ఒక్కసారిగా బీపీ తగ్గి కళ్లు తిరుగుతున్నాయా, ఈ చిట్కాలతో నార్మల్

హైబీపీ ఎంత ప్రమాదకరమో..ఈ లో బీపీ కూడా ప్రమాదకరమే. కొంత మందికి ఏదో పనిలో ఉన్నప్పుడు కూడా సడెన్ గా ఇలాంటి సింప్టమ్స్ కనిపిస్తాయి. ఆ సమయంలో ఏం చేయాలో అర్థం కాక ఇంకా ప్యానిక్ అయిపోతుంటారు. కానీ..కొన్ని టిప్స్ ఫాలో అయితే చాలా త్వరగా ఈ కండీషన్ నుంచి బయటపడొచ్చు అని చెబుతున్నారు యోగా ట్రైనర్.

ఉన్నట్టుండి కళ్లు తిరుగుతాయి. ఒళ్లంతా చెమటలు పట్టేస్తాయి. కాసేపు కూడా నిలబడలేరు. వెంటనే ఎక్కడో అక్కడ కూర్చోకపోతే కింద పడిపోయే ప్రమాదమూ ఉంటుంది. ఇవన్నీ లో బీపీ లక్షణాలే. శరీరంలో సాల్ట్ లెవెల్ సడెన్ గా పడిపోయినట్టు ఇలా జరుగుతుంటుంది. హైబీపీ ఎంత ప్రమాదకరమో..ఈ లో బీపీ కూడా ప్రమాదకరమే. చాలా మంది యూరిన్ పాస్ చేసినప్పుడు ఇలాంటి లక్షణాలే కనిపిస్తాయి. శరీరంలో ఉన్న సోడియం అంతా ఒక్కసారిగా యూరిన్ ద్వారా బయటకు వెళ్లినప్పుడు కళ్లు తిరుగుతాయి.

కేవలం అప్పుడే కాదు. కొంత మందికి ఏదో పనిలో ఉన్నప్పుడు కూడా సడెన్ గా ఇలాంటి సింప్టమ్స్ కనిపిస్తాయి. ఆ సమయంలో ఏం చేయాలో అర్థం కాక ఇంకా ప్యానిక్ అయిపోతుంటారు. కానీ..కొన్ని టిప్స్ ఫాలో అయితే చాలా త్వరగా ఈ కండీషన్ నుంచి బయటపడొచ్చు అని చెబుతున్నారు యోగా ట్రైనర్. ఇన్ స్టాగ్రామ్ లో ఇందుకు సంబంధించిన ఓ వీడియో పోస్ట్ చేశారు. చిన్న చిన్న చిట్కాలతోనే గిడ్డీనెస్ ని తగ్గించుకోవచ్చు. ఆ చిట్కాలేంటో చూద్దాం.

సడెన్ గా కళ్లు తిరిగితే 

మీరేదో ట్రావెల్ లో ఉన్నారనుకుందాం. లేదా ఆఫీస్ లో ఏదో మీటింగ్ లో ఉన్నారనుకుందాం. లోబీపీ ఉన్న వాళ్లకి సడెన్ గా కళ్లు తిరిగినట్టుగా అనిపిస్తాయి. చెమటలు పట్టేస్తాయి. ఆ సమయంలో చుట్టూ ఉన్న వాళ్లు కూడా ప్యానిక్ అయిపోతారు. కానీ..అలా ఆందోళనకు గురయ్యే బదులు వెంటనే కొన్ని పనులు చేయాలని చెబుతున్నారు యోగా ట్రైనర్. ఇలా కళ్లు తిరిగినప్పుడు వెంటనే ఓ చోట ప్రశాంతంగా కూర్చోవాలి. ఇంకే పని చేయకుండా రిలాక్స్ అవ్వాలి. ముఖ్యంగా ఫోన్ చూడడం మానేయాలి. పూర్తిగా బాడీకి రెస్ట్ ఇచ్చేయాలి. అలా వెంటనే కూర్చోవడం వల్ల కిందపడిపోయే ముప్పు తప్పుతుంది. కొంత వరకూ బాడీ కంట్రోల్ లోకి వచ్చేస్తుంది.

తరవాత ఏం చేయాలి

కూర్చున్నప్పుడు మీ పొజిషన్ ఎలా ఉందన్నదీ గమనించాలి. కూర్చున్నాక తలను కాస్త దించాలి. ఇలా చేయడం వల్ల కళ్లు తిరగడం తగ్గుతుంది. ఆ తరవాత కనీసం మూడు సార్లు డీప్ బ్రీత్ తీసుకోవాలి. అంటే గట్టిగా శ్వాస పీల్చి వదిలేయాలి. కంటిన్యుయస్ గా మూడు నాలుగు సార్లు చేస్తే కొంత రిలాక్స్ అవుతారు. డిజ్జీనెస్ కొంచెం తగ్గిన తరవాత మళ్లీ వెంటనే లేచి నడవకూడదు. ఇలా చేస్తే మళ్లీ కళ్లు తిరిగే అవకాశముంది. రిలాక్స్ అయిన తరవాత కొన్ని నీళ్లు తాగాలి. ఈ కారణంగా బాడీ కాస్త హైడ్రేట్ అవుతుంది. మరీ ఎక్కువగా కాకుండా కొంచెం తాగి పక్కన పెట్టాలి.

ఇలా చేస్తే తగ్గుతుంది 

నీళ్లు తాగిన తరవాత మళ్లీ కాసేపు రిలాక్స్ అవ్వాలి. అప్పుడు అరచేతి మధ్యలో ఉండే నరాన్ని ప్రెస్ చేయాలి. ఇలా చేయడం వల్ల ఆ నరం యాక్టివ్ అవుతుంది. కనీసం నాలుగు నుంచి ఐదు నిముషాల పాటు ఇలాగే చేయాలి. ఇదే సమయంలో స్లో బ్రీతింగ్ తీసుకోవాలి. ఓ పది నిముషాల పాటు ఇలా చేస్తే నెమ్మదిగా బాడీ రిలాక్స్ అయిపోతుంది. చెమటలు తగ్గిపోతాయి. కళ్లు తిరగడమూ తగ్గుతుంది. కాసేపట్లోనే మళ్లీ నార్మల్ అయిపోతారు. ఇలా తరచూ జరిగితే మాత్రం డాక్టర్ ని కన్సల్ట్ అవడం మంచిది. అయితే..ఈ జాగ్రత్తలతో పాటు ఆహారంలోనూ కొన్ని మార్పులు చేసుకుంటే లో బీపీ సమస్య క్రమంగా తగ్గుతుంది.

విటమిన్స్ చెక్ చేసుకోండి

బ్లడ్ ప్రెజర్ బాగా తగ్గిపోడానికి ప్రధాన కారణం..శరీరానికి సరైన పోషకాలు అందకపోవడం. ముఖ్యంగా బి 12, డి విటమిన్లు తక్కువగా ఉన్నప్పుడు ఇలా జరుగుతుంది. దీంతో పాటు ఐరన్, మెగ్నీషియం కూడా తక్కువగా ఉంటే లో బీపీ వస్తుంది. శరీరానికి అవసరమైన విటమిన్లు అందితే కళ్లు తిరగడం తగ్గుతుంది. అయితే..కొన్ని సార్లు నిద్రలేమి వల్ల కూడా ఇలా జరుగుతూ ఉంటుంది. రెండు మూడు రోజుల పాటు సరిగ్గా నిద్రపోకుండా ఉంటే వెంటనే రియాక్షన్ వచ్చేస్తుంది.

ఇంకేం చేయాలంటే

లో బీపీ సింప్టమ్స్ మీలో కనిపించినప్పుడు బెడ్ పై నుంచి కంగారు పడి ఒకేసారి లేవకూడదు. ముందుగా లేచి కాసేపు బెడ్ పై కూర్చోవాలి. ఆ తరవాత నెమ్మదిగా లేవాలి. గంటల కొద్దీ కుర్చీలకే అతుక్కుపోకూడదు. ఎంత బిజీగా ఉన్నా సరే మధ్య మధ్యలో కాస్త బ్రేక్ తీసుకోవాలి. కాస్త అటూ ఇటూ నడవాలి. కనీసం పది నిముషాల పాటు గ్యాప్ తీసుకోవాలి. మరీ ఎక్కువ మొత్తంలో ఆహారం తినకూడదు. ఇలా చేయడం వల్ల జీర్ణ ప్రక్రియపై ఒత్తిడి పడుతుంది. డైజేషన్ అయ్యే క్రమంలో బ్లడ్ ఫ్లో అంతా గట్ వైపే వెళ్తుంది. శరీరంలో బ్లడ్ లెవెల్స్ ఉన్నట్టుండి పడిపోతాయి. అందుకే వీలైనంత తక్కువగా తినాలి. ఫ్లూయిడ్స్ ఎక్కువగా తీసుకోవాలి. ఉప్పు ఉన్న పదార్థాలు తినాలి.