ఏం చేసినా మలబద్ధకం, అజీర్ణం తగ్గట్లేదా

గట్ హెల్త్ మొత్తం ఆరోగ్యనికే చాలా మంచిది. జీర్ణక్రియ, ఇమ్యూనిటీ, మెంటల్ కంట్రోల్, స్కిన్ హెల్త్ వీటన్నింటినీ కాపాడడంలో గట్ హెల్త్ చాలా మంచిది. జీర్ణక్రియ మెరుగ్గా ఉంటే ఈ సమస్యలేవీ దరిచేరవు. మరి గట్ హెల్త్‌ని కాపాడుకోవాలంటే కొన్ని హెల్దీ డ్రింక్స్ తీసుకోవాలి. ఈ డ్రింక్స్‌తో మీ డేని స్టార్ చేస్తే జీర్ణవ్యవస్థ మెరుగ్గా ఉండడమే కాదు, ప్రేగు కదలికలు కూడా సరిగా ఉంటాయి. ఉబ్బరం, ఆపాన వాయువు తగ్గుతుంది. ఏం తిన్నా జీర్ణమవుతుంది.

మన శరీరంలో వాత, పిత్త, కఫ దోషాలు ఉంటాయి. ఇవి బ్యాలెన్స్‌గా ఉంటేనే మన హెల్త్ బాగుంటుంది. అయితే, ఆయుర్వేదం ప్రకారం ఖాళీ కడుపుతో కొన్ని డ్రింక్స్ తీసుకుంటే జీర్ణ అగ్నిని మేల్కొంటుంది. అజీర్ణ సమస్యలు దూరమవుతాయి. మరి ఆ డ్రింక్స్ ఏంటో తెలుసుకోండి.

అలోవెరా జ్యూస్

అలోవెరా జ్యూస్‌లో విటమిన్స్, మినరల్స్, ఎంజైమ్స్ ఉన్నాయి. ఇవి జీర్ణ వ్యవస్థని హెల్దీగా మారుస్తాయి. ఆయుర్వేదం ప్రకారం అలోవెరాలో కూలింగ్ గుణాలు ఉన్నాయి. దీని తీసుకోవడం వల్ల పిత్త దోష బ్యాలెన్స్ అవుతుంది. యాసిడ్ రిఫ్లక్స్ తగ్గుతాయి. దీనిని ఉదయాన్నే పరగడపున తీసుకుంటే బౌల్ మూమెంట్స్ పెరుగుతాయి. పైగా కడుపులో హెల్దీ గట్ బ్యాక్టీరియా పెరుగుతుంది. దీంతోపాటు అసిడిటీని తగ్గిస్తుంది. హెల్దీ గట్ బ్యాక్టీరియాని పెంచుతుంది. మొత్తం జీర్ణ వ్యవస్థని హెల్దీగా మార్చి డీటాక్స్ చేస్తుంది.

వాము

వాము గింజల్ని రాత్రంతా నీటిలో నానాబటెట్టి ఉదయాన్నే తాగండి. దీని వల్ల జీర్ణ సమస్యలు చాలా వరకూ తగ్గుతాయి. ఇందులోని గుణాలు గ్యాస్, బ్లోటింగ్‌ని తగ్గించి అజీర్ణాన్ని దూరం చేస్తుంది. దీని వల్ల వాత, కఫా దోషాలు బ్యాలెన్స్ అవుతాయి.

ఉసిరి రసం

ఉసిరి రసంలో కూడా విటమిన్ సి, యాంటీ ఆక్సిడెంట్స్ ఎక్కువగా ఉంటాయి. దీనిని తీసుకోవడం వల్ల జీర్ణ ఆరోగ్యం మెరుగ్గా ఉంటుంది. ఆయుర్వేదం ప్రకారం ఉసిరి మూడు దోషాలను బ్యాలెన్స్ చేస్తుంది. పరగడపున ఉసిరి రసం తాగితే జీర్ణ వ్యవస్థ క్లీన్ అవుతుంది. బౌల్ మూమెంట్స్ బాగుంటుంది. దీని వల్ల గట్ బ్యాక్టీరియా పెరుగుతుంది. దీంతో పాటు పోషకాలు అబ్జార్బ్ పెరుగుతుంది. దీని వల్ల జీర్ణ వ్యవస్థ క్లీన్ అవ్వడమే కాకుండా మలబద్ధకం తగ్గుతుంది. కడుపులో అసిడిటీ లెవల్స్ బ్యాలెన్స్ అవుతాయి. మొత్తం ఇమ్యూనిటీ పెరుగుతుంది.

అల్లం టీ

​అల్లం టీ నీటిలో అల్లం తురుముని వేసి మరిగించి చేస్తారు. ఈ డ్రింక్ తీసుకోవడం వల్ల జీర్ణ వ్యవస్థ సరిగా పనిచేస్తుంది. అల్లంతో డైజేషన్ ఇంప్రూవ్ అవుతుంది. డైజెస్టివ్ ఎంజైమ్స్ పెరిగి జీర్ణ సమస్యలు దూరమవుతాయి. ఇందులో యాంటీ ఇన్‌ఫ్లమేటరీ గుణాలు ఉన్నాయి. ఇవి వికారం, వాంతులు, నీరసాన్ని తగ్గిస్తాయి. ఈ టీని తీసుకోవడం వల్ల జీర్ణ వ్యవస్థ ఇంప్రూవ్ అవ్వడమే కాకుండా మెటబాలిజం కూడా పెరుగుతుంది. దీంతో పాటు బ్లోటింగ్ తగ్గుతుంది. దీంతో పాటు వాంతులు, నీరసం తగ్గుతుంది.

గోరువెచ్చని నీటిలో తేనె, నిమ్మరసం

ఇది బెస్ట్ మార్నింగ్ బేవరేజ్ అని చెప్పొచ్చు. గోరువెచ్చని నీటిలో తాజా నిమ్మరసం వేసి అందులో ఓ టీ స్పూన్ తేనె వేసి కలిపి తాగండి. దీని వల్ల జీర్ణ వ్యవస్థ స్టిమ్యూలేట్ అవుతుంది. నిమ్మరసంలో విటమిన్ సి ఉంటుంది. ఇది ఇమ్యూనిటీని బలంగా చేసి కొల్లాజెన్‌ని పెంచుతుంది. తేనెలో నేచురల్ యాంటీ బ్యాక్టీరియల్ గుణాలు ఉంటాయి. ఇవి కడుపులోని సమస్యల్ని దూరంచేస్తాయి. ఈ కాంబినేషన్ డ్రింక్ తీసుకోవడం వల్ల కఫ దోషాలు బ్యాలెన్స్ అవ్వడమే కాకుండా డీటాక్సీఫైకి హెల్ప్ అవుతుంది. టాక్సిన్స్ దూరమవుతాయి. ఈ డ్రింక్‌ని తీసుకోవడం వల్ల జీర్ణ వ్యవస్థ సరిగా పనిచేస్తుంది. బౌల్ మూమెంట్స్ బాగుంటాయి. పోషకాలు శోషణ బాగుంటుంది. దీని వల్ల బ్లోటింగ్ తగ్గడమే కాకుండా బరువు కూడా బ్యాలెన్స్‌గా ఉంటుంది.