మఖానా ఎట్టి పరిస్థితుల్లో వీరు తినకూడదు

ఎన్నో ఆరోగ్య ప్రయోజనాలున్నప్పటికీ కొందరు మాత్రం మఖానా తినకూడదంటున్నారు నిపుణులు. వారెవరో ఇక్కడ తెలుసుకుందాం.

పొరపాటున కూడా కొందరు మఖానా ఎట్టి పరిస్థితుల్లో తినకూడదు, ఎవరు దూరంగా ఉండాలో తెలుసా?

​మఖానాను ఫాక్స్ నట్స్ లేదా లోటస్ సీడ్స్ అని పిలుస్తారు. ఇది ఒక పోషకమైన, తక్కువ కేలరీల చిరుతిండి. బరువు తగ్గడానికి ఇది బెస్ట్ ఆప్షన్. మఖానాలో కేలరీలు తక్కువగా ఉంటాయి. కానీ ఫైబర్, ప్రోటీన్, యాంటీఆక్సిడెంట్లు పుష్కలంగా ఉంటాయి. అంతేకాకుండా మెగ్నిషియం, పొటాషియం వంటి అవసరమైన పోషకాలు కూడా ఉన్నాయి. ఇవన్నీ రోగనిరోధక శక్తిని పెంచుతాయి. అందుకే దీన్ని సూపర్ ఫుడ్ అంటారు. మఖానాలో కేలరీల పరిణామం తక్కువగా ఉంటుంది. అయితే, ఎన్నో ఆరోగ్య ప్రయోజనాలున్నప్పటికీ కొందరు మాత్రం మఖానా తినకూడదంటున్నారు నిపుణులు. వారెవరో ఇక్కడ తెలుసుకుందాం.

మఖానాతో ఆరోగ్య ప్రయోజనాలు

* తక్కువ కేలరీలు - 100 గ్రాముల మఖానాలో దాదాపు 350 కేలరీలు ఉంటాయి. బరువు తగ్గాలని ప్రయత్నిస్తున్న వారికి ఇది మంచి ఎంపిక.

* అధిక ఫైబర్ - మఖానాలో ఫైబర్ అధికంగా ఉంటుంది. ఇది జీర్ణక్రియకు సాయపడుతుంది. మఖానా తినడం వల్ల ఎక్కువసేపు కడుపు నిండిన అనుభూతి కలుగుతుంది. దీనివల్ల అదనపు కేలరీల తీసుకోవడం తగ్గుతుంది.

* ప్రోటీన్ అధికంగా ఉంటుంది - మఖానాలో మంచి మొత్తంలో ప్రోటీన్ కూడా ఉంటుంది. ఇది కండరాలను నిర్మించడంలో, జీవక్రియను పెంచడంలో సాయపడుతుంది.

* గ్లూటెన్-రహిత, తక్కువ గ్లైసెమిక్ ఇండెక్స్ - మఖానా గ్లూటెన్-రహిత, తక్కువ గ్లైసెమిక్ ఇండెక్స్‌ను కలిగి ఉంటుంది. ఇది రక్తంలో చక్కెర స్థాయిలను అదుపులో ఉంచుతుంది. అయితే, కొందరు మాత్రం ఎట్టి పరిస్థితుల్లో తినకూడదు.

గ్యాస్ట్రిక్ సమస్య

ఈ రోజుల్లో చాలా మంది గ్యాస్ట్రిక్ సమస్యలతో బాధపడుతున్నారు. అలాంటి మఖానాకు దూరంగా ఉండటమే మేలు అంటున్నారు నిపుణులు. మఖానాలో అధిక మొత్తంలో ఫైబర్, ప్రోటీన్ ఉంటాయి. దీని కారణంగా జీర్ణం కావడానికి ఎక్కువ సమయం పడుతుంది. ఇలాంటి వారు మఖానా తినడం వల్ల సమస్యలు ఎక్కువ అవుతాయి. గ్యాస్ట్రిక్ సమస్యలతో పాటు కడుపులో వికారం, కడుపు నొప్పి, వాంతులు అయ్యే అవకాశం ఉందని నిపుణులు హెచ్చరిస్తున్నారు.

కిడ్నీలో రాళ్లు

కిడ్నీలో రాళ్ల సమస్యతో బాధపడేవారు మఖానాకు దూరంగా ఉండాలి. లేదంటే తక్కువ మోతాదులో మాత్రమే తీసుకోవాలి. ఎందుకంటే మఖానాలో కాల్షియం ఎక్కువగా ఉంటుంది. దీన్ని అధికంగా తీసుకోవడం వల్ల శరీరంలో కాల్షియం పరిమాణం పెరుగుతుంది. దీంతో కిడ్నీ రాళ్ల సమస్య తీవ్రమయ్యే అవకాశం ఉంది. అంతేకాకుండా కిడ్నీలో రాయి పరిమాణం కూడా పెరుగుతుంది.

విరేచనాలు

మఖానాలో ఉండే ఫైబర్ విరేచనాలతో బాధపడేవారికి మంచిది కాదు. నిజానికి, మఖానాలో ఉండే ఫైబర్ పేగు కదిలికల్ని మెరుగుపరుస్తుంది. ఇలాంటి పరిస్థితుల్లో మలబద్ధకంతో బాధపడేవారికి మఖానాను తినమని సలహా ఇస్తాయి. అయితే, ఇప్పటికే విరేచనాలతో బాధపడుతుంటే మఖానా తినకూడదు. ఇది మీ సమస్యను మరింత పెంచుతుంది.

లెర్జీ సమస్యలు

చర్మ సంబంధిత అలెర్జీలు, శ్వాసకోస అలెర్జీలతో బాధపడవారు మఖానాను అధికంగా తీసుకోకూడదు. మఖానాలో స్టార్చ్ ఉండటం వల్ల అలెర్జీ సమస్యలతో బాధపడేవారికి ఇవి పడవు. వీటిని ఎక్కువగా తినడం వల్ల చర్మంపై ఎరుపు, దద్దర్లు, దురద, శ్వాస తీసుకోవడంలో ఇబ్బందులు తలెత్తవచ్చు. అందుకే ఇలాంటి వారు మఖానాకు దూరంగా ఉండాలని నిపుణులు చెబుతున్నారు.

వీరు కూడా జాగ్రత్త

* ఏదైనా వ్యాధులతో బాధపడుతూ మెడిసిన్ తీసుకునేవారు డాక్టర్‌ని సంప్రదించి మఖానా తీసుకోవడం మంచిది. ఎందుకంటే మఖానా మందులతో రియాక్షన్ జరిపే అవకాశం ఉంది.

* జలుబు, దగ్గుతో బాధపడేవారు కూడా మఖానాకు దూరంగా ఉండటమే మేలు. వీటిని తింటే మీ సమస్యలు ఎక్కువయ్యే ఛాన్స్ ఉంది.

* గర్భిణీ స్త్రీలు మఖానా తినకుండా ఉండాలి. మఖానా తినడం వల్ల మీ పుట్టబోయే బిడ్డకు హాని కలిగించవచ్చు. మఖానా తినే ముందు వైద్యుణ్ని సంప్రదించి తగిన సలహా తీసుకోవడం ముఖ్యం.