బ్రష్ చేసిన తరవాత చాలా మంది చేస్తున్న అతి పెద్ద తప్పు ఇదే

మనం రోజూ చేసే పనులే కావచ్చు. కానీ..వాటిని ఓ అలవాటు ప్రకారం చేసేస్తుంటారు. వాటి వల్ల మనకు ఎలాంటి నష్టం జరుగుతోంది. అసలు ఆ పనులను సరైన విధంగా చేస్తున్నామా లేదా అన్నది ఆలోచించరు. వీటి గురించి కూడా ఇంతగా ఆలోచించాలా అనిపించినా...చిన్న చిన్న పొరపాట్ల కారణంగా మనకు తెలియకుండానే మనం అనారోగ్యాలను కొని తెచ్చుకుంటున్నాం. ఉదయం లేవగానే మనం బ్రష్ చేసుకుంటాం.

అంతా క్లీన్ చేసుకున్న తరవాత బ్రష్ కడిగి పక్కన పెట్టేసి స్నానానికి వెళ్లిపోతాం. కానీ బ్రషింగ్ అయిన తరవాత బ్రష్ ని మనం ఎలా స్టోర్ చేస్తున్నామనే దాన్ని బట్టి కూడా మన ఆరోగ్యం ఎలా ఉంటుందన్నది చెప్పొచ్చు అంటున్నారు డాక్టర్ మైల్స్ మాడిసన్. ఈ విషయంలో జాగ్రత్తలు తీసుకోకపోతే ఇబ్బందులు తప్పవని చెబుతున్నారు. మరి ముఖం కడుక్కున్న తరవాత బ్రష్ ని ఎలా స్టోర్ చేస్తే జబ్బులు వస్తాయి. ఎలా స్టోర్ చేయడం ఆరోగ్యకరం. ఈ వివరాలన్నీ ఓ వీడియోలో ఎక్స్ ప్లెయిన్ చేశారు. ఆ టిప్స్ ఏంటో ఓ సారి చూద్దాం.

అలవాటు ప్రకారం

సాధారణంగా బ్రషింగ్ అయిపోయిన తరవాత వెంటనే బ్రష్ ని కాస్తంత తడిపి పక్కన పెడతాం. ఇది అందరికీ ఉండే అలవాటు. కానీ..ఇది ఏ మాత్రం ఆరోగ్యకరమైన అలవాటు కాదంటున్నారు డాక్టర్ మైల్స్ మాడిసన్. బ్రష్ తడిగా ఉంటే దానిపై రకరకాల బ్యాక్టీరియా వచ్చి చేరే ప్రమాదముంటుంది. అయితే..కొంత మంది బ్రషింగ్ చేసిన తరవాత బ్రష్ తడిపి దానిపై చిన్న బాక్స్ లాంటి క్యాప్ పెట్టి పక్కన పెడుతుంటారు. ఇలా స్టోర్ చేయడం సరైన పద్ధతి అనుకుంటారు. కానీ..ఇది కూడా కరెక్ట్ కాదంటున్నారు డాక్టర్. ఇది కూడా హానికర బ్యాక్టీరియా ఫామ్ అవడానికి దారి తీస్తుందని వివరిస్తున్నారు. మరి టూత్ బ్రష్ ని స్టోర్ చేయాల్సిన సరైన పద్ధతి ఏంటి. ఆయన ఏం చెప్పారో క్లియర్ గా తెలుసుకుందాం.

బ్రష్ పై బ్యాక్టీరియా

మనం రాత్రంతా నిద్రపోయి ఉదయాన్నే లేచి బ్రష్ చేసుకుంటాం. అయితే..నిద్రపోయిన సమయంలో నోట్లో రకరకాల క్రిములు, బ్యాక్టీరియా వచ్చి చేరతాయి. ఉదయాన్నే వాటిని క్లీన్ చేసేసి ఆ తరవాత మిగతా పనులు మొదలు పెడతాం. ఓరల్ హెల్త్ బాగుంటేనే మన జీర్ణ వ్యవస్థ కూడా బాగుంటుంది. సరైన విధంగా బ్రష్ చేసుకోకపోయినా, బ్రషింగ్ లో ఏవైనా పొరపాట్లు చేసినా అవి మన గట్ హెల్త్ ని పాడు చేస్తాయి. నోట్లో ఉండే బ్యాక్టీరియా అంతా పొట్టలోకి వెళ్లిపోతుంది. ఆహారం జీర్ణమయ్యే ప్రక్రియను ఇది అడ్డుకుంటుంది. ఈ కారణంగా గ్యాస్, మలబద్ధకం లాంటి సమస్యలు వస్తాయి. అందుకే..సరైన విధంగా బ్రష్ ని స్టోర్ చేయాల్సి ఉంటుంది.

డాక్టర్ చెప్పిన టిప్స్

ఎలా స్టోర్ చేయాలి

బ్రషింగ్ అయిపోయిన తరవాత బ్రష్ పై నోట్లో ఉండే బ్యాక్టీరియా అంతా వచ్చి చేరుతుంది. సరైన విధంగా క్లీన్ చేయకపోతే అది అలాగే ఉండిపోతుంది. అందుకే..బ్రషింగ్ అయిపోయిన వెంటనే నీళ్లతో శుభ్రం చేసుకోవాలి. ఆ తరవాత వెంటనే పక్కన పెట్టకూడదు. బ్రష్ పై తడి ఉంటే బ్యాక్టీరియా వచ్చే అవకాశముంటుంది. అందుకే అందులో తడి పోయేంత వరకూ దులపాలి. లేదా కాసేపు అలా గాలికి ఆరబెట్టాలి. ఇలా చేయడం వల్ల కాసేపట్లోనే తేమ అంతా తొలగిపోతుంది. బ్యాక్టీరియా రావడానికి అవకాశం కూడా ఉండదు. పూర్తిగా ఎండిపోయిన తరవాత అప్పుడు క్యాబినెట్ లో కానీ..బ్రష్ స్టాండ్ లో కానీ స్టోర్ చేయాలి.

ఇలా అసలు చేయకూడదు

​బ్రష్ ని ఆరబెట్టిన తరవాత స్టోర్ చేయడం మంచిదే. అయితే..దాన్ని పూర్తిగా కవర్ చేయడం మాత్రం అసలు మంచిది కాదు. బ్రష్ ని కప్పి ఉంచేందుకు చిన్న బాక్స్ లాంటి కవర్స్ ఉంటాయి. వాటితో కప్పి ఉంచి స్టోర్ చేయడం చాలా మందికి అలవాటు. కానీ..ఇలా చేస్తే బ్యాక్టీరియా పెరిగిపోయే ప్రమాదముంటుంది. నిజానికి..ఈ బాక్స్ లాంటి కవర్స్ బ్యాక్టీరియాకి ఇన్ క్యుబేటర్స్ లా పని చేస్తాయి అంటున్నారు డాక్టర్ మైల్స్ మాడిసన్. అంటే ఎక్కువ సమయం పాటు అలా పట్టి ఉంచేందుకు ఇవి అనువుగా ఉంటాయి. అందుకే..పొరపాటున కూడా బ్రష్ కవర్స్ వాడకూడదు. ముఖ్యంగా తడి బ్రష్ ని ఇలా అసలు కవర్ చేయకూడదు. దాన్ని పూర్తిగా తడిపిన తరవాత సరైన విధంగా గాలికి తగిలేలా ఉంచడమే మంచిది.

రెండు పూటలా బ్రష్

చాలా మందికి ఒక్క పూట మాత్రమే బ్రష్ చేసుకునే అలవాటు ఉంటుంది. అయితే..రాత్రి పూట కూడా నిద్రపోయే ముందు బ్రష్ చేసుకుంటే ఓరల్ హెల్త్ బాగుంటుందని వైద్యులు సూచిస్తున్నారు. నోట్లో ఉండే బ్యాక్టీరియా ఒక్కోసారి రక్తనాళాల్లోకి వెళ్లే ప్రమాదముంటుంది. ఇది పూర్తిగా ఆరోగ్యాన్ని దెబ్బ తీస్తుంది. అంతే కాదు. గుండె పోటు, జబ్బులు వచ్చే ముప్పు కలిగిస్తుంది. అందుకే..రెండు పూటలా తప్పనిసరిగా బ్రష్ చేసుకోవాలి. ఇలా చేయడం వల్ల హాయిగా నిద్ర పడుతుంది