జైలు జీవితం అనుభవించా.. పోలీసులతో దెబ్బలు కూడా తిన్నా..: అమిత్ షా

అస్సాంలో కాంగ్రెస్ ప్రభుత్వం అధికారంలో ఉన్న సమయంలో తాము చాలా సమస్యలు ఎదుర్కున్నామని కేంద్ర హోమంత్రి అమిత్ షా తెలిపారు. ముఖ్యంగా తానప్పుడు విద్యార్థిగా ఉన్నానని.. ఓ ఆందోళన కార్యక్రమంలో పాల్గొనడంతో కాంగ్రెస్ సర్కారు తమను అరెస్ట్ చేయించిందని చెప్పుకొచ్చారు. మొత్తంగా ఏడు రోజులు జైల్లో ఉంచి.. పోలీసుల చేత భౌతిక దాడులు చేయించిందని వివరించారు. ఈక్రమంలోనే తాను జైలు భోజనం చేసినట్లు వెల్లడించారు. ఆ పూర్తి వివరాలు మీకోసం.

అస్సాంలో కాంగ్రెస్ ప్రభుత్వం అధికారంలో ఉన్నప్పుడు తాను అనేక నిర్బంధాలను ఎదుర్కున్నానని.. కేంద్ర హోంమంత్రి అమిత్ షా తెలిపారు. డెర్గావ్‌లోని లచిత్ బర్ఫుకాన్ పోలీసు అకాడమీ ప్రారంభోత్సవం సందర్భంగా శనివారం తన విద్యార్థి జీవితాన్ని గుర్తు చేశారు. ముఖ్యంగా అస్సాం ముఖ్యమంత్రిగా హితేశ్వర్ సైకియా ఉన్నప్పుడు కేంద్రంలో కాంగ్రెస్ అధికారంలో ఉందని.. ప్రధాన మంత్రిగా ఇందిరా గాంధీ ఉన్నారని చెప్పుకొచ్చారు.

అయితే అప్పుడు అమిత్ షా విద్యార్థిగా ఉండగా.. ప్రధాని ఇందిరా గాంధీకి వ్యతిరేకంగా విద్యార్థులు అంతా కలిసి ఆందోళన చేసినట్లు తెలిపారు. ఈక్రమంలోనే పోలీసులు రంగ ప్రవేశం చేసి విద్యార్థులను అరెస్ట్ చేశారని అమిత్ షా వెల్లడించారు. అందులో తాను కూడా ఉండగా.. 7 రోజుల పాటు జైల్లో పెట్టారని పేర్కొన్నారు. తన పట్ల పోలీసులు చాలా కఠినంగా వ్వవహరించారని.. తనపై భౌతిక దాడులకు కూడా పాల్పడ్డారని స్పష్టం చేశారు. సైకియా అస్సాంకు కాంగ్రెస్ తరఫున రెండు సార్లు సీఎంగా పని చేశారని.. ఆ సమయంలో అనేక ఇబ్బందులు పడ్డట్లు అమిత్ షా పునరుద్ఘాటించారు.

అంతేకాకుండా కాంగ్రెస్ అధికారంలో ఉన్నన్ని రోజులు అస్సాంలో శాంతికి ఏమాత్రం కృషి చేయలేరని తెలిపారు. తాము అధికారంలోకి వచ్చిన 10 సంవత్సరాల్లో రాష్ట్రంలో శాంతి భద్రతలు మెరుగు అయ్యాయని.. 10 వేల మంది యువత ఆయుధాలను వీడి జవ జీవన స్రవంతిలో కలిపిపోయారని పేర్కొన్నారు. అంతేకాకుండా పోలీసు అకాడమీకి లచినత్ బర్ఫుకన్ పేరు పెట్టిందుకు.. ప్రస్తుత ముఖ్యమంత్రి హిమంత బిశ్వ శర్మకు కృతజ్ఞతలు తెలిపారు. మొఘలులకు వ్యతిరేకంగా నిలిచిన పోరాట యోధుడు లచిత్ బర్ఫుకన్ చరిత్ర.. అస్సాం ప్రజలకు మాత్రమే కాకుండా దేశప్రజలు అందరికీ తెలియాల్సిన అవసరం ఉందన్నారు.