బుమ్రా గాయం:,, ముంబైకి కష్టాలే

ఆస్ట్రేలియాతో జరిగిన బోర్డర్ గవాస్కర్ ట్రోఫీలో గాయపడ్డ బుమ్రా.. రీఎంట్రీపై ఉత్కంఠ నెలకొంది. వెన్నునొప్పితో బాధపడుతున్న అతడు.. తిరిగి ఎప్పుడు పోటీ క్రికెట్‌లోకి అడుగుపెడతాడనేది ఇంకా తేలాల్సి ఉంది. ప్రస్తుతం బుమ్రా.. బెంగళూరులోని జాతీయ క్రికెట్ అకాడమీలో ఉన్నాడు. అక్కడి నుంచి ఫిట్‌నెస్ క్లియరెన్స్ వచ్చాకే.. బుమ్రా.. ఐపీఎల్‌లో ఆడనున్నాడు. గాయం కారణంగా బుమ్రా.. ఛాంపియన్స్ ట్రోఫీలో కూడా ఆడలేదు. ఐపీఎల్ 2025 తర్వాత ఇంగ్లాండ్‌లో టెస్టు సిరీస్ ప్రారంభం కానుంది. ఈ సిరీస్ నాటికి బుమ్రాను పూర్తి స్థాయిలో ఫిట్‌గా ఉంచాలని బీసీసీఐ భావిస్తోంది.

జస్‌ప్రీత్ బుమ్రా.. ఐపీఎల్‌లో ముంబై ఇండియన్స్ తరఫున ఆడుతున్న విషయం తెలిసిందే. మార్చి 22 నుంచి ఐపీఎల్ 2025 ప్రారంభం కానుంది. అయితే బుమ్రా మాత్రం ఏఫ్రిల్ మొదటి లేదా రెండో వారంలో జట్టుతో చేరే అవకాశం ఉంది. దీంతో తొలి అర్ధ భాగంలో కొన్ని ఐపీఎల్ మ్యాచులకు అతడు దూరం కానున్నాడు. బీసీసీఐ మెడికల్ టీమ్ నుంచి క్లియరెన్స్ వచ్చాక.. బుమ్రా తిరిగి జట్టులో చేరనున్నాడు.

మార్చి 22 నుంచి ఐపీఎల్ 18వ సీజన్ ప్రారంభం కానుంది. ముంబై ఇండియన్స్ జట్టు తమ తొలి మ్యాచులో మార్చి 23న చెన్నై సూపర్ కింగ్స్‌తో తలపడనుంది. జస్‌ప్రీత్ బుమ్రా ఐపీఎల్ 2025లో సుమారు 5 లీగ్ దశ మ్యాచులకు దూరం కానున్నట్లు తెలుస్తోంది. ఏప్రిల్ 13 ఢిల్లీ క్యాపిటల్స్‌తో జరిగే మ్యాచు నాటికి అతడు మ్యాచ్ ఫిట్‌నెస్ సాధించే అవకాశం ఉంది.

ఐపీఎల్ 2025 ముంబై ఇండియన్స్ జట్టు:

జస్‌ప్రీత్‌ బుమ్రా, సూర్యకుమార్ యాదవ్‌, హార్దిక్ పాండ్యా, రోహిత్ శర్మ, తిలక్‌ వర్మ, ట్రెంట్ బౌల్ట్, నమన్ ధిర్, రాబిన్ మింజ్, కర్ణ్ శర్మ, ర్యాన్ రికెల్టన్, దీపక్ చాహర్, అల్లాహ్ ఘజన్‌ఫార్, విల్ జాక్స్, అశ్వనీ కుమార్, మిచెల్ శాంట్నర్, రీస్ టోప్లే, శ్రీజిత్ కృష్ణన్‌, రాజ్ అంగద్ బవా, పెన్మత్స వెంకట సత్యనారాయణ రాజు, బెవాన్ జాకబ్స్, విఘ్నేష్ పుతూర్, అర్జున్ టెండుల్కర్, లిజాడ్ విలియమ్స్.