ప్రియుడితో పారిపోయిన వివాహిత,,,,కేసు నమోదు చేసిన పోలీసులు

ప్రేమకు వయసుతో సంబంధం లేదు.. ఏ వయస్సు వారైనా ప్రేమలో పడొచ్చు. పెళ్లి కూడా చేసుకోవచ్చు. కానీ.. మన భారతీయ సంప్రదాయాలు, చట్టాల ప్రకారం.. కొన్ని నియమ నిబంధనలు ఉంటాయి. హిందువుల్లో రెండో పెళ్లి చేసుకోవాలంటే దాని కంటూ కొన్ని నియమాలు ఉంటాయి. ఇలాంటివి ఏమి పట్టించుకోకుండా.. 32 ఏళ్ల వయస్సున్న ఓ వివాహతి.. 22 ఏళ్ల కుర్రాడితో ప్రేమలో పడి.. చివరకు భర్త, తన పిల్లలను వదిలేసి పారిపోయింది. ఘటన స్థానికంగా కలకలం రేపింది. దీనికి సంబంధించి పూర్తి వివరాలు ఇలా ఉన్నాయి.

మేడ్చల్ జిల్లా పేట్ బషీరాబాద్ పోలీస్ స్టేషన్ పరిధిలో చోటుచేసుకున్న ఈ ఘటన సమాజంలో సోషల్ మీడియా ప్రభావాన్ని మరోసారి ఎత్తి చూపించింది. 32 ఏళ్ల సుకన్య తన భర్త , ఇద్దరు పిల్లలతో సుఖంగా జీవనం గడుపుతోంది. సాయంత్రం వేళల్లో పిల్లలతో సమయం గడిపేదానికి బదులుగా, మొబైల్ ఫోన్‌లో మునిగిపోయేది. ఫేస్‌బుక్, వాట్సాప్, ఇన్‌స్టాగ్రామ్ లాంటి సోషల్ మీడియా ప్లాట్‌ఫామ్స్‌లో కొత్త వ్యక్తులతో పరిచయాలు పెంచుకోవడం ప్రారంభించింది. అలాంటి పరిచయాలలో ఒకరు గోపి. అతడికి 22 ఏళ్లు. సోషల్ మీడియాలో చాటింగ్ మొదలైనప్పటి నుంచి వారిద్దరి మధ్య అనుబంధం పెరుగుతూ వచ్చింది. రోజులు గడిచేకొద్దీ.. ఈ పరిచయం ప్రేమగా మారింది. అతనితో మాట్లాడటం అలవాటుగా మారిపోయి.. తన కుటుంబాన్ని కూడా విస్మరించడం మొదలుపెట్టింది. ఓ రోజు భర్త, తన ఇద్దరు పిల్లలను వదిలేసి గోపితో పారిపోయింది. తన భార్య కనిపించడం లేదని భర్త తెలిచిన ఇళ్లలో వెతికాడు. బంధువుల ఇంట్లో ఆరాదీశాడు. చేసేదేంలేక చివరకు స్థానిక పోలీస్ స్టేషన్ లో ఫిర్యాదు చేశాడు.

ఫిర్యాదు మేరకు కేసు నమోదు చేసిన పోలీసులు ఇంటికొచ్చి సీసీ కెమెరాలు పరిశీలించారు. అక్కడ గోపి బైక్ ఎక్కి వెళ్లడాన్ని గమనించారు. అనంతరం పోలీసులు వివరాలను ఆరా తీయగా.. చివరకు మేడ్చల్ ఆక్సిజన్ పార్క్ వద్ద ఇద్దరికి పట్టుకున్నారు. బైక్ ను అక్కడ వదిలేసిన గోపి, సుకన్య.. రన్నింగ్ బస్సు ఎక్కి మరీ పారిపోయారు. పోలీసులు వాళ్లను పట్టుకునే ప్రయత్నం చేయగా దొరకలేదు. ప్రస్తుతం పోలీసులు వారికోసం ముమ్మరంగా గాలిస్తున్నారు. ఈ ఘటన మరొకసారి సోషల్ మీడియా అనుబంధాలకు తగిన నియంత్రణ అవసరమని స్పష్టంగా తెలియజేస్తుంది. కొన్నిసార్లు.. ఇలాంటి ఆకస్మిక పరిచయాలు కుటుంబాలను రోడ్డున పడేస్తున్నాయి. కాబట్టి.. వ్యక్తిగత సంబంధాలను, కుటుంబ విలువలను కాపాడుకోవడం ఎంతో అవసరం. ఆధునిక సాంకేతికతను జాగ్రత్తగా వినియోగించుకోవడం మన బాధ్యత.