బెడ్ షేర్ చేసుకుంటూ డబ్బులు సంపాదిస్తున్న మహిళ

ఆస్ట్రేలియాకు చెందిన ఓ మహిళ.. డబ్బులు సంపాదించేందుకు ఎంచుకున్న రూట్ గురించి వింటే అంతా ముక్కున వేలేసుకుంటారు. ఎందుకంటే ఆమె ఎలాంటి పనిచేయకుండానే నెలకు భారీగా సంపాదనను ఆర్జిస్తోంది. రాత్రి పూట తాను పడుకునే బెడ్‌పై మరొకరిని పడుకోబెట్టుకుని.. వారి నుంచి డబ్బులు వసూలు చేస్తోంది. ఇలా నెలకు దాదాపు రూ.54 వేలు సంపాదిస్తోంది. ఆమెనే క్వీన్స్‌లాండ్‌కు చెందిన 38 ఏళ్ల మోనిక్ జెరేమియా. ఈమె తన బెడ్రూమ్‌లోని బెడ్‌పై తన పక్కన గుర్తు తెలియని వ్యక్తులను పడుకునేందుకు అవకాశం కల్పించి.. వారి వద్ద నుంచి డబ్బులు తీసుకుంటోంది.

ఇలా తెలియని వ్యక్తులతో బెడ్ షేర్ చేసుకునే విధానాన్ని హాట్ బెడ్డింగ్ అంటారు. అంటే ఒకే బెడ్‌‌ను ఇద్దరు తెలియని వ్యక్తులు పంచుకుని పడుకోవడం అన్నమాట. దీని వల్ల మోనిక్ జెరేమియా.. నెలకు 985 ఆస్ట్రేలియన్ డాలర్లు అంటే మన భారత కరెన్సీలో సుమారు రూ.54 వేలు సంపాదిస్తోంది. అయితే ఇలా ఇద్దరు వ్యక్తులు ఒకే బెడ్‌పై పడుకున్నప్పటికీ.. వారిద్దరి మధ్య ఎలాంటి ఎమోషనల్ రిలేషన్ లేకుండా కేవలం ఒకరిపై మరొకరు గౌరవంతో నిద్రించే విధానమే ఈ హాట్ బెడ్డింగ్.

కరోనా మహమ్మారి సంభవించిన 2020లో మోనిక్ జెరేమియా చేసే బిజినెస్ మూతపడింది. దీంతో ఆమె సంపాదన కోసం ఏం చేయాలా అని ఆలోచిస్తూ.. ఈ హాట్ బెడ్డింగ్ అనే సరికొత్త మార్గాన్ని ఎంచుకుంది. అయితే తనకు ఆలోచన వచ్చిన వెంటనే.. తన మాజీ బాయ్‌ఫ్రెండ్‌ను సంప్రదించి.. మొదట అతనితోనే ఈ హాట్ బెడ్డింగ్‌ను ప్రారంభించారు. ఇక ఇప్పటికే మోనిక్ జెరేమియా.. తన బాయ్‌ఫ్రెండ్‌తో 2 సార్లు ఈ హాట్ బెడ్డింగ్ చేయగా.. త్వరలోనే మరోసారి కొనసాగించనున్నట్లు తెలుస్తోంది.

అయితే ఈ హాట్ బెడ్డింగ్‌ను మోనిక్ జెరేమియా ఒక బిజినెస్‌గానే భావిస్తున్నారు. ఈ హాట్ బెడ్డింగ్‌లో ఇద్దరు వ్యక్తులు పరస్పరం గౌరవంతో, క్లియర్‌గా రూల్స్ పాటిస్తూ.. ఒకే బెడ్‌పై నిద్రిస్తారు. సాపియో సెక్సువల్ వ్యక్తులకు ఈ హాట్ బెడ్డింగ్ బాగుంటుందని ఆమె తెలిపింది. సాపియో సెక్సువల్ అంటే ఎమోషనల్ రిలేషన్ కంటే మెచ్యూరిటీ రిలేషన్‌కు ప్రాధాన్యతను ఇచ్చే వ్యక్తులు. ఇక ప్రస్తుతం.. ఆస్ట్రేలియాలో కాస్ట్ ఆఫ్ లివింగ్ పెరుగుతున్న నేపథ్యంలో తన హాట్ బెడ్డింగ్ రేటును పెంచాలని మోనిక్ జెరేమియా భావిస్తోంది.