మనం ఇష్టంగా తినే కొన్ని ఫుడ్స్ విపరీతంగా బరువు పెంచుతాయి

​బరువు తగ్గాలనుకునేవారు ఫుడ్‌కి దూరంగా ఉంటారు. కానీ, అన్నీ ఫుడ్స్‌కి దూరమవ్వాల్సిన అవసరం లేదు. కేవలం కొన్ని ఫుడ్స్ మాత్రమే త్వరగా బరువు పెరిగేలా చేస్తాయి. వాటిలో చక్కెర, శుద్ధి చేసిన కార్బోహైడ్రేట్స్, ఫ్యాట్స్ ఎక్కువగా ఉంటాయి. కానీ, ప్రోటీన్, ఫైబర్ వంటి ముఖ్య పోషకాలు తక్కువగా ఉంటాయి. ఇవి బరువు తగ్గడాన్ని కష్టంగా చేస్తాయి. అంతేకాకుండా, ఇతర సమస్యలకి కూడా కారణమవుతాయి. చాలా మంది బరువు తగ్గడంలో కేలరీలను తగ్గించడంపైనే దృష్టి పెడతారు. అయితే, వీటితో పాటు మనం తినే ఆహారం గురించి కూడా ఆలోచించాలి. ప్రోటీన్, ఫైబర్ ఎక్కువగా ఉండే ఫుడ్స్ తింటే చాలాసేపు కడుపు నిండుగా ఉంటుంది. దీంతో బరువు ఈజీగా తగ్గుతారు. కాబట్టి, అలాంటి వాటిని తీసుకోవాలి. అదే విధంగా, మనం రెగ్యులర్‌గా తీసుకునే కొన్ని ఫుడ్స్ బరువుని అమాంతం పెంచుతాయి. అవేంటో తెలుసుకోండి.

ఐస్ క్రీమ్

మండే ఎండల్లో చల్లని ఐస్‌క్రీమ్స్ చాలా మంది ఇష్టపడతారు. అయితే, వీటిలో కేలరీలు, పంచదార ఎక్కువగా ఉంటుంది. అప్పుడప్పుడు ఈ ఐస్‌క్రీమ్స్ తినొచ్చు. కానీ, ఒకేసారి ఎక్కువగా తినొద్దు. దీని వల్ల త్వరగా బరువు పెరుగుతారు.

పేస్ట్రీస్, కుకీస్, కేక్స్

ఈ మూడింటిలో కూడా కేలరీలు, చక్కెరలు ఎక్కువగా ఉంటాయి. ఇవి తినగానే మళ్లీ వెంటనే ఆకలి వేస్తుంది. దీని వల్ల బరువు పెరుగుతారు. బరువు పెరగడానికి ప్రయత్నించేవారు. వీటిని తగ్గించి తినండి. వీటితోపాటు పిజ్జా కూడా తినకపోవడమే మంచిది. దీనిని కూడా మైదాతో తయారు చేస్తారు. ఎలాంటి పోషకాలు ఉండవు. వీటి వల్ల బరువు పెరిగే అవకాశం ఎక్కువగా ఉంటుంది.

ఫ్రూట్ జ్యూసెస్

ప్యాకేజ్డ్ జ్యూసెస్ ఎక్కువగా మార్కెట్లలో దొరుకుతాయి. వీటిలో చక్కెర కేలరీలు ఎక్కువగా ఉంటాయి. ఫైబర్ ఉండదు. నమలాల్సిన అవసరం లేదు. దీనిని తీసుకోవడం వల్ల త్వరగా జీర్ణమవుతుంది. పైగా కేలరీలు పెరిగి బరువు పెరుగుతారు.

క్యాండీ బార్స్

ఇవి తినడానికి చాలా టేస్టీగా ఉంటాయి. వీటిని ఎక్కువగా పంచదార, నూనె, ప్రాసెస్డ్ పిండితో కలిపి చేస్తారు. వీటిలో కేలరీలు ఎక్కువగా, పోషకాలు తక్కువగా ఉంటాయి. వీటిని తినడం వల్ల బరువు చాలా పెరుగుతారు. కాబట్టి, వీటిని తగ్గించి తినడం మంచిది.

వైట్ బ్రెడ్

వైట్ బ్రెడ్ కూడా ఎక్కువగా ప్రాసెస్ చేసి చేస్తారు. ఇందులో పంచదార ఎక్కువగా ఉంటుంది. ప్రోటీన్, ఫైబర్ వంటి పోషకాలు కూడా ఉండవు. దీతో పాటు ఇందులో గ్లైసెమిక్ ఇండెక్స్ ఎక్కువగా ఉంటుంది. దీంతో రక్తంలో చక్కెర స్థాయిలు త్వరగా పెరుగుతాయి. ఓ అధ్యయనం ప్రకారం వైట్ బ్రెడ్ తిన్నవారు త్వరగా బరువు పెరుగుతారు.

షుగర్ డ్రింక్స్

ఎండాకాలంలో కాబట్టి, చాలా మంది కూల్ డ్రింక్స్, సోడాలు తాగుతారు. నార్మల్ టైమ్‌లోనూ తాగుతారు. కానీ, వీటిలో ఎక్కువగా షుగర్ ఉంటుంది. వీటిని తీసుకోవడం వల్ల బరువు పెరుగతారు. దీంతో నెగెటీవ్ ఎఫెక్ట్ ఉంటుంది. ఇలా ఎక్కువ పంచదారతో తయారైన డ్రింక్స్ మీకు కడుపు నిండిన ఫీలింగ్‌ని ఇవ్వవు. దీంతో ఎక్కువగా తీసుకుంటారు. దీంతో కేలరీలు పెరిగి బరువు పెరుగుతారు.

ఫ్రెంచ్ ఫ్రైస్, పొటాటో చిప్స్

బంగాళాదుంపతో తయారుచేసే ఈ రెండు స్నాక్స్ కూడా తినడానికి ఎంతో టేస్టీగా ఉంటాయి. కాబట్టి. ఎక్కువగా తింటారు. కానీ, ఇందులో కేలరీలు ఎక్కువగా ఉంటాయి. వీటిని తినడం వల్ల త్వరగా బరువు పెరుగుతారు. ఇంకా చెప్పాలంటే కాల్చిన, వేయించిన బంగాళాదుంప పదార్థాల్లో అక్రిలామైడ్స్ అనే పదార్థాలు ఉంటాయి. ఇవి క్యాన్సర్ వంటి సమస్యలకి కారణమవుతాయి. కాబట్టి, బ్యాలెన్స్‌డ్ ఫుడ్‌లో భాగంగా ఈ ఫుడ్స్‌ని తక్కువగా తినడం మంచిది.