పూల్ మఖానాని పాలలో నానబెట్టి తింటే

ఎండాకాలంలో బాడీని చల్లబరిచే ఫుడ్స్ తీసుకోవడం చాలా ముఖ్యం. అలాంటి వాటిలో మఖానా గింజలు కూడా ఉన్నాయి. వీటిని తీసుకోవడం వల్ల ఎండాకాలంలో శరీర ఉష్ణోగ్రతని తగ్గి శరీరానికి చల్లదనం అందుతుంది. ఇందులోని పోషకాల విషయానికొస్తే మెగ్నీషియం, పొటాషియం, ఫైబర్‌లు ఉన్నాయి. ఇవన్నీ కూడా ఆరోగ్యానికి చాలా మంచిది. అయితే, అలానే నేరుగా కాకుండా పాలలో నానబెట్టి తింటే పాలలోని ప్రోటీన్, కాల్షియం, మఖానాలోని ఫైబర్‌తో కలిసి సూపర్‌ఫుడ్‌గా మారుతుంది. దీనిని తీసుకోవడం వల్ల జీర్ణ వ్యవస్థ మెరుగ్గా మారుతుంది. దీని వల్ల బాడీ ఎనర్జీగా కూడా ఉంటుంది.

మఖానాని ఎలా తింటారంటే

మఖానాని కాస్తా డ్రై రోస్ట్ చేసి చివర్లో కొద్దిగా నూనె ఉప్పు, కారం చల్లి తింటారు. ఇవి మంచి స్నాక్ ఐటెమ్. అయితే, వీటిలోని పోషకాలను డబుల్ చేయాలంటే మాత్రం పాలలో నానబెట్టి తినడం మంచిది. అప్పుడే శరీరానికి అన్నీ పోషకాలు అందుతాయి. దీని వల్ల ఆరోగ్యంతో పాటు చర్మానికి కూడా లాభాలు ఉన్నాయి.

బ్లడ్ షుగర్

కొన్ని అధ్యయనాల ప్రకారం మఖానా బ్లడ్ షుగర్ లెవల్స్‌ని సరి చేస్తుంది. దీని వల్ల గుండె ఆరోగ్యం కూడా మెరుగ్గా మారుతుందని చెబుతున్నారు. అంతేకాదు, ఇందులోని యాంటీ ఆక్సిడెంట్స్ బాడీలోని ఆక్సిడెటీవ్ స్ట్రెస్‌ని తగ్గించి ఒత్తిడిని దూరం చేస్తాయి. దీని వల్ల గుండెపై అదనపు భారం కూడా తగ్గుతుంది.

బరువు తగ్గడం

ఈ రెండింటిలో ప్రోటీన్, ఫైబర్‌లు ఉంటాయి. ఇవి శరీరానికి అందడంతో కడుపు నిండిన ఫీలింగ్ వస్తుంది. దీంతో జంక్ ఫుడ్, ఇతర ఫుడ్స్‌ని తక్కువగా తింటారు. ఈ కారణంగా బరువు కూడా తగ్గుతారు. ​

జీర్ణక్రియకి

ఇందులో ఫైబర్ ఎక్కువగా ఉంటుంది. కాబట్టి, జీర్ణక్రియలో హెల్ప్ చేస్తుంది. వీటిని తీసుకోవడం వల్ల మలబద్ధకం, అజీర్ణం వంటి సమస్యలు తగ్గుతాయి. ముఖ్యంగా కడుపుకి సంబంధించిన ఆరోగ్య సమస్యలు దూరమవుతాయి. దీంతోపాటు, పాలలో నానబెట్టి మఖానా తినడం వల్ల బాడీకఅ అదనపు శక్తి అందుతుంది. అంతేకాకుండా రోజంతా యాక్టివ్‌గా ఉంటారు. అలసట తగ్గుతుంది. రెగ్యులర్‌గా తింటే తేడా మీకే తెలుస్తుంది.

ఎముకల ఆరోగ్యం

మఖానాని పాలలో నానబెట్టి తినడం వల్ల కాల్షియం అందుతుంది. నిజానికీ, పాలు, మఖానా రెండింటిలోనూ కాల్షియం ఎక్కువగా ఉంటుంది. వీటిని కలిపి తినడం వల్ల ఎముకలకి కాల్షియం అంది ఎముకలు బలంగా మారతాయి. వృద్ధాప్యంలో వచ్చే ఎముకల సమస్యల్ని దూరం చేయడంలో ఈ పూల్ మఖానా పాలు రెసిపీ హెల్ప్ చేస్తుంది.

నిద్ర సమస్యలు

పచ్చిపాలలో నానబెట్టిన మఖానా తింటే నిద్ర నాణ్యత పెరుగుతుంది. కారణ మఖానా, పాలలో మెగ్నీషియం, కాల్షియంలు ఉంటాయి. ఇవి రెండు కూడా బాడీని సడలించి ఒత్తిడిని తగ్గిస్తాయి. వీటిని తీసుకోవడం వల్ల ఎక్కువగా నిద్రపోవడానికి హెల్ప్ అవుతుంది.

చర్మ ఆరోగ్యానికి

మఖానాని పాలలో నానబెట్టి తింటే యాంటీ ఆక్సిడెంట్స్ పుష్కలంగా అందుతాయి. చర్మానికి దీంతో చర్మం యవ్వనంగా కాంతివంతంగా మారుతుంది. వృద్ధాప్య లక్షణాలు దూరమవుతాయి కూడా.