ని బ్రైట్‌ అండ్ గ్లోయింగ్‌గా చేసే నేచురల్ గుణాలు పుష్కలంగా ఉంటాయి. అదే విధంగా, అలోవెరాలో కూడా మాయిశ్చరైజింగ్, హైడ్రేటింగ్ గుణాలు ఉంటాయి. కొద్దిగా అలోవెరా జెల్‌లో కాస్తా తేనె కలిపి మిక్స్ చేయాలి. తర్వాత ఈ రెండింటిని ఫేస్‌కి రాసి మసాజ్ చేయాలి. కాసేపు ఉండి ఆ తర్వాత నీటితో క్లీన్ చేయాలి. మచ్చలు తగ్గి స్కిన్ హైడ్రేటింగ్‌గా ఉండేందుకు ఈ ప్యాక్ బాగా పనిచేస్తుంది. గమనిక:నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.