మూడంటే మూడు ఫాలో అయితే బాడీ డీటాక్స్ అవ్వడమే కాదు ఎన్నో ప్రయోజనాలు కూడా

మన చర్మాన్ని ఎప్పటికప్పుడు రోజు క్లీన్ చేస్తుంటాం. దీంతో చర్మ సమస్యలు ఎలాంటివి రావు. హాయిగా ఉంటుంది. అదే విధంగా, బాడీని కూడా లోపల్నుంచి కచ్చితంగా క్లీన్ చేయాలి. దీని వల్ల కూడా బాడీలో వ్యాధికారక క్రిములు, బ్యాక్టీరియా, టాక్సిన్స్ అన్నీ కూడా దూరమవుతాయి. అందుకోసమే రెగ్యులర్‌గా బాడీని డీటాక్స్ చేయడం మంచిది.

నిజానికీ ప్రతిరోజూ బాడీలో ఎన్నో రకాల పనులు జరుగుతాయి. ఇవి జరిగినప్పుడు బాడీలో కొన్ని విషపదార్థాలు ఏర్పడతాయి. అదే విధంగా మనం పొల్యూషన్‌లో తిరగడం, పొగాకు, మద్యం తీసుకోవడం, జంక్ ఫుడ్‌ని జంకులేకుండా తినడం వంటివి చేస్తుంటాం. దీంతో బాడీలో మరిన్నీ టాక్సిన్స్ పెరిగిపోతాయి. వీటన్నింటిని మనం సరిగా క్లీన్ చేయాలి. దీనికోసం అమెరికన్ డాక్టర్ జోష్ యాక్సే 3 బెస్ట్ డ్రింక్స్ సూచించాడు. పైగా ఇవన్నీ కూడా ఇంట్లోనే హ్యాపీగా చేసేసుకుని తాగొచ్చు. వాటి కారణంగా బాడీ డీటాక్స్ అయి వ్యాధికారకాలు బాడీ నుంచి బయటికెళ్లిపోతాయి.

డాక్టర్ ఏమంటున్నారంటే

నిమ్మనీరు

ఇది మనకి తెలిసిన రెగ్యులర్ డ్రింక్. చాలా మంది ఉదయం లేవగానే ఈ డ్రింక్‌ని తాగుతుంటారు కూడా. దీనికోసం లేవగానే కాస్తా గోరువెచ్చని నీటిలో నిమ్మరసం కలిపి తాగండి. దీంతో బాడీ డీటాక్స్ అవుతుంది. బాడీ అవ్వడమే కాదు. స్కిన్ కూడా డీటాక్స్ అయి మెరుస్తుంది.

తిన్న తర్వాత

మనం తీసుకున్న ఆహారం జీర్ణమైన తర్వాత ఎన్నో విషపదార్థాలు ఏర్పడతాయి వాటిని తొలగించడం కూడా చాలా ముఖ్యం. తిన్న 30 నిమిషాల తర్వాత 1 గ్లాసు నీటిలో 1 టీ స్పూన్ ఆపిల్ సైడర్ వెనిగర్ కలిపి తీసుకోండి. దీని వల్ల కూడా బాడీ డీటాక్స్ అవుతుంది.

ఫర్మెంటెడ్ ఫుడ్స్

మన డైట్‌లో ఎక్కువగా పులియబెట్టిన ఫుడ్స్ తీసుకోండి. పులియబెట్టిన ఆహారాలనేవి మన దగ్గర, అమెరికాలో డిఫరెంట్‌గా ఉంటాయి. మీరు మీకు అందుబాటులో ఉండేవి తీసుకోండి. డాక్టర్ చెప్పేది మాత్రం సౌర్ క్రాట్, కిమ్చి, మిసో, కొకనట్ యోగర్ట్ వంటివి తీసుకోవచ్చు. అదే విధంగా, మనకి రెగ్యులర్ దొరికే పెరుగు కూడా తీసుకోవచ్చు. దీని వల్ల కూడా చాలా వరకూ బాడీలోని టాక్సిన్స్ దూరమవుతాయి.

వీటితో పాటు

అదే విధంగా, నీరు ఎక్కువగా తాగాలి. వీటి వల్ల కూడా బాడీలోని టాక్సిన్స్ అన్నీ కూడా బయటికి చెమట, మూత్ర రూపంలో వెళ్లిపోతాయి.

యాంటీ ఆక్సిడెంట్స్ ఎక్కువగా ఉండే పండ్లు, కూరగాయలు, నట్స్, గింజలు ఎక్కువగా తీసుకోవాలి.

హెర్బల్ టీలు కూడా మనకి హెల్ప్ చేస్తాయి. ఇందుకోసం డాండలెన్, గ్రీన్ టీ వంటివి తీసుకోవచ్చు.

అల్లంలో కూడా డీటాక్సీఫైయింగ్ ఏజెంట్ ఉంటుంది. కాబట్టి, దీనిని కూడా తీసుకోవచ్చు. దీని వల్ల కూడా బాడీ డీటాక్స్ అవుతుంది.

బీట్‌రూట్ తీసుకోవడం వల్ల కూడా బ్లడ్ ప్యూరిఫై అవుతుంది. ఈ కారణంగా లివర్ డీటాక్స్ అవుతుంది.