వేసవిలో కొన్ని డ్రింక్స్ తాగితే ఇట్టే బరువు తగ్గుతారు

అధిక బరువు వల్ల శారీరక రూపం ప్రభావితం అవ్వడమే కాకుండా అధిక రక్తపోటు, గుండె జబ్బులు, మధుమేహం, అధిక కొలెస్ట్రాల్ వంటి సమస్యలు రావచ్చు. బరువు తగ్గడం కోసం ప్రతి ఒక్కరూ కఠినమైన వ్యాయామాలు చేయకపోయినా సరైన ఆహారపు అలవాట్లు, జీవనశైలిలో చిన్న మార్పులు చేసుకోవడం ద్వారా అధిక బరువును నియత్రించుకోవచ్చు. ఇక, వేసవిలో శరీరాన్ని హైడ్రేటెడ్‌గా ఉంచుకోవడం చాలా ముఖ్యం. కొన్ని డ్రింక్స్ ఈ సీజన్‌లో తాగితే రీఫ్రెష్‌గా ఉండటమే కాకుండా బరువు కూడా తగ్గవచ్చు. ఈ డ్రింక్స్‌లో జీవక్రియను వేగవంతం చేసే అంశాలు చాలు ఉన్నాయి. బరువు తగ్గడంతో పాటు వేసవిలో మిమ్మల్ని రీఫ్రెష్‌గా ఉంచే డ్రింక్స్ ఏంటి, వాటిని ఎలా తాగాలో తెలుసుకుందాం.

నిమ్మకాయ, తేనె డీటాక్స్ వాటర్

కావాల్సిన పదార్థాలు

* 1 గ్లాసు గోరువెచ్చని నీరు

* 1 నిమ్మకాయ రసం

* 1 టీస్పూన్ తేనె

ప్రయోజనాలు

* నిమ్మకాయలో విటమిన్ సి, యాంటీఆక్సిడెంట్లు ఉంటాయి. ఇవి కొవ్వును వేగంగా బర్న్ చేస్తాయి.

* తేనె జీవక్రియను పెంచుతుంది. అంతేకాకుండా చక్కెర కోరికలను నియంత్రిస్తుంది.

* గోరువెచ్చని నీరు జీర్ణవ్యవస్థను శుభ్రపరుస్తుంది. శరీరం నుంచి టాక్సిన్లను బయటకు పంపిస్తుంది.

ఎలా తాగాలి?

ముందుగా గ్లాస్ గోరువెచ్చని నీరు తీసుకుని అందులో నిమ్మకాయ రసం కలండి. ఆ తర్వాత తేనె కలిపి బాగా కలపండి. ఈ పానీయాన్ని ఉదయం ఖాళీ కడుపుతో త్రాగాలి. ఇది శరీరాన్ని డీటాక్స్ చేస్తుంది. శరీరంలో పేరుకుపోయిన కొవ్వును బర్న్ చేసే ప్రక్రియను వేగవంతం చేస్తుంది. దీంతో బరువు తగ్గవచ్చని నిపుణులు అంటున్నారు.

కీరదోస, పుదీనా కూలింగ్ డ్రింక్

కావాల్సిన పదార్థాలు

* 1 గ్లాసు నీరు

* ½ దోసకాయ (తరిగిన)

* 5-6 పుదీనా ఆకులు

* 1 నిమ్మకాయ రసం

* రుచికి తగినంత నల్ల ఉప్పు

ప్రయోజనాలు

* దోసకాయలో 95% నీరు ఉంటుంది. ఇది శరీరాన్ని హైడ్రేటెడ్‌గా ఉంచుతుంది.

* పుదీనా జీర్ణక్రియను మెరుగుపరుస్తుంది. దీంతో పాటు జీవక్రియను పెంచుతుంది .

* ఈ పానీయం శరీర వేడిని చల్లబరుస్తుంది. కేలరీలను బర్న్ చేయడంలో సహాయపడుతుంది.

ఎలా తాగాలి?

ముందుగా దోసకాయ ముక్కల్ని ఒక్క బ్లెండర్‌లో బ్లెండ్ చేయండి. ఆ తర్వాత పుదీనా ఆకులు, నిమ్మరసం, వాటర్ కలిపి బాగా బ్లెండ్ చేయండి. ఆ తర్వాత వడకట్టి, రుచికి తగినంత బ్లాక్ సాల్ట్ యాడ్ చేసుకుని తాగండి. ఈ పానీయాన్ని రోజులో ఎప్పుడైనా తాగవచ్చు. ఇది ఒక రిఫ్రెషింగ్. తక్కువ కేలరీల డ్రింక్. దీంతో బరువు తగ్గవచ్చు.

పుదీనాతో గ్రీన్ టీ

కావాల్సిన పదార్థాలు

* 1 కప్పు గ్రీన్ టీ

* 5-6 పుదీనా ఆకులు

* 1 టీస్పూన్ నిమ్మరసం

ప్రయోజనాలు

* గ్రీన్ టీలో కాటెచిన్ యాంటీఆక్సిడెంట్లు ఉంటాయి. ఇవి కొవ్వును బర్న్‌ని చేయడంలో ప్రోత్సహిస్తాయి.

* పుదీనా జీర్ణక్రియను మెరుగుపరుస్తుంది. ఆకలిని నియంత్రిస్తుంది.

* ఈ పానీయం శక్తి స్థాయిలను పెంచుతుంది. బరువు తగ్గడానికి సహాయపడుతుంది .

ఎలా తాగాలి?

ఈ గ్రీన్ టీని ఉదయం లేదా సాయంత్రం తాగండి. రోజుకు 2 కప్పుల కంటే ఎక్కువ తాగకూడదు. గ్రీన్ టీలో పుదీనా ఆకులు, నిమ్మరసం యాడ్ చేసుకుని తాగితే సరిపోతుంది. ఈ గ్రీన్ టీ తాగడం వల్ల జీవక్రియ వేగవంతం అవుతుంది. దీంతో కేలరీలు వేగంగా బర్న్ అవుతాయి.

పుచ్చకాయ, అల్లం స్మూతీ

కావాల్సిన పదార్థాలు

* 1 కప్పు పుచ్చకాయ ముక్కలు

* ½ అంగుళం అల్లం

* 1 టీస్పూన్ నిమ్మరసం

* కొద్దిగా పుదీనా

ప్రయోజనాలు

* పుచ్చకాయలో 90% నీరు ఉంటుంది. ఇది తక్కువ కేలరీల పండు.

* అల్లం జీవక్రియను పెంచుతుంది. కొవ్వును బర్న్ చేయడానికి సాయపడుతుంది.

* ఈ పానీయం శరీరాన్ని చల్లబరచడమే కాకుండా, బరువు తగ్గడానికి కూడా సహాయపడుతుంది.

ఎలా తాగాలి?

అల్పాహారం తర్వాత లేదా మధ్యాహ్నం ఈ డ్రింక్ తాగాలి. ఇది రుచికరమైన, ఆరోగ్యకరమైన ఎంపిక. ఇందుకోసం మిక్సీలో పుచ్చకాయలు ముక్కలు, అల్లం, నిమ్మరసం, పుదీనా వేసి స్మూతీలా చేసుకోండి. ఆ తర్వాత ఫిల్టర్ చేసి ఈ జ్యూస్‌ని తాగండి.

జీలకర్ర, ధనియాల డీటాక్స్ వాటర్

కావాల్సిన పదార్థాలు

* 1 గ్లాసు నీరు

* 1 స్పూన్ జీలకర్ర

* 1 స్పూన్ ధనియాలు

* 1 నిమ్మకాయ రసం

ప్రయోజనాలు

* జీలకర్ర, ధనియాలు జీర్ణక్రియను మెరుగుపరుస్తాయి. అంతేకాకుండా కడుపు ఉబ్బరాన్ని తగ్గిస్తాయి.

* ఈ డ్రింక్ శరీరం నుండి టాక్సిన్లను, మురికిని తొలగించడం ద్వారా జీవక్రియను పెంచుతుంది.

* ఈ డ్రింక్ నీటి నిలుపుదల సమస్యను తొలగిస్తుంది. బరువు తగ్గడానికి సహాయపడుతుంది.

ఎలా తాగాలి?

జీలకర్ర, ధనియాల్ని రాత్రంతా నీటిలో నానబెట్టండి. ఆ తర్వాత ఉదయం ఈ మిశ్రమాన్ని వడకట్టండి. రుచి కోసం కాస్త నిమ్మరసం కలిపి తాగండి. ఈ డ్రింక్ తాగడం వల్ల జీవక్రియ వేగవంతం అవుతుంది. బరువు తగ్గడం ఈజీ అవుతుంది.