ట్రెండింగ్
గోవుల మరణాలపై నిజాలు నిరూపించేందుకు సిద్ధంగా ఉన్నాం
Andhra Pradesh Telugu | Suryaa Desk | Published : Fri, Apr 18, 2025, 11:14 AM
టీటీడీ గోశాలలో గోవుల మరణాలపై టీడీపీ రాజకీయం చేస్తోందని మాజీ టీటీడీ చైర్మన్ భూమన కరుణాకర్రెడ్డి మండిపడ్డారు. తిరుపతి క్యాంప్ కార్యాలయంలో మీడియాతో మాట్లాడుతూ గోవుల మృతిని నిరూపిస్తారా అని టీడీపీ రాష్ట్ర అధ్యక్షుడు పల్లా శ్రీనివాసరావు విసిరిన సవాల్ను స్వీకరించి, గోశాలకు వెడుతున్న తనను పోలీసులతో బయటకు రానివ్వకుండా గృహనిర్భందం చేశారని ఆగ్రహం వ్యక్తం చేశారు. మరోవైపు సవాల్ చేసిన పల్లా శ్రీనివాసరావు తోకముడిచి పత్తా లేకుండా పోయారని అన్నారు. ఒకవైపు ఇంటి నుంచి బయటకు రానివ్వకుండా వందల మంది పోలీసులను మోహరించారు, మరోవైపు టీడీపీ ఎమ్మెల్యేలు గోశాలకు వెళ్ళి మేము రావడం లేదని చిల్లర రాజకీయం చేయడానికి ప్రయత్నించారని ధ్వజమెత్తారు. సాధుపుంగవులు, హిందూధార్మికవేత్తల సమక్షంలో టీడీపీ వారికి గోవుల మరణాలపై వాస్తవాలను నిరూపించేందుకు సిద్దంగా ఉన్నామని సవాల్ చేశారు.
|
|