డ్రంక్ అండ్ డ్రైవ్‌లో పట్టుబడ్డారా.. అయితే మీకు గుడ్‌న్యూస్..

మద్యం సేవించడం ఆరోగ్యానికి హానికరం. ఈ విషయం తెలిసినా.. మందుబాబులు వినడం లేదు. మద్యం సేవించడమే కాదు.. అతి వేగంగా వాహనాల నడిపి ప్రమాదాల బారిన పడుతున్నారు. అంతే కాదు.. అటుగా వచ్చే వాళ్ల వాహనాలను ఢీ కొనడంతో.. వారి ప్రాణాలు కూడా పోయే పరిస్థితికి తీసుకొస్తున్నారు. దీని కారణంగా అధిక శాతం మంది అక్కడికక్కడే ప్రాణాలు కోల్పోయిన సందర్భాలు ఉన్నాయి. దీంతో వారిపైనే ఆధారంగా బతుకుతున్న వారి కుటుంబాలకు తీరని వేదనను మిగుల్చుతున్నారు. మరికొంత మంది వికలాంగులుగా మారి.. జీవితాంతం బాధపడుతున్నారు. ఇలా మద్యం సేవించి వాహనాలు నడిపితే.. తీవ్ర పరిణామాలు ఉంటాయి. ఇలాంటి సమస్యల నుంచి రక్షించేందుకు పోలీసులు డ్రంక్ అండ్ డ్రైవ్ కార్యక్రమాన్ని నిర్వహిస్తుంటుంది. అప్పుడప్పుడు అవగాహన కార్యక్రమాలు కూడా నిర్వహిస్తున్నారు. ఇందులో భాగంగానే జరిగే అనర్థాలపై వారికి పూర్తి అవగాహనను కల్పిస్తున్నారు.

మందు తాగి వాహనం నడిపితే.. ఎలాంటి జరిమానాలు ఉంటాయో అందరికీ తెలిసిందే. మొదటి సారి పట్టుబడితే.. జరిమానాతో వదిలేస్తారు. దానిని కోర్డులో కట్టి.. తమ వాహనాన్ని తెచ్చుకోవచ్చు. ఇక వరుసగా ఇలానే మూడు సార్లు

పట్టుబడితే వారి డ్రైవింగ్ లైసెన్స్ రద్దవుతుంది. ఒకసారి డ్రైవింగ్ లైసెన్స్ రద్దు చేస్తే మళ్లీ తీసుకోవడం చాలా కష్టం. డ్రంక్ అండ్ డ్రైవ్ టెస్టులో మోతాదుకు మించి పరీక్షలో తేలితే జైలు శిక్షకూడా ఖరారు చేస్తున్నారు. కేసు తీవ్రత ఆధారంగా రెండు నుంచి వారం రోజుల పాటు జైలు శిక్ష విధిస్తారు.

ఇలా డ్రంక్ అండ్ డ్రైవ్, ఇతర కేసుల కారణంగా పోలీసులు స్వాధీనం చేసుకున్న వాహనాల యజమానులు, తమ కేసులు త్వరగా పరిష్కరించుకోవడానికి పోలీసులు ఓ పరిష్కార మార్గాన్ని సూచించారు. హైదరాబాద్ లో నిర్వహిస్తున్న లోక్ అదాలత్‌ను వీరు ఉపయోగించుకోవచ్చన్నారు. తమ స్థానిక పోలీస్ స్టేషన్ కు వెళ్లి.. కేసు వివరాలను అందజేసి.. లోక్ అదాలత్ ద్వారా సమస్యను పరిష్కరించుకోవచ్చని తెలిపారు. దీంతో కేసుల పరిష్కారం వేగవంతమవుతుందని పోలీస్ ఉన్నత అధికారులు తెలిపారు. దీనిని ప్రతి ఒక్కరూ వినియోగించుకోవాలని పోలీసులు సూచించారు. ఈ అవకాశం ఈ రోజు మాత్రమే ఉంటుందని తెలిపారు. వాహనదారులు ఈ పరిస్థితికి రాకుండా.. రోడ్డు ప్రమాదాల నివారణలో భాగంగా ఎక్కడికక్కడ కౌన్సెలింగ్‌ నిర్వహిస్తున్నారు. వారితో పాటు వారి ఫ్యామిలీ మెంబర్లను కూడా పిలిపించి కౌన్సెలింగ్‌ నిర్వహిస్తున్నారు. అయినా ఇలా కొంత మంది పోలీసులకు దొరికి ఇబ్బందులకు గురవుతున్నారు.