ఆవాల నూనెలో కొన్ని పదార్థాలు మరిగించి రాయండి, తెల్ల జుట్టు కాస్తా

వెంట్రుకలు నల్లబడటానికి హెన్నా వాడకం శాశ్వత పరిష్కారం కానప్పటికీ, జుట్టు యొక్క తెల్లదనాన్ని కొంతకాలం దాస్తుంది. అయితే, మనలో చాలా మంది హెన్నా వేసి వేసి విసిగి చెంది ఉంటారు. అలాంటప్పుడు జుట్టును నల్లగా మార్చడానికి కొన్ని ఇంటి చిట్కాలు ఫాలో అవ్వచ్చు.

ప్రస్తుత జనరేషన్‌లో జుట్టు చిన్న వయసులోనే నెరిసిపోవడం, రాలిపోవడం పెద్ద సమస్యగా మారింది. తెల్ల జుట్టు గురించి ప్రత్యేకంగా చెప్పాల్సిన పనిలేదు. సాధారణంగా తెల్ల జుట్టు వృద్ధాప్యానికి సంకేతం. కానీ, చాలా మంది చిన్న వయసులోనే ఈ సమస్యతో బాధపడుతున్నారు. ముప్పై ఏళ్లు నిండక ముందే తలంతా తెల్ల వెంట్రుకలతో కనిపించే వారు చాలా మంది ఉన్నారు. కొందరు ఈ సమస్య గురించి అంతక పట్టించుకోరు. మరికొందరు మాత్రం సీరియస్‌గా ఉంటారు. హెన్నా, హెయిర్ డై, మార్కెట్‌లో దొరికే వివిధ ప్రొడక్ట్స్‌ వాడి తెల్ల జుట్టు కాస్తా నల్లగా మార్చుకుంటున్నారు.

వెంట్రుకలు నల్లబడటానికి హెన్నా వాడకం శాశ్వత పరిష్కారం కానప్పటికీ, జుట్టు యొక్క తెల్లదనాన్ని కొంతకాలం దాస్తుంది. అయితే, మనలో చాలా మంది హెన్నా వేసి వేసి విసిగి చెంది ఉంటారు. అలాంటప్పుడు జుట్టును నల్లగా మార్చడానికి కొన్ని ఇంటి చిట్కాలు ఫాలో అవ్వచ్చు. అలాంటి చిట్కా గురించే ఇప్పుడు చెప్పుకుందాం. ఆవనూనెలో కొన్ని పదార్థాలు కలిపి జుట్టుకు అప్లై చేయడం హెయిర్ ఫాల్ సమస్యకు చెక్ పెట్టడంతో పాటు తెల్ల జుట్టును నల్లగా మార్చుకోవచ్చు. ఆ నూనెను ఎలా తయారుచేసుకోవాలో తెలుసుకుందాం.

ముందుగా కావాల్సిన పదార్థాలు

* ఆవాల నూనె - ఒక కప్పు

* అలోవెరా జెల్ - రెండు టీ స్పూన్లు

* సన్నగా తరిగిన ఉల్లిపాయ - ఒకటి

* కరివేపాకు - 10 -15 ఆకులు..

* ఉసిరి పొడి - ఒక టీ స్పూన్

* నల్ల నువ్వులు - ఒక టీ స్పూన్

* మెంతులు - ఒక టీ స్పూన్

తయారీ విధానం

* ముందుగా పాన్ లేదా బాణలిలో ఆవాల నూనె వేసి తక్కువ మంట మీద వేడి చేయండి.

* ఇప్పుడు ఆ నూనెలో కరివేపాకు, ఉల్లిపాయ వేయాలి. ఉల్లిపాయ లైట్ గోల్డెన్ కలర్‌లోకి వచ్చే వరకు వాటి ఫ్రై చేయాలి.

* ఆ తర్వాత కలబంద జెల్ వేసి.. ఉసిరి పొడి, నల్ల నువ్వులు, మెంతులు యాడ్ చేయండి.

* ఈ మొత్తం మిశ్రమాన్ని తక్కువ మంట మీద 10 నుంచి 15 నిమిషాలు ఉడికించాలి. మాడిపోకుండా బాగా మిక్స్ చేస్తూ ఉండాలి.

* ఆ తర్వాత స్టౌ ఆప్ చేసి కాసేపు నూనె చల్లారనివ్వాలి.

* నూనె చల్లారిన తర్వాత దానిని ఫిల్టర్ చేసి సీసాలో నింపాలి.

ఆయుర్వేద నూనెతో ప్రయోజనాలు

* తెల్ల జుట్టు నల్లగా : కరివేపాకు, ఉసిరి పొడి సహజమైన హెయిర్ డైలా పనిచేస్తాయి. ఇవి జుట్టును నల్లగా ఉంచడంలో సహాయపడతాయి.

* జుట్టు రాలడం తగ్గుతుంది : ఉల్లిపాయలో ఉండే సల్ఫర్, మెంతుల్లో ఉండే ప్రోటీన్లు జుట్టు మూలాలను బలోపేతం చేస్తాయి. దీంతో జుట్టు రాలడం తగ్గుతుంది.

* ఒత్తైన, మెరిసే జుట్టు: కలబంద, నల్ల నువ్వులు జుట్టును ఒత్తుగా, మెరిసేలా చేసే పోషకాల్ని కలిగి ఉంటాయి.

* శిరోజాలకు పోషణ: ఈ నూనెను రెగ్యులర్ గా ఉపయోగించడం వల్ల తలలో రక్త ప్రసరణ పెరుగుతుంది. జుట్టు బాగా పెరుగుతుంది.

వాడే పద్ధతి

* ఈ నూనె వాడే సమయంలో కొద్ది వేడి చేసి జుట్టు మూలాలకు బాగా అప్లై చేయండి. ఆ తర్వాత నెమ్మదిగా మసాజ్ చేయండి.

* ఆ తర్వాత రాత్రంతా ఇలాగే ఉంచండి. పగటి పూట అప్లై చేస్తే మూడు నుంచి నాలుగు గంటలు అలాగే ఉంచండి.

* ఆ తర్వాత తేలికపాటి షాంపూతో తలస్నానం చేయండి.

* ఈ నూనెను వారానికి రెండు నుంచి మూడు సార్లు వాడితే మంచి ఫలితాలుంటాయి.

ప్యాచ్ టెస్ట్ ముఖ్యం

నూనె తయారీలో ఉపయోగించే ఏదైనా పదార్థం మీకు పడకపోవచ్చు లేదా అలెర్జీకి కారణమవచ్చు. దీంతో అలెర్జీ సమస్యలు వచ్చే అవకాశం ఉంది. కాబట్టి ముందుగా ప్యాచ్ టెస్ట్ చేయండి. సహజ నివారణల ప్రభావం క్రమంగా ఉంటుంది. అందుకే ఈ నూనెను రెగ్యులర్‌గా వాడితే మంచి ఫలితాలు ఉంటాయి. ఈ హోం రెమిడీతో తెల్ల జుట్టు సమస్య తగ్గడంతో పాటు హెయిర్ ఫాల్ కూడా తగ్గుతుంది. ఈ రెమిడీతో పాటు సమతుల్య ఆహారం, హెల్తీ లైఫ్ స్టైల్‌ని కూడా ఫాలో అవ్వాలి. అప్పుడే చాలా కాలం పాటు జుట్టు ఆరోగ్యంగా ఉంటుంది.