ట్రెండింగ్
గుంటూరు జిల్లాలో అరుదైన పునుగుపిల్లి
Andhra Pradesh Telugu | Suryaa Desk | Published : Mon, Mar 03, 2025, 10:40 AM
ఎక్కువగా తిరుమల శేషాచలం అడవుల్లో మాత్రమే కనిపించే పునుగుపిల్లి ఆదివారం గుంటూరు జిల్లా తాడేపల్లి పట్టణంలో ప్రత్యక్షమైంది. ఈ అరుదైన పునుగుపిల్లి స్థానిక ముగ్గురోడ్డు కొండ ప్రాంతంలోని ఓ ఇంటి వద్ద ఉదయం ప్రత్యక్షమవడంతో తొలుత ఏ జంతువో అర్థం కాక స్థానికులు భయభ్రాంతులకు గురయ్యారు. అటవీశాఖ అధికారులకు సమాచారం అందించగా, వారు వచ్చి.. దానిని పట్టుకున్నారు. దానిని పునుగుపిల్లిగా నిర్థారించారు. స్థానిక వెటర్నరీ ఆస్పత్రికి తీసుకెళ్లి చికిత్స అందించిన అనంతరం, తిరిగి అడవిలో విడిచిపెట్టనున్నట్లు తెలిపారు.
|
|