ట్యాబ్లెట్స్ వాడకుండానే హైబీపి కంట్రోల్ చేసుకోండిలా

​బీపి పెరిగితే చాలా సమస్యలొస్తాయి. గుండె వేగం పెరుగుతుంది. గుండెపై ఒత్తిడి పెరిగి గుండె సమస్యలు వచ్చే అవకాశం కూడా ఉంది. ఇది ప్రాణాంతకంగా మారుతుంది. కాబట్టి ఎప్పటికప్పుడు రక్తపోటుని అదుపు చేసుకోవడం మంచిది.

సాధారణంగా ఉప్పు ఎక్కువగా తీసుకోవడం, ఒత్తిడి కారణంగా బ్లడ్ ప్రెజర్ పెరుగుతుంది. మరి ఈ సమస్యని తగ్గించుకోవడానికి కొన్ని జాగ్రత్తలు తీసుకోవాలి. వీటి కారణంగా బీపిని కంట్రోల్ చేయొచ్చొని తెలిసింది.

ఎక్సర్‌సైజ్

​ఏరోబిక్ ఎక్సర్‌సైజెస్ వంటివి చేయాలి. ఇందులో బ్రిస్క్ వాకింగ్, సైక్లింగ్ వంటివి. వాకింగ్ అనేది చాలా మంచిది. దీని వల్ల చాలా సమస్యలు దూరమవుతాయి. రోజుకి కనీసం 30 నిమిషాల పాటు వారంలో కొన్నిరోజులు వర్కౌట్స్ చేస్తే బ్లడ్ ప్రెజర్ తగ్గుతుంది.

బ్యాలెన్స్‌డ్ డైట్

మంచి ఆహారంతో చాలా సమస్యల్ని దూరం చేసుకోవచ్చు. అందుకే, పండ్లు, కూరగాయలు, హోల్ గ్రెయిన్స్, లీన్ ప్రోటీన్ తీసుకోవాలి. సీజనల్ ఫ్రూట్స్ తీసుకోవాలి. అదే విధంగా, ఉప్పు తీసుకోవడాన్ని తగ్గించాలి. శాచ్యురేటెడ్ ఫ్యాట్స్, స్వీట్ డ్రింక్స్ అంటే సోడా, ఫ్రూట్ జ్యూసెస్ తగ్గించాలి. ముఖ్యంగా ఉప్పుని తక్కువ పరిమాణంలో తీసుకోవడం వల్ల షుగర్ లెవల్స్ కంట్రోల్‌లో ఉంటాయి.

పొటాషియం

అదే విధంగా, పొటాషియం ఉండే ఫుడ్స్ ఎక్కువగా తినాలి. అరటిపండ్లు, చిలగడదుపంలు, పాలకూర, టమాటలు ఇలాంటివి ఎక్కువగా తినడం వల్ల బ్లడ్ ప్రెజర్‌ని కంట్రోల్ చేయడానికి హెల్ప్ అవుతుంది.

బరువు మెంటెయిన్ చేయడం

​బరువు ఎక్కువగా ఉన్నా, తక్కువగా ఉన్నా మంచిది కాదు. కాబట్టి, సరిగ్గా మెంటెయిన్ చేయాలి. మన ఎత్తు, వయసుని బట్టి ఎంత బరువు ఉండాలో ఆ ఐడియల్ వెయిట్‌లోనే ఉండాలి. బరువు పెరిగినా, తగ్గినా సమస్య ఉన్నట్లే. కాబట్టి, సరైన బరువు మెంటెయిన్ చేయడం ముఖ్యం. దీనికోసం మంచి పోషకాహారంతో పాటు వర్కౌట్ కూడా కీ రోల్ పోషిస్తుంది.

ఒత్తిడిని తగ్గించుకోవడం

ఒత్తిడిని తగ్గించుకునే ప్రయత్నం చేయాలి. దీర్ఘ శ్వాసలు తీసుకోవాలి. మెడిటేషన్, యోగా, స్ట్రెస్ లెవల్స్‌ని తగ్గించేందుకు హెల్ప్ చేస్తాయి. రెగ్యులర్‌గా ప్రాక్టీస్ చేస్తే ఒత్తిడి చాలా వరకూ తగ్గుతుంది. పైగా అదనపు లాభం ఏంటంటే నిద్రకూడా హాయిగా పడుతుంది. రెగ్యులర్‌గా మెడిటేషన్ చేస్తే రక్తనాళాలు రిలాక్స్ అవ్వడమే కాకుండా, వేగంగా గుండె కొట్టుకోవడం కంట్రోల్ అవుతుంది.

మంచినిద్ర

నిద్రలేకపోవడం వల్ల హైపర్ టెన్షన్ పెరిగే ఛాన్స్ ఎక్కువగా ఉంది. కాబట్టి, మంచి నిద్ర అనేది చాలా ముఖ్యం. రోజుకి 7 నుంచి 9 గంటల నిద్ర అవసరం. రోజుకి ఒకేటైమ్‌కి పడుకోవడం లేవడం, మంచి ప్రశాంతమైన ప్లేస్‌లో పడుకోవడం, రోజు మొత్తంలో తక్కువగా నిద్రపోవడం చేస్తే రాత్రుళ్లు మంచి నిద్ర మీ సొంతమవుతుంది.

కొలెస్ట్రాల్, బ్లడ్‌షుగర్ కంట్రోల్ చేయడం

రక్తంలో ఎక్కువగా షుగర్ ఉన్నా, కొలెస్ట్రాల్ పెరిగినా గుండె సమస్యలతో పాటు, బీపి పెరుగుతుంది. కాబట్టి, కొలెస్ట్రాల్‌ని తగ్గించుకోండి. మంచి హెల్దీ లైఫ్‌స్టైల్ ఫాలో అవ్వండి. బరువు తగ్గండి. దీని వల్ల చాలా వరకూ బాడీలో కొలెస్ట్రాల్ తగ్గడమే కాకుండా బ్లడ్ షుగర్ కూడా తగ్గుతుంది. ​గమనిక :ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి. తెలుగు సమయం ఈ విషయాల్ని ధృవీకరించడం లేదు. ఖచ్చితత్వం, ప్రభావానికి తెలుగు సమయం బాధ్యత వహించదు​.​​​​​​​​​​​​