భార్యమో పోలీసు.. భర్తమో దొంగ
national | Suryaa Desk | Published : Tue, May 27, 2025, 07:31 PM
భార్య కళ్లలో ఆనందం కోసం పాపం ఓ భర్త దొంగగా మారాడు. అలా అని ఆమె తన భర్తని నువ్వు వెళ్లి దొంగతనం చేయమని అనలేదు. ఆసక్తికరంగా ఉన్న ఈ స్టోరీ.. ఉత్తర్ప్రదేశ్లో చోటుచేసుకుంది. మే 22న లక్నోలో ఓ దొంగతనం జరిగింది. చూస్తుండగానే బైక్పై వచ్చిన ఓ వ్యక్తి దారిన పోతున్న మహిళ మెడలోంచి బంగారం కొట్టేశాడు. ఇక్కడ అసలు ట్విస్ట్ ఏంటంటే దొంగ భార్య ఉత్తర్ప్రదేశ్ పోలీసు విభాగంలో కానిస్టేబుల్గా పని చేస్తుంది. ఈ సంఘటన లక్నోలోని కృష్ణానగర్లో వెలుగు చూసింది. ఈనెల 22న బాధితురాలు కృష్ణదేవి తన మరిదిని చూడటానికి వాళ్ల ఇంటికి వెళుతుండగా ఈ సంఘటన జరిగింది. లోక్బంధు హాస్పిటల్ రోడ్లోని J.B స్కై హిల్టన్ సమీపంలో ఆమె వెళ్తుండగా మోటార్ సైకిల్పై వచ్చిన శుభం రాజ్ పుత్.. కృష్ణదేవి మెడలో ఉన్న బంగారు గొలుసును లాక్కొని పారిపోయాడు. 500కు పైగా CCTV ఫుటేజీలను పోలీసులు వెతికిన తర్వాత నిందితుడు శుభం రాజ్పుత్ ఆచూకీ లభించింది. అలా మే 26న శుభంను అరెస్టు చేసినట్లు DCP నిపున్ అగర్వాల్ తెలిపారు. ఇక్కడ మరో ట్విస్ట్ ఏంటంటే అసలు ఎందుకు దొంగతనం చేశావని శుభం రాజ్పుత్ను పోలీసులు అడగగా.. తన భార్య కళ్లల్లో ఆనందం కోసమని చెప్పాడు. అదేంటి అంటే..కొన్ని రోజుల క్రితమే శుభం భార్య గోల్డ్ చైన్ పోయింది. దానికి బదులుగా చైన్ కొట్టేయాలనుకున్నాడు. కానీ, చివరకు పోలీసులకు చిక్కాడు. అతడి భార్య కానిస్టేబుల్ కావడం అన్నింటికన్నా పెద్ద ట్విస్ట్.
|
|