వందేమాతరం పాడిన ఏడేళ్ల చిన్నారి.. అదిరిపోయే గిఫ్టిచ్చిన అమిత్ షా

కేంద్ర హోంత్రి అమిత్ షా ప్రస్తుతం ఈశాన్య రాష్ట్రాల్లో పర్యటిస్తున్న విషయం అందరికీ తెలిసిందే. అయితే తాజాగా ఆయన మిజోరాం వెళ్లగా అక్కడే ఓ కార్యక్రమంలో పాల్గొన్నారు. ఈక్రమంలోనే ఓ ఏడేళ్ల వయసు కల్గిన బాలిక వందేమాతరాన్ని ఆలపించింది. అద్భుతమైన గొంతుతో.. వినసొంపుగా పాడగా.. అంతా ఫిదా అయిపోయారు. పాట అయిపోయిన వెంటనే శ్రోతలంతా గట్టిగా చప్పట్లు కొట్టగా.. అక్కడే ఉన్న అమిత్ షా సైతం తెగ సంబుర పడిపోయారు. అద్భుతంగా పాట పాడావంటూ చిన్నారిపై ప్రశంసల వర్షం కురిపించి మరీ ఓ ప్రత్యేక బహుమతిని అందజేశారు. మరి ఆ గిఫ్టు ఏంటో మనం ఇప్పుడు తెలుసుకుందాం.

ఈశాన్య రాష్ట్రాల పర్యటనలో భాగంగా అమిత్ షా శనివారం రోజు మిజోరాం వెళ్లారు. ఈ్రమంలోనే అక్కడి నేతలు ఆ రాష్ట్ర రాజధాని ఐజ్వాల్‌లో ఓ కార్యక్రమం నిర్వహించారు. అక్కడకు అమిత్ షా కూడా వెళ్లగా.. ఓ ఏడేళ్ల వయసు కల్గిన ఎస్తేర్ లాల్దుహోమి హ్మమ్తే అనే చిన్నారి పాట పాడింది. అలా అని ఏ సినిమా పాటనో అనుకుంటే మీరు పప్పులో కాలేసినట్లే. ఎందుకంటే ఈ చిన్నారి పాడింది జాతీయ గేయం వందేమాతరం. అదిరిపోయే గొంతుతో.. అత్యద్భుతంగా వందేమాతరాన్ని ఆలపించింది. దీంతో అంతా ఫిదా అయిపోయారు.

పెద్ద ఎత్తున చప్పట్లు కొడుతూ చిన్నారిని మెచ్చుకున్నారు. అక్కేడ ఉన్న అమిత్ షా సైతం చిన్నారి పాడిన జాతీయ గేయానికి మురిసిపోయారు. వెంటనే ఓ అద్భుతమైన బహుమతిని అందజేశారు. ముఖ్యంగా ఓ గిటారును ఎస్తేర్ లాల్దుహోమి హ్మమ్తేకు ఇచ్చారు. ఈ విషయాన్ని నేరుగా ఆయనే ఎక్స్ వేదికగా ప్రకటించారు. ముఖ్యంగా ఆమె పాడిన వందేమాతరం వీడియోతో పాటు ఆయన బహుమతి ప్రదానం చేస్తున్నప్పుడు తీసిన ఫొటోలను షేర్ చేశారు. అలాగే భారత దేశంపై ప్రేమ మనల్ని ఏకం చేసిందని రాసుకొచ్చారు.

నేడు అద్భుతమైన చిన్నారి ఎస్తేర్ వందేమాతరాన్ని పాడి తన హృదయాన్ని కదిలించిందని.. ఏడేళ్ల చిన్నారికి భారత మాతపై ఉన్న ప్రేమ తన పాటలో కనిపించిందని చెప్పుకొచ్చారు. ప్రస్తుతం అమిత్ షా చేసిన ఈ పోస్ట్ నెట్టింట వైరల్ అవుతుండగా.. అందరూ చిన్నారిని మెచ్చుకుంటున్నారు. చిన్నారి నిజంగానే చాలా బాగా పాడిందని.. భవిష్యత్తులో ఆమె సినిమాల్లో కూడా పాటలు పాడే స్థాయికి చేరుకుంటుందని కామెంట్లు చేస్తున్నారు.

ఇదంతా ఇలా ఉండగా.. ఈ చిన్నారి గతంలో మా తుజే సలామ్ పాటను కూడా పాడి విపరీతంగా గుర్తింపు తెచ్చుకుంది. 2020లో ఈ పాట పాడగా... రాష్ట్ర ప్రభుత్వం ఎన్నెన్నో అవార్డులు అందజేసి చిన్నారిని సత్కరించింది.