రూ. 1199 కే విమాన ప్రయాణం.. ఇండిగో హోలీ ఆఫర్

 ఒకప్పటితో పోలిస్తే ఇటీవలి కాలంలో విమాన ప్రయాణాలు చేసే వారి సంఖ్య పెరిగిందని చెప్పొచ్చు. టికెట్ ధరలు అందుబాటులోకి రావడం ఒక కారణంగా చెప్పొచ్చు లేదా ప్రజల సంపాదన పెరిగి ఉండొచ్చు. ముఖ్యంగా పండగలు, ప్రత్యేక కార్యక్రమాలు, ఇతర ప్రత్యేక సందర్భాల్లో స్పెషల్ సేల్స్ దిగ్గజ విమానయాన సంస్థలు స్పెషల్ సేల్స్ తీసుకొస్తూ.. చాలా తక్కువ ధరలకే ఫ్లైట్ టికెట్స్ అందిస్తుంటాయి. చాలా వరకు ఇయర్‌ఎండ్, న్యూఇయర్, క్రిస్‌మస్, సంక్రాంతి, హోలీ, ఇండిపెండెన్స్ డే, రిపబ్లిక్ డే, దీపావళి ఇలాంటి సందర్భాల్లో సేల్స్ ఎక్కువగా కనిపిస్తుంటాయి. ఇటీవల ఎయిరిండియా ఎక్స్‌ప్ర్రెస్ పే డే సేల్ తీసుకురాగా.. ఇప్పుడు ఇదే బాటలో ఇండిగో కీలక ప్రకటన చేసింది.

ఇండిగో (ఇంటర్‌గ్లోబ్ ఏవియేషన్ లిమిటెడ్) ఇప్పుడు హోలీ పండగను పురస్కరించుకొని హోలీ గెట్‌అవే సేల్ లాంఛ్ చేసింది. దీని కోసం 2025, మార్చి 10 నుంచి 12 లోపు టికెట్లు బుక్ చేసుకోవాల్సి ఉంటుంది. దీని కింద దేశీయ రూట్లలో రూ. 1199 నుంచి ప్రారంభం అవుతుంది. సాధారణంగా బస్ టికెట్లు కూడా కొన్నింటిపై ఇవే రేట్లు ఉంటున్నాయి. ఇదే ఇంటర్నేషనల్ రూట్లలో ఫేర్స్ రూ. 4199 నుంచి ప్రారంభం అవుతున్నాయి. గోఇండిగో.ఇన్ ‌లో బుక్ చేసుకుంటే.. అదనంగా మరో 5 శాతం తగ్గించుకోవచ్చు. ఇవి వన్- వే ఫేర్ అని చెప్పొచ్చు.

>> ఇండిగో ఇప్పుడు తమ కస్టమర్లు, ఏజెంట్లకు శుభవార్త అందించింది. ఫ్లైట్ టికెట్ బుకింగ్స్‌పై డిస్కౌంట్ ధరల్లో టికెట్లు అందిస్తుంది. యాడ్ ఆన్స్ కూడా ఆఫర్ చేస్తోంది. దీనిని ఇండిగో వెబ్‌సైట్ (Goindigo.in) లేదా ఇండిగో మొబైల్ యాప్ (ఆండ్రాయిడ్ లేదా iOS) లేదా ఇండిగో 6ESkai లేదా ఇండిగో వాట్సాప్ (+917065145858) లేదా ఇతర ట్రావెల్ పార్ట్‌నర్ వెబ్‌సైట్/మొబైల్ యాప్ ద్వారా చేసుకోవచ్చు. ఆఫర్ పీరియడ్ మార్చి 10-12 లోపు ఉండగా.. 2025, మార్చి 17 నుంచి సెప్టెంబర్ 21 వరకు ఎప్పుడైనా ప్రయాణం చేయొచ్చు.

ఫ్లైట్ టికెట్లపై డిస్కౌంట్ ఇవ్వడంతో పాటు.. ఇతర యాడ్ ఆన్స్ కూడా అందిస్తోంది. ప్రీ పెయిడ్ ఎక్సెస్ బ్యాగేజీపై (15kg, 20kg, 30kg) 20 శాతం వరకు డిస్కౌంట్ ఉంది. ఇది దేశీయ, అంతర్జాతీయ రూట్లలో వర్తిస్తుంది. డొమెస్టిక్, ఇంటర్నేషనల్ సెక్టార్లలో స్టాండర్డ్ సీట్ సెలక్షన్ కోసం 35 శాతం వరకు డిస్కౌంట్ ఉంది. ప్రీ బుక్ మీల్స్‌పై 10 శాతం తగ్గింపు ఉంది. డిస్కౌంట్లు.. ఎయిర్‌పోర్ట్ ఛార్జీలు, ప్రభుత్వ పన్నులు, ఇతర రుసుములపై వర్తించవు. కనెక్టింగ్, కోడ్‌షేర్ ఫ్లైట్లపై ఈ ఆఫర్ వర్తించదు. ఇండిగో నాన్ స్టాప్ ఫ్లైట్లపై వర్తిస్తుంది. ఇంకా ఇది వన్ వే బుకింగ్స్‌పైనే చెల్లుబాటు అవుతుంది. రౌండ్ ట్రిప్, మల్టీ సిటీ బుకింగ్స్‌కు ఉండదు. మరిన్ని పూర్తి వివరాల కోసం ఇక్కడ క్లిక్ చేయండి.