విమానం ఇంజిన్‌లోకి కుందేలు వెళ్లడంతో అగ్ని ప్రమాదం

అమెరికాకు చెందిన యునైటెడ్ ఎయిర్‌లైన్స్ విమానం డెన్వర్ నుంచి ఎడ్మింటన్‌కు బయలు దేరేందుకు సిద్ధం అయింది. మొత్తంగా 153 మంది ప్రయాణికులు ఈ విమానంలోకి ఎక్కగా.. ఇద్దరు పైలెట్లు, ముగ్గురు ఎయిర్ హోస్టెస్ విమానంలోకి వెళ్లారు. ఈక్రమంలోనే పైలెట్లు విమానాన్ని టేకాఫ్ చేశారు. అదే సమయంలో ఓ కుందేలు విమానం ఇంజిన్‌లోకి వెళ్లింది. దీంతో విమానం గాల్లోకి ఎగిరిన వెంటనే పెద్ద ఎత్తున మంటలు చెలరేగాయి. దీంతో ప్రయాణికులతో పాటు సిబ్బంది కూడా తీవ్ర భయాందోళనకు గురయ్యారు. ప్రాణాల అరచేత పెట్టుకుని కాపాడమంటూ వేడుకున్నారు. మరికొందరు అయితే విమానంలో చెలరేగిన మంటలను వీడియోలుగా తీసి సోషల్ 

అమెరికాకు చెందిన యునైటెడ్ ఎయిర్ లైన్స్ యూఏ2325 విమానం గురువారం రోజు రాత్రి 8.15 గంటల మసయంలో డెన్వర్ అంతర్జాతీయ విమానాశ్రయం నుంచి ఎడ్మింటన్‌కు వెళ్లేందుకు సిద్ధం అయింది. ఈక్రమంలోనే 153 మంది ప్రయాణికులు విమానం ఎక్కి కూర్చున్నారు. సిబ్బంది కూడా లోపలికి వెళ్లిపోయింది. అయితే మరికాసేపట్లోనే విమానం టేకాప్ అవుతుందనగా ఓ కుందేలు విమానంలోని కుడివైపు ఇంజిన్‌లోకి ప్రవేశించింది. అది తెలియని పైలెట్లను విమానాన్ని టేకాఫ్ చేశారు. ఇలా గాల్లో ఎగిరిన కాసేపటికే విమానం కుడి రెక్క కింద ఉన్న ఇంజిన్ నుంచి పెద్ద ఎత్తున మంటలు చెలరేగాయి.

దీంతో ప్రయాణికులు తీవ్రంగా భయపడ్డారు. ఏం చేయాలో పాలుపోక ప్రాణాలు అరచేతిలో పెట్టుకుని కేకలు వేశారు. అయితే అప్రమత్తమైన సిబ్బంది మాత్రం ప్రయాణికులను కూర్చోవాలని భయపడకూడదని చెప్పింది. మరోవైపు పైలెట్లు అగ్ని ప్రమాదం సంభవించడంతో వెంటనే విమానాన్ని అత్యవసరం ల్యాండింగ్ చేశారు. ఆపై వెంటనే ప్రయాణికులు అందరినీ కిందకు దింపేశారు. అదృష్టవశాత్తు ఈ ఘటనలో ఏ ఒక్కరికీ గాయాలు కాలేదు. దీంతో అంతా ఊపిరి పీల్చుకున్నారు. అప్పటికే విమానయాన సిబ్బంది అక్కడకు చేరుకుని.. విమానంలో ఎందువల్ల ఈ ప్రమాదం జరిగిందో తెలుసునే ప్రయత్నం చేశారు. ఈక్రమంలోనే విమానం కుడి ఇంజిన్‌లోకి ఓ కుందేలు వెళ్లినట్లు గుర్తించామని ఫెడరల్ ఏవియేషన్ ఎయిర్ ట్రాఫిక్ కంట్రోల్ తెలిపింది.

ఈ ఘటన తర్వాత ప్రయాణికులు అందరినీ మరో విమానం ద్వారా ఎడ్మింటన్‌కు తరలించినట్లు అధికారులు వివరించారు. అయితే విమానంలో ప్రమాదం జరిగిన సమయంలో కొందరు ప్రయాణికులు మంటలు చెలరేగుతుండగా వీడియోలు తీసి సోషల్ మీడియాలో పోస్ట్ చేశారు. దీంతో ఇవి కాస్తా నెట్టింట వైరల్ అయ్యాయి. వాటిని మీరు కూడా ఓసారి చూసేయండి.