కాఫీ పౌడర్తో ఇంట్లోనే ఫేస్ప్యాక్
Life style | Suryaa Desk | Published : Sat, May 31, 2025, 08:17 PM
కాఫీ పౌడర్ అందాన్ని పెంచడంలో చాలా బాగా పనిచేస్తుంది. దీనిని వాడడం వల్ల మృతకణాలు తొలగించి, జుట్టుకి సహజ మెరుపుని అందిస్తుంది. కాఫీలో కెఫిన్, యాంటీ ఆక్సిడెంట్స్ ఉంటాయి. ఇవి చర్మంపై ఉండే చాలా సమస్యల్ని తగ్గిస్తాయి. ప్రతీ విషయానికి డబ్బులతోనే అవసరం లేదు. కాస్తా ఓపిక, మరింత తీరిక ఉంటే చాలు. అలానే అందాన్ని పెంచుకోవడానికి బయటికి వెళ్లి వేలకి వేలు ఖర్చు పెట్టకుండానే ఇంట్లోని కొన్ని టిప్స్ని ఫాలో అయి అందాన్ని పెంచుకోవచ్చు. అందులో భాగంగా కాఫీని వాడి బ్యూటీని ఎలా ఎన్హాన్స్ చేసుకోవచ్చు.
ముందుగా టేబుల్ స్పూన్ కాఫీ పౌడర్లో పాలు కలపాలి. దీనిని ఫేస్ప్యాక్లా చేయాలి. ముఖానికి అప్లై చేసి 15 నిమిషాల తర్వాత క్లీన్ చేయండి. వారానికి రెండు సార్లు ఇలా చేస్తే ముఖంపై ఉన్న మచ్చలు మాయమవుతాయి. ముఖంపై గీతలు, ముడతలు తగ్గుతాయి. స్ట్రెచ్ మార్క్స్ని కూడా తగ్గించడంలో ఇది చాలా బాగా హెల్ప్ అవుతుంది.
ఆలివ్ ఆయిల్
కాఫీ పౌడర్లో కొద్దిగా పంచదార, నిమ్మరసం, తేనె, స్పూన్ పరిమాణంలో ఆలివ్ ఆయిల్ వేసి మొత్తం కలిపి పేస్టులా చేయాలి. దీనిని ప్యాక్లా చేసిన తర్వాత దానిని ముఖం, మెడ, చేతులకి రాసి మృదువుగా రుద్దాలి. దీని వల్ల మృతకణాలు తొలగి స్కిన్ మృదువుగా మారుతుంది.
పెరుగు
ఎండలో ఎక్కువగా తిరిగినప్పుడు ముఖంపై టాన్ ఏర్పడుతుంది. అలాంటప్పుడు కాఫీ పౌడర్ చక్కని పరిష్కారంగా ఉంటుంది. కాఫీ పౌడర్లో కొద్దిగా పెరుగు, చెంచా తేనె వేసి కలపాలి. దీనిని ముఖానికి రాయాలి. దీంతో చర్మం కాంతివంతంగా కనిపిస్తుంది. చర్మాన్ని ఆరోగ్యంగా, తాజాగా కనిపించేలా చేస్తుంది.
స్క్రబ్
రెండు చెంచాలా కాఫీ పౌడర్లో రెండు చెంచాల ఆలివ్ ఆయిల్, నానబెట్టిన బాదంని రుబ్బి పేస్టులా చేయాలి. కాసిన్నీ పాలు రెండు చెంచాల శనగపిండి కలిపి ఒంటికి నలుగులా రుద్దుకోవచ్చు. ఇది స్క్రబ్లా పనిచేస్తుంది. చర్మానికి నిగారింపుని తీసుకొస్తుంది.
బెనిఫిట్స్
కాఫీని ముఖానికి రాయడం వల్ల చర్మంపై మృతకణాలను తొలగించి స్కిన్ సాఫ్ట్గా చేస్తుంది.
కాఫీ పౌడర్లోని యాంటీ ఆక్సిడెంట్స్ చర్మానికి సహజ మెరుపుని అందిస్తుంది.
ఈ పౌడర్ రక్తప్రసరణని మెరుగ్గా చేసి చర్మానికి ఆక్సిజన్ అందేలా చేస్తుంది.
కాఫీ పౌడర్ రాయడం వల్ల ముడతలు, నల్లని వలయాలు తగ్గుతాయి.
ఇందులోని యాంటీ బ్యాక్టీరియల్ గుణాల కారణంగా యాక్నే సమస్యలు దూరమవుతాయి.
|
|