నాలుక బయటపెట్టి చేతిలో కుర్చీతో జస్టిన్ ట్రూడో నిష్క్రమణ

కెనడా ప్రధాన మంత్రి జస్టిన్ ట్రూడో ఈ ఏడాది మొదట్లోనే.. లిబరల్ పార్టీ అధ్యక్షు బాధ్యతలతో పాటు ప్రధాని పదవి నుంచి వైదొలగనున్నట్లు ప్రకటించి షాక్ ఇచ్చారు. దీంతో లిబర్ పార్టీ ఓటింగ్ పెట్టగా... కెనడా రిజర్వ్ బ్యాంకు మాజీ గవర్నర్ మార్క్ కార్నీ విజయం సాధించి నూతన ప్రధాన మంత్రిగా ప్రమాణ స్వీకారం చేశారు. ఈక్రమంలోనే జస్టిన్ ట్రూడో ఒట్టావాలోని హౌస్ ఆఫ్ కామన్స్ నుంచి వైదొలిగారు. ఆయన సహచరులకు వీడ్కోలు చెప్పిన అనంతరం.. తన కుర్చీని చేత పట్టుకుని బయటకు వచ్చారు. ఈక్రమంలోనే మీడియా ఆయనను ఫోకస్ చేయగా.. నాలుక బయటపెట్టి కామిక్ ఫోజు పెట్టారు. ట్రూడోకు సంబంధించిన ఈ ఫొటో చాలా సరదాగా ఉండగా.. నెట్టింట తెగ వైరల్ అవుతోంది. ఆ పూర్తి వివరాలు మీకోసం.

కెనడా ప్రధాన మంత్రి జస్టిన్ ట్రూడో.. తన పదవితో పాటు లిబరల్ పార్టీ అధ్యక్ష పదవికి కూడా రాజీనామా చేయబోతున్నట్లు 2025 జనవరి 6వ తేదీన ప్రకటించారు. పార్టీకి, ప్రధాన మంత్రి పదవికి కొత్త వ్యక్తిని ఎన్నుకునే వరకు తాను ఆ పదవిలో ఉంటానని కూడా చెప్పారు. ఆ తర్వాతే బాధ్యతల నుంచి తప్పుకుంటానని వివరించారు. ఈక్రమంలోనే లిబర్ పార్టీ అధ్యక్ష అనివార్యమైంది.

ఈ క్రమంలోనే ఆదివారం నిర్వహించిన పార్టీ ఓటింగ్‌లో కెనడా రిజర్వ్ బ్యాంక్ మాజీ గవర్నర్ మార్క్ కార్నీ విజయం సాధించారు. క్రిస్టియా ప్రీలాండ్‌ను ఓడించి పార్టీ నూతన అధ్యక్షుడిగా ఎన్నిక అయ్యారు. మొత్తం లక్షా 50 వేల మంది ఓరింగ్‌లో పాల్గొనగా.. కార్నేకు లక్షా 31 వేల 674 ఓట్లు వచ్చాయి. క్రిస్టియాకు కేవలం 11 వేల 134 ఓట్లు మాత్రమే వచ్చాయి. అలాగే కరినీ డ గౌల్డ్‌కు 4 వేల 785, ఫారాంక్ బేలిస్‌కు 4 వేల 38 ఓట్లు వచ్చాయి. ఇలా మార్క్ కార్నీ ప్రధాన మంత్రిగా గెలిచి మార్చి 10వ తేదీన అధికార బాధ్యతలు చేపట్టారు.

ఈక్రమంలోనే కెనడా ప్రధాన మంత్రి జస్టిన్ ట్రూడో ఈరోజు ఒట్టావాలోని హౌస్ ఆఫ్ కామన్స్ నుంచి బయటకు వచ్చేశారు. ముఖ్యంగా తన సహచరులకు వీడ్కోలు పలికి.. ఆనందంగా కుర్చీ చేత పట్టుకుని మరీ బయకు వచ్చారు. ఈక్రమంలోనే మీడియా ఫోకస్ చేయగా.. నాలుకు బయట పెట్టి కామిక్ ఫోజు పెట్టారు. ఈక్రమంలోనే అందరూ ఫొటోలు తీయగా.. ఈ ఫొటో కాస్తా నెట్టింట వైరల్ అయింది.

ఇది చూసిన ప్రతీ ఒక్కరూ.. పదవీ బాధ్యతల నుంచి వైదొలిగిన తర్వాత ట్రూడో చాలా సంతోషంగా ఉన్నాడని.. అందుకు ఈ ఫొటో నిదర్శనం అంటూ చెప్పుకొస్తున్నారు. ఆయన్ను మిస్ అవుతామని కొందరు, చాలా ఏళ్లుగా అధికార బాధ్యతలు నిర్వహించి సతమతం అవుతున్న ఆయన కుటుంబంతో సంతోషంగా గడిపేందుకు ఇప్పటికైనా సమయం దొరికిందంటూ మరికొందరు వివరిస్తున్నారు. మీరు కూడా ఓసారి ఈ ఫొటో చూసి మీకేమనిపిస్తుందో కామెంట్ల రూపంలో వెల్లడించేయండి.