అడ్డుకున్న యజమానిపై దాడి చేసి మరీ.. మేకను ఎత్తుకెళ్లి అత్యాచారం

కామంతో కళ్లుమూసుకుపోయిన కొందరు మృగాళ్ల మాదిరిగా వ్యవహరిస్తున్నారు. తమ కామవాంఛ తీర్చుకోడానికి పుశువుల్లా ప్రవర్తిస్తున్నారు. వీరికి ఆడ, మగ, చిన్న, పెద్ద అనే ఇంగితం.. మనుషులు, జంతువులు అనే తేడా కూడా లేదు. మేకలు, కుక్కలు, గుర్రాలు వంటి మూగజీవాలపై అఘాయిత్యానికి తెగబడుతోన్న ఘటనలు కంపరం పుట్టిస్తున్నారు. తాజాగా, ఓ కామాంధుడు.. మేకను ఎత్తుకెళ్లి అత్యాచారానికి పాల్పడ్డాడు. అడ్డుకోడానికి ప్రయత్నించిన దాని యజమానిపై కూడా దాడిచేశారు. అత్యంత జుగుప్సాకరమైన ఈ ఘటన పశ్చిమ్ బెంగాల్‌లోని మాల్దాలో చోటుచేసుకుంది.

మీడియా కథనాల ప్రకారం.. యజమాని తన మేకు మేతకోసం పొలానికి తీసుకెళ్లాడు. దానిని మేతకు వదిలిపెట్టి.. పనిలో నిమగ్నమయ్యాడు. కొంత సేపటి తర్వాత చూడగా మేక కనిపించలేదు. దీంతో దాని కోసం చుట్టుపక్కల గాలించాడు. ఓ చోట నుంచి మేక అరుపులు వినిపించడంతో వెంటనే వెళ్లేసరికి అక్కడ కనిపించిన దృశ్యం చూసి షాకయ్యాడు. మేకపై ఓ యువకుడు లైంగిక దాడి చేస్తుండటంతో ఒక్కసారిగా అతడి మైండ్ బ్లాంక్ అయ్యింది. షాక్‌లో నుంచి తేరుకుని అరుస్తూ ఆ యువకుడిని అడ్డుకునే ప్రయత్నం చేయగా.. ఆ కామాంధుడు తిరిగి దాడికి దిగాడు. వెంటనే అక్కడి నుంచి పరుగులు తీశాడు.

మేకను ఇంటికి తీసుకొచ్చిన యజమాని.. గ్రామస్థులకు విషయం చెప్పాడు. తన గురించి ఊళ్లోవారికి చెప్పాడని తెలుసుకున్న నిందితుడు రెచ్చిపోయాడు. ఫుల్లుగా మద్యం తాగొచ్చి మేక యజమాని, అతడి కుటుంబ సభ్యులపై దాడిచేశారు. స్థానికులు స్పందించి.. ఆ యువకుడ్ని అడ్డుకుని మందలించారు. బాధిత కుటుంబం పోలీస్ స్టేషన్‌కు వెళ్లి ఫిర్యాదు చేయడంతో అతడిపై కేసు నమోదుచేశారు. నిందితుడి కోసం గాలిస్తోన్న పోలీసులు.. అతడు పరారీలో ఉన్నట్టు తెలిపారు. మేక యజమాని కుటుంబంలో నలుగురిపై విచక్షణా రహితంగా దాడి చేశాడని, వారు ప్రస్తుతం ఆస్పత్రిలో చికిత్స పొందుతున్నారని వెల్లడించారు. ఇప్పటి వరకూ తాము ఇలాంటి కేసు చూడలేదని అన్నారు.

మాల్దా ఎస్పీ శంభవ్ జైన్ మాట్లాడుతూ.. ఇటువంటి ఘటనలు ఐపీసీ సెక్షన్ 377 కింద శిక్షార్హమైనవని, పోలీసులు ఛార్జ్‌షీట్ దాఖలు చేశారని వివరించారు. ఆరోపణలు నిజమని నిర్దారణ అయితే.. నిందితుడిపై పలు సెక్షన్ల కింద కేసు పెట్టి.. దర్యాప్తు చేపడతామని చెప్పారు. ఇదిలా ఉండగా గతంలోనూ ఇలాంటి సంఘటనలు చోటుచేసుకున్నాయి. కర్ణాటకలో రెండేళ్ల కిందట ఓ ఐదుగురు యువకులు.. మేకపై సామూహిక అత్యాచారానికి పాల్పడటమే కాకుండా.. తమ అకృత్యాలను వీడియో కూడా తీశారు. దీనికి ముందు కూడా మేకలు, కుక్కలపై అత్యాచారానికి పాల్పడిన ఘటనలు అనేకం వెలుగుచూశాయి.