అక్రమ వలసదారుల బహిష్కరణకు సైనిక విమానాలు బంద్

 అగ్రరాజ్యం అమెరికా అధ్యక్షుడిగా డొనాల్డ్ ట్రంప్ రెండోసారి పదవీ బాధ్యతలు చేపట్టినప్పటి నుంచి చాలా దూకుడుగా వ్యవహరిస్తున్నారు. అక్రమ వలసదారలపై ఉక్కుపాదం మోపుతూ.. వారిని బలవంతంగా స్వదేశాలకు పంపించి వేస్తున్నారు. చేతులకు సంకెళ్లు వేసి ప్రత్యేక సైనిక విమానాల ద్వారా తరలిస్తున్నారు. విపరీతంగా డబ్బులు ఖర్చు చేసి మరీ ట్రంప్ సైనిక విమానాల్లోనే అక్రమ వలసదారుల బహిష్కరణ కార్యక్రమం చేపట్టగా.. తాజాగా ఈ నిర్ణయాన్ని వెనక్కి తీసుకున్నారట. ముఖ్యంగా సైనిక విమానాలను నిలిపివేసి సాదారాణ విమానాల ద్వారానే వలసదారులను పంపించాలని చూస్తున్నారట. ఈ నిర్ణయం వెనుక అసలు కారణం ఏంటో మనం ఇప్పుడు తెలుసుకుందాం.

అక్రమ వలసదారులను స్వదేశాలకు తిరిగి పంపించేందుకు అమెరికా రెండు సీ-17, రెండు సీ-130ఈ సైనిక విమానాలను వినియోగిస్తోంది. అయితే సీ-17 విమానా నిర్వహణ ఖర్చు గంటకు 21 వేల డాలర్లు. అలాగే సీ-130ఈ వినిమానానికి గంటకు 38 వేల నుంచి 71 వేల డాలర్ల ఖర్చు అవుతున్నట్లు తెలుస్తోంది. ఈ లెక్కన సీ-17 విమానానికి ఒక రోజుకు 5.04 లక్షల డాలర్లు అవుతుండగా, సీ-130ఈ విమానానికి గంటలు 16.32 లక్షల డాలర్ల నుంచి 17.04 లక్షల డాలర్లు ఖర్చు అవుతుంది.

ముఖ్యంగా గ్వాటెమాలా, పెరూ, హోండూరస్ వంటి తదితర దేశాలకు అమెరికా వందల మంది అక్రమ వలసదారులను పంపించింది. ఒక్క గ్వాటెమాలాకు పంపించేందుకే ఒక్కో వ్యక్తికి గాను 4, 675 డాలర్లు ఖర్చు అవుతుందట. అయితే సాధారణ టికెట్ ధర 853 డాలర్లు కాగా.. ఇది ఐదు రెట్లు ఎక్కువ. ఐసీఈ చార్టర్డ్ విమానాల కంటే కూడా ఈ సైనిక విమానాల ఖర్చు చాలా ఎక్కువ. ఇదంతా ఇలా ఉండగా.. ఇక మూడు విమానాల్లో అనేక మంది అక్రమ వలసదారులను అమెరికా భారత్ తరలించింది. అయితే ఒక్కో విమానానికి గాను 3 మిలియన్ల డాలర్లు ఖర్చు చేసిందట.

ఇంత పెద్దమొత్తంలో డబ్బులు ఖర్చు అవుతున్నా.. ట్రంప్ ఈ యుద్ధ విమానాల ద్వారానే అక్రల వలసదారులను వారి స్వదేశాలకు పంపించారు. కానీ తాజాగా ఈ నిర్ణయాన్ని వెనక్కి తీసుకున్నట్లు తెలుస్తోంది. ఇంత పెద్ద మొత్తంలో డబ్బులు ఖర్చు చేస్తూ.. అక్రమ వలసదారులను పంపించాల్సిన అవసరం లేదని.. సాధారణ విమానాల్లోనే తరలిస్తే సరిపోతుందని భావిస్తున్నారట. చివరి విమానం మార్చి 1వ తేదీన వెళ్లినట్లు అమెరికా అధికారులు చెబుతుండగా.. భవిష్యత్తులో ఇందుకోసం యుద్ధ విమానాలను నడపబోమని అంటోందట.