ఖరీదైన టూత్‌పేస్ట్ అవసరం లేదు,,,పచ్చగా మారిన దంతాలను తెల్లగా మార్చొచ్చు,

ఎవరి ముఖంలోనైనా నవ్వే అందం. ఆ చిరునవ్వు అందంగా ఉండాలంటే దంతాలు అందంగా, తెల్లగా ఉండాలి. కానీ, చాలా మందివి తెల్లగా కాకుండా పసుపు రంగుల్లో ఉండి ఇబ్బందిగా ఉంటాయి. అలా కాకుండా తెల్లగా మారాలంటే ఏం చేయాలో తెలుసుకోండి.

రెండంటే రెండే పదార్థాలతో పచ్చగా మారిన దంతాలను తెల్లగా మార్చొచ్చు, ఖరీదైన టూత్‌పేస్ట్ అవసరం లేదు

చక్కని చిరునవ్వు ఎదుటివారిని ఆకర్శిస్తుంది. మనం ఎలా ఉన్నా చక్కగా నవ్వితే అందంగా కనిపిస్తాం. ఇక నవ్వినప్పుడు పళ్ళు తెల్లగా కాకుండా పసుపు రంగులో కనిపిస్తే చూడ్డానికి బాగోదు. మన సెల్ఫ్ కాన్ఫిడెన్స్ కూడా తగ్గుతుంది. అందుకే, చాలా మంది కాస్ల్టీ టూత్‌పేస్ట్‌లు, ట్రీట్‌మెంట్స్‌కి వెళ్తారు. అలా కాకుండా ఇంట్లోనే కొన్ని ఈజీ మెథడ్స్‌తో దంతాలపై ఉండే పచ్చదనాన్ని తగ్గించి తెల్లగా 

కావాల్సిన పదార్థాలు

బేకింగ్ సోడా

2 % గ్రేడ్ హైడ్రోజన్ పెరాక్సైడ్

కేవలం ఈ రెండు పదార్థాలతోనే దంతాలను తెల్లగా మార్చొచ్చు.

ఎలా వాడాలి?

ఓ గిన్నెలో కాస్తా బేకింగ్ సోడాని తీసుకోవాలి.

ఇందులోనే హైడ్రోజన్ పెరాక్సైడ్ కొద్దిగా వేసి పేస్టులా చేయండి.

దీనిని టూత్‌బ్రష్‌తో దంతాలపై 2 నిమిషాలు రుద్దండి.

తర్వాత పేస్ట్ మొత్తం తొలగిపోయేలా క్లీన్ చేయండి.

దీనిని వారానికి 2 సార్లైనా చేయండి.

రెగ్యులర్‌గా చేస్తే దంతాలు బలహీనపడతాయి.

ఎలా పనిచేస్తుంది

బేకింగ్ సోడా నోటిలోని యాసిడ్స్‌ని బ్యాలెన్స్ చేస్తుంది. హైడ్రోజన్ పెరాక్సైడ్ దంతాలను తెల్లగా మారుస్తుంది. బేకింగ్ సోడా బరకగా ఉండడం వల్ల పళ్ళు ఈజీగా క్లీన్ అవుతాయి. దీంతో దంతాలపై ఉన్న మరకలు పోయి తెల్లగా కనిపిస్తాయి.

వాడే ముందు

ఈ టిప్ దంతాలను తెల్లగా మార్చినప్పటికీ ఇందులో కలిపే హైడ్రోజన్ పెరాక్సైడ్ 2% కంటే ఎక్కువగా తీసుకుంటే దంతాలపై పొరని దెబ్బతీస్తుంది. అదే విధంగా, తయారుచేసిన పేస్టుతో ఎక్కువసేపు పళ్ళు తోమొద్దు.

బేకింగ్ సోడాతోనే

అదే విధంగా, పళ్ళు తెల్లగా మారేందుకు కేవలం బేకింగ్ సోడాని మాత్రమే వాడొచ్చు కూడా. దీనికోసం ఓ గిన్నెలో బేకింగ్ సోడా తీసుకుని అందులో కొద్దిగా నీరు కలిపి పేస్టులా చేయాలి. దాంతో పళ్ళు తోమాలి. వారానికి రెండు సార్లు తోమితే దంతాలు తెల్లగా మారతాయి.