ప్రత్యేక బహుమతితో ఎలాన్ మస్క్కి గుడ్బై చెప్పిన ట్రంప్
international | Suryaa Desk | Published : Sat, May 31, 2025, 07:54 PM
ప్రపంచ కుబేరుడు,టెస్లా అధినేత ఎలాన్ మస్క్ సంచలన నిర్ణయం తీసుకున్న సంగతి తెలిసిందే. డొనాల్డ్ ట్రంప్ అమెరికా అధ్యక్షుడిగా బాధ్యతలు స్వీకరించిన తర్వాత ట్రంప్ యంత్రాంగంలో మస్క్ భాగస్వామి అయ్యాడు. డిపార్ట్మెంట్ ఆఫ్ గవర్నమెంట్ ఎఫిషియన్స్(డీఓజీఈ) చీఫ్గా బాధ్యతలు స్వీకరించాడు. అయితే తాజాగా మస్క్ ఆ బాధ్యతల నుంచి వైదొలగాడు. ఈ క్రమంలో అమెరికా అధ్యక్ష సలహాదారుగా వైదొలగిన మస్క్కి ట్రంప్ ఘనంగా వీడ్కోలు పలికాడు. అంతేకాక ఈ సందర్భంగా మస్క్కి ప్రత్యేక బహుమతి ఇచ్చాడు ట్రంప్. ఆ వివరాలు..
డోజ చీఫ్ బాధ్యతల నుంచి తప్పుకున్న ఎలాన్ మస్క్.. మే 30న తన పదవికి చివరి రోజు కావడంతో అధ్యక్షుడు ట్రంప్ ఆఫీస్కి వచ్చి కలిశాడు. మస్క్కి వీడ్కోలు పలికిన ట్రంప్.. అతడికి ప్రత్యేక బహుమతి ఇచ్చాడు. డోజ్కు సేవలు అందించినందుకు గానూ మస్క్కు వైట్హౌస్ బంగారు తాళం అందించారు. ప్రత్యేకమైన వ్యక్తులకే ఈ గిఫ్ట్ ఇస్తామని తెలిపిన ట్రంప్.. దేశం తరఫున మస్క్కి ఇప్పుడు ఈ ప్రత్యేక బహుమతి అందిస్తున్నాని చెప్పుకొచ్చాడు.
మస్క్ వీడ్కోలు సందర్బంగా ఏర్పాటు చేసిన ప్రెస్మీట్లో ట్రంప్ మాట్లాడుతూ.. టెస్లా అధినేతపై ప్రశంసలు కురిపించాడు. డోజ్ చీఫ్గా బాధ్యతలు తీసుకున్న మస్క్.. ఎంతో సమర్థవంతంగా తన బాధ్యతలు నిర్వహించారని చెప్పుకొచ్చాడు. మస్క్.. ప్రపంచంలోనే ఒక గొప్ప వ్యాపారవేత్త, ఆవిష్కర్త అని ప్రశంసించాడు. మస్క్ తన తెలివితేటలను.. అమెరికా అభివృద్ధికి వాడేందుకు ముందుకు వచ్చినట్లు తెలిపాడు. డోజ్ తన సేవలను కొనసాగిస్తుందని ట్రంప్ చెప్పుకొచ్చాడు.
అనంతరం మస్క్ మాట్లాడుతూ.. డోజ్ చీఫ్గా తనకు అవకాశం కల్పించినందుకు ధన్యవాదాలు తెలిపాడు. ఈ బాధ్యతను నుంచి వైదొలగినప్పటికీ.. తాను అధ్యక్ష కార్యాలయానికి వస్తాను అన్నాడు. ట్రంప్ కోరితే తన సలహాలు, సూచనలు చేస్తానని వెల్లడించాడు. ‘డోజ్’ పదవి కాలం పరిమితితో కూడుకున్నదన్నాడు. తాను 134 రోజులు డోజ్ ఛీఫ్గా బాధ్యతలు నిర్వహించానని ల్లడించాడు. ‘డోజ్’కు ఇది ముగింపు కాదని, ప్రాజెక్ట్ ఇప్పుడే ప్రారంభమైందన్నాడు. ఇది డబ్బు వృథాను అరికడుతుందని తెలిపాడు. రానున్న రోజుల్లో డోజ్ వ్యవస్థ క్రమంగా బలపడుతూ..ఒక జీవిత విధానంగా మారుతుందని చెప్పుకొచ్చాడు.
ట్రంప్ రెండో సారి అమెరికా అధ్యక్షుడిగా బాధ్యతలు స్వీకరించిన తర్వాత.. ఎలాన్ మస్క్ను తన పాలకవర్గంలోకి సలహాదారుగా తీసుకున్నాడు. ప్రభుత్వంలో భారీగా చోటు చేసుకుంటున్న వృథా ఖర్చులను తగ్గించడమే లక్ష్యంగా ‘డోజ్’ శాఖను ఏర్పాటు చేశాడు. దీని బాధ్యతలను మస్క్కు అప్పగించాడు ట్రంప్. అయితే మస్క్ చేసిన సూచనలపై భారీ ఎత్తున విమర్శలు వచ్చాయి. అంతేకాక తాజాగా ట్రంప్ తీసుకువచ్చిన ది వన్ బిగ్ బ్యూటిఫుల్ కొత్త పన్ను విధానాన్ని విమర్శించాడు. ఆ మరుసటిరోజే డోజ్ నుంచి తప్పుకుంటున్నట్లు ప్రకటించాడు.
|
|