కర్పూరం, దూది వత్తులతో బల్లుల్ని ఇంటి నుంచి తరిమికొట్టొచ్చు

బల్లులు తరచుగా ఇళ్లలో కనిపిస్తాయి. చాలా మంది వీటిని చూసి భయపడతారు. కొందరికీ ఇవి అంటే అసహ్యం. పొరపాటున బల్లి ఆహారంలో పడితే ఇక అంతే సంగతులు. ఆ ఆహారం విషంగా మారుతుంది. బల్లులు వల్ల మనుషులకు డేంజర్ లేనప్పటికీ.. అవి పరాన్నజీవులు, బ్యాక్టీరియాల్ని మోసుకెళ్లగలవు. దీంతో.. అవి సంక్రమణకు కారణమవుతాయి. బల్లుల మలం చాలా డేంజర్. ఆ మలాన్ని ఇంటి నుంచి నివారించాలి. లేదంటే ఆరోగ్య సమస్యలు వస్తాయి.

ఇక, ఇంటి నుంచి బల్లుల్ని తరిమికొట్టడానికి చాలా మంది రసాయనాలతో కూడిన ప్రొడక్ట్స్ వాడుతుంటారు. అయితే, ఇంట్లో పిల్లలు ఉంటే ఈ రసాయనాలు చాలా ప్రమాదం. పొరపాటున పిల్లలు ఆ రసాయనాల్ని నోట్లో పెట్టుకుంటే ప్రమాదం. అయితే, కొన్ని ఇంటి చిట్కాలతో బల్లులును ఇంటి నుంచి దూరంగా ఉంచవచ్చు. కంటెంట్ సృష్టికర్త పింకీ పిన్‌ ఇన్‌స్టాగ్రామ్‌లో బల్లుల్ని తరిమికొట్టే ఓ ఉపాయాన్ని షేర్ చేశారు. ఇది చాలా సులభంగా ఉంది. ఆ చిట్కా ఏంటో ఇక్కడ తెలుసుకుందాం.

కావాల్సిన పదార్థాలు

* కర్పూరం

* దూది

* క్రిమినాశక ద్రావణం (డెటాల్ లాంటిది)

* సేఫ్టీ పిన్

పింకీ షేర్ చేసుకున్న వీడియో

వాడే విధానం

బల్లులను ఇంటి నుంచి దూరంగా ఉంచడానికి, ముందుగా ఒక పరిష్కారాన్ని సిద్ధం చేసుకోవాలి. దీని కోసం, కర్పూరాన్ని మెత్తగా పొడిలా చేసుకోవాలి. ఇప్పుడు దానికి క్రిమినాశక ద్రావణం కలిపి బాగా మిక్స్ చేయండి. ఆ తర్వాత దూదిని కాగడా వత్తులా తయారు చేసుకోవాలి. ఆ తర్వాత వత్తుల్ని కర్పూరం, క్రిమినాశక ద్రావణంలో ముంచాలి. దీంతో దూది ఆ ద్రావణాన్ని వత్తి మొత్తం గ్రహిస్తుంది.

బల్లులకు ఎలా చెక్ పెట్టాలి?

కర్పూరం, ద్రావణంలో ముంచిన వత్తుల్ని సేఫ్టీ పిన్నులకు వీడియోలో చూపించిన విధంగా కలపాలి. నాలుగు సేఫ్టీ పిన్నులకు 8 వత్తుల్ని రెండు రెండుగా ఉంచండి. ఇప్పుడు ఈ సేఫ్టీ పిన్నుల్ని బల్లులు ఎక్కువగా కనిపించే ప్రాంతాల్లో లేదంటే ఇంటి మూలాల్లో ఉంచండి. గోడకు మేకు ఉంటే ఈ సేఫ్టీ పిన్నులను వాటికి తగిలించండి. ఈ ట్రిక్ ఒక్కసారి ప్రయత్నిస్తే వారం పాటు ప్రభావం ఉంటుందని వీడియోలో పేర్కొన్నారు.

ఈ ట్రిక్ ఎలా పనిచేస్తుంది?

కర్పూరం, క్రిమినాశక ద్రావణం వంటి ఘాటైన వాసన బల్లులకు పడదు. దీంతో, ఆ వాసనను బల్లులు తట్టుకోలేవు. దీంతో, ఇంటి నుంచి దూరంగా ఉంటాయి. అంతేకాకుండా బల్లుల్ని తరిమికొట్టడానికి ఇంట్లో కొన్ని మొక్కల్ని కూడా నాటుకోవచ్చు. పుదీనా, నిమ్మగడ్డి, బంతి మొక్క వంటి మొక్కల్ని ఇంట్లో పెంచుకుంటే బల్లులతో పాటు ఎలుకలు, పాములు ఇంటి నుంచి దూరంగా ఉంటాయి. వీటి ఘాటైన వాసను వాటికి పడవంటున్నారు నిపుణులు.