ఎలిమినేటర్ మ్యాచ్‌కి ముందు డిఫరెంట్‌గా,,,,క్లీన్ షేవ్ చేయించిన హార్దిక్ పాండ్యా

హార్దిక్ పాండ్యా కొత్త గెటప్ అందర్నీ అవాక్కయ్యేలా చేసింది. ఇప్పటిదాకా ఫుల్ గడ్డంతో కాస్త బొద్దుగా కనిపించిన పాండ్యా.. ఇప్పుడు క్లీన్ షేవ్ మధ్యలో కాస్తంత ఫినిషింగ్ టచ్‌తో స్లిమ్‌గా మారిపోయడు. ఎలిమినేటర్ మ్యాచ్‌కి ముందు హార్దిక్ ఫొటోలు సోషల్ మీడియాలో వైరల్ అయ్యాయి. టీ20 వరల్డ్‌కప్ 2024 ఫైనల్‌కి ముందు కూడా హార్దిక్ ఇలానే కనిపించడం విశేషం.

ముంబై ఇండియన్స్ కెప్టెన్ హార్దిక్ పాండ్యా సడెన్‌గా గెటప్ ఛేంజ్ చేశాడు. మొన్నటి వరకు గడ్డం పెంచుకున్న పాండ్యా ఇప్పుడు కాస్తంత డిఫరెంట్‌గా కనిపించాడు. ఐపీఎల్ 2025 ప్లే ఆఫ్స్‌లో భాగంగా ఈరోజు గుజరాత్ టైటాన్స్, ముంబై ఇండియన్స్ మధ్య ఎలిమినేటర్ మ్యాచ్ జరగనుంది. దాని కోసం పాండ్యా ఇలా డిఫరెంట్‌గా కనిపించాడు.

హార్దిక్ పాండ్యా కెప్టెన్సీలో ముంబై ఇండియన్స్ ఆల్‌రౌండర్ షోతో అదరగొడుతోంది. ఈ సీజన్ ఆరంభం వరుస ఓటములతో సతమతమైన ముంబై ఇండియన్స్ అందర్నీ ఆశ్చర్యపరుస్తూ వరుస విజయాలతో ప్లే ఆఫ్స్‌లో అడుగుపెట్టింది. మొదటి రెండు స్థానాల కోసం జరిగిన మ్యాచ్‌లో పంజాబ్‌పై చిత్తు చిత్తుగా ఓడి నాలుగో స్థానంలో స్థిరపడింది.

ఐపీఎల్ పాయింట్ల పట్టిక ప్రకారం మూడు, నాలుగు స్థానాల్లో ఉన్న గుజరాత్ టైటాన్స్, ముంబై ఇండియన్స్ ఈరోజు ఎలిమినేటర్ మ్యాచ్‌లో ఆడనున్నాయి. న్యూ చండీగఢ్‌లోని ముల్లాన్‌పూర్ వేదికగా ఈ రోజు రాత్రి 7:30 గంటలకు ఎలిమినేటర్ మ్యాచ్ జరగనుంది. ఈ మ్యాచ్ లైవ్‌ను జియో హాట్ స్టార్, స్టార్ స్పోర్ట్స్‌లో వీక్షించొచ్చు.

ఐపీఎల్ చరిత్రలో ముంబై ఇండియన్స్ ప్లే ఆఫ్స్‌లో నిలిచి ఇప్పటి వరకు టైటిల్ సాధించిన చరిత్ర లేదు. టాప్ 2 పొజిషన్‌‌తో ఆరుసార్లు ఐపీఎల్ ప్లే ఆఫ్స్‌లో అడుగుపెట్టిన ముంబై ఇండియన్స్ ఐదుసార్లు ఛాంపియన్స్‌గా నిలిస్తే.. ఒక్కసారి రన్నరప్‌‌గా నిలిచింది. టాప్ 4లో నాలుగుసార్లు అడుగుపెట్టి.. రెండుసార్లు ఎలిమినేటర్‌లో విజయం సాధించినా క్వాలిఫైయర్ 2లో ఒక్కసారి కూడా గెలవలేదు.

గుజరాత్ టైటాన్స్‌పై కూడా ముంబైకి అంత పెద్ద ట్రాక్ రికార్డు లేదు. ఐపీఎల్ చరిత్రలో గుజరాత్ - ముంబై ఏడు మ్యాచ్‌లలో తలపడితే హార్దిక్ సేన కేవలం రెండు మ్యాచ్‌లలోనే విజయం సాధించింది. చివరి ఐదు మ్యాచ్‌లు చూస్తే నాలుగు ఓడి, ఒకటి గెలిచింది. ఈ సీజన్‌లో ఆడిన రెండు మ్యాచ్‌లలోనూ ముంబై ఇండియన్స్ ఓటమిపాలయింది. మరి ఈ రోజు జరిగే మ్యాచ్‌లో ఎలాంటి రిజల్ట్స్ వస్తుందోనని ఐపీఎల్ ఫ్యాన్స్ టెన్షన్‌లో ఉన్నారు.